Success Story: ಬೇಡಿಕೆಯ ಬೆಳೆ ಮಾಡಿ 4 ತಿಂಗಳಲ್ಲಿ 3 ಕೋಟಿ ರೂಪಾಯಿ ಸಂಪಾದಿಸಿದ ರೈತ!

ಲಖನೌ: ಕೃಷಿ ಲಾಭದಾಯಕವಲ್ಲ ಎಂಬ ಮಾತುಗಳು ಕೇಳಿ ಬರುತ್ತಲೇ ಇರುತ್ತವೆ. ಆದರೆ ಇಲ್ಲೊಬ್ಬ ರೈತ ಸಾಂಪ್ರದಾಯಿಕ ಬೆಳೆಗೆ ತಿಲಾಂಜಲಿ ಹೇಳಿ ಮಾರುಕಟ್ಟೆಲ್ಲಿ ಬೇಡಿಕೆ ಇರುವ ಬೆಳೆ ಮಾಡಿ ಕೇವಲ ನಾಲ್ಕೇ ತಿಂಗಳಲ್ಲಿ 3 ಕೋಟಿ ರೂಪಾಯಿಗೂ ಹೆಚ್ಚು ಆದಾಯ ಗಳಿಸಿದ್ದಾನೆ.

ಇದನ್ನೂ ಓದಿ: ಬ್ರೆಜಿಲ್​ನಲ್ಲಿ ಭಾರಿ ಮಳೆ: 37 ಮೃತ್ಯು- 74 ಕ್ಕೂ ಹೆಚ್ಚು ಜನ ನಾಪತ್ತೆ

ಉತ್ತರ ಪ್ರದೇಶದ ಶಹಜಹಾನ್‌ಪುರದ ಪುವಾಯನ್ ತೆಹಸಿಲ್‌ನ ಪ್ರಗತಿಪರ ಯುವ ರೈತ ದೀಪಕ್ ತನ್ನ 10 ಎಕರೆ ಜಮೀನಿನಲ್ಲಿ ಕಳೆದ ಎರಡು ವರ್ಷಗಳಿಂದ ಸೋರೆಕಾಯಿ, ಕಲ್ಲಂಗಡಿ ಕೃಷಿ ಮಾಡುತ್ತಿದ್ದಾರೆ. ಆರಂಭದಲ್ಲಿ 10 ಎಕರೆ ಕೃಷಿ ಮಾಡಿದ್ದ ದೀಪಕ್, ಈ ಬಾರಿ ಗ್ರಾಮದಲ್ಲಿ 356 ಎಕರೆ ಜಮೀನನ್ನು ರೈತರಿಂದ ಗುತ್ತಿಗೆ ಪಡೆದಿದ್ದಾರೆ.

ಈ ಭಾಗದ ರೈತರು ಹೆಚ್ಚಾಗಿ ಆಲೂಗಡ್ಡೆ ಬೆಳೆಯುತ್ತಾರೆ. ಈ ಬೆಳೆ ಕಟಾವು ಮಾಡಿ ರೈತರ ಹೊಲ ಖಾಲಿಯಾಗಿದ್ದರಿಂದ ದೀಪಕ್​ 4 ತಿಂಗಳ ಕಾಲ ಗುತ್ತಿಗೆ ಪಡೆದು ಕುಂಬಳಕಾಯಿ, ಕಲ್ಲಂಗಡಿ ಬೆಳೆಗಳನ್ನು ಕೃಷಿ ಮಾಡಿದ್ದರು.

ಇದಕ್ಕಾಗಿ ದೀಪಕ್ ಥಾಯ್ಲೆಂಡ್ ಮತ್ತು ತೈವಾನ್‌ನಿಂದ ಗುಣಮಟ್ಟದ ಕಲ್ಲಂಗಡಿ ಮತ್ತು ಕುಂಬಳಕಾಯಿ ಬೀಜಗಳನ್ನು ತರಿಸಿ ಬಿತ್ತನೆ ಮಾಡಿದರು. ಕಲ್ಲಂಗಡಿ ಬೆಳೆ ಎಕರೆಗೆ 150-200 ಕ್ವಿಂಟಲ್ ಇಳುವರಿ ಬಂದಿದೆ. ಬಳಿಕ ದೀಪಕ್ ಉತ್ತರ ಪ್ರದೇಶದ 40-50 ಮಂಡಿಗಳು, ಉತ್ತರಾಖಂಡದ 20 ಮಂಡಿಗಳು, ಬಿಹಾರದ ಹಲವು ಜಿಲ್ಲೆಗಳಿಗೆ ಕಲ್ಲಂಗಡಿ ಸರಬರಾಜು ಮಾಡಿದರು. ಕೆಲ ಹಣ್ಣಿನ ವ್ಯಾಪಾರಿಗಳು ನೇರವಾಗಿ ದೀಪಕ್ ಅವರನ್ನು ಸಂಪರ್ಕಿಸಿ ಆರ್ಡರ್ ಪಡೆದು ಹಣ್ಣುಗಳನ್ನು ಕಟಾವು ಮಾಡಿ ತೆಗೆದುಕೊಂಡು ಹೋದರು.

ಕಲ್ಲಂಗಡಿ ಕೃಷಿ ಮಾಡಿದ್ದ ದೀಪಕ್ ಒಟ್ಟಾರೆ ಗಳಿಸಿದ್ದು 3 ಕೋಟಿ ರೂ.. ಇದಲ್ಲದೆ, ಅವರು ಈ ನಾಲ್ಕು ತಿಂಗಳಲ್ಲಿ ಸುಮಾರು 400-500 ಜನರಿಗೆ ಉದ್ಯೋಗವನ್ನು ಒದಗಿಸಿದರು. ಬೇಸಿಗೆಯಲ್ಲಿ ಕಲ್ಲಂಗಡಿ ಮತ್ತು ಕುಂಬಳಕಾಯಿ ಮಾರುಕಟ್ಟೆಯಲ್ಲಿ ಸುಲಭವಾಗಿ ಮಾರಾಟವಾಗುತ್ತವೆ. ಇಂತಹ ಬೆಳೆಗಳನ್ನು ಬೆಳೆದರೆ ಉತ್ತಮ ಆದಾಯ ಗಳಿಸಬಹುದು ಎನ್ನುತ್ತಾರೆ ದೀಪಕ್​.

https://www.vijayavani.net/janhvi-flaunts-shikhu-necklace-gets-thumbs-up-from-shikhar-pahariya