ರಾಜ್ಯ ಕ್ರಿಕೆಟಿಗರ 'ಐಪಿಎಲ್​ ಚಿಮ್ಮುಹಲಗೆ' ಮಹಾರಾಜ ಟಿ20 ಟ್ರೋಫಿ ಅನಾವರಣ

ಚಿತ್ರಗಳು: ರಾಘವೇಂದ್ರ ಸಿ.

ಬೆಂಗಳೂರು: ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಭಾನುವಾರದಿಂದ ನಡೆಯಲಿರುವ 2ನೇ ಆವೃತ್ತಿಯ ಮಹಾರಾಜ ಟ್ರೋಫಿ ಕೆಎಸ್​ಸಿಎ ಟಿ20 ಟೂರ್ನಿಯ ಟ್ರೋಫಿಯನ್ನು ಗುರುವಾರ ಅನಾವರಣಗೊಳಿಸಲಾಯಿತು. ಫಿಕ್ಸಿಂಗ್ ಕಳಂಕ ಎದುರಿಸಿದ ಕೆಪಿಎಲ್​ ಬದಲಿಗೆ ಬಂದಿರುವ ಈ ಟೂರ್ನಿ, ರಾಜ್ಯದ ಯುವ ಕ್ರಿಕೆಟಿಗರಿಗೆ ಐಪಿಎಲ್​ ಫ್ರಾಂಚೈಸಿಗಳ ಗಮನಸೆಳೆಯಲು ಉತ್ತಮ ವೇದಿಕೆ ಎನಿಸಿದೆ. ಹೀಗಾಗಿ ಈ ಟೂರ್ನಿ ಐಪಿಎಲ್​ಗೆ ಚಿಮ್ಮುಹಲಗೆ ಎನಿಸಿದೆ.

ಬ್ಯಾಟಿಂಗ್​ ದಿಗ್ಗಜ ಜಿಆರ್​ ವಿಶ್ವನಾಥ್​, ಕೆಎಸ್​ಸಿಎ ಅಧ್ಯಕ್ಷ ರುರಾಮ್​ ಭಟ್​, ಉಪಾಧ್ಯಕ್ಷ ಹಾಗೂ ಟೂರ್ನಿಯ ಚೇರ್ಮನ್​ ಬಿಕೆ ಸಂಪತ್​ಕುಮಾರ್​, ಜಂಟಿ ಕಾರ್ಯದರ್ಶಿ ಶಾವೀರ್​ ತಾರಾಪುರ್​ ಅವರೊಂದಿಗೆ ಬೆಂಗಳೂರು ಬ್ಲಾಸ್ಟರ್ಸ್​, ಶಿವಮೊಗ್ಗ ಲಯನ್ಸ್​, ಗುಲ್ಬರ್ಗಾ ಮಿಸ್ಟಿಕ್ಸ್​ ಮತ್ತು ಮೈಸೂರು ವಾರಿಯರ್ಸ್​ ತಂಡಗಳ ನಾಯಕರಾದ ಮಯಾಂಕ್​ ಅಗರ್ವಾಲ್​, ಶ್ರೇಯಸ್​ ಗೋಪಾಲ್​, ವೈಶಾಕ್​ ವಿಜಯ್​ಕುಮಾರ್​ ಮತ್ತು ಕರುಣ್​ ನಾಯರ್​ ಹಾಜರಿದ್ದರು.

13ಕ್ಕೆ ಗುಲ್ಬರ್ಗಾ-ಬೆಂಗಳೂರು ಉದ್ಘಾಟನಾ ಪಂದ್ಯ

ಹಾಲಿ ಚಾಂಪಿಯನ್​ ಗುಲ್ಬರ್ಗಾ ಮಿಸ್ಟಿಕ್ಸ್​ ಮತ್ತು ಹಾಲಿ ರನ್ನರ್​ಅಪ್​ ಬೆಂಗಳೂರು ಬ್ಲಾಸ್ಟರ್ಸ್​ ತಂಡಗಳ ಮುಖಾಮುಖಿಯೊಂದಿಗೆ ಭಾನುವಾರದಂದು ಕೆಎಸ್​ಸಿಎಯ ಮಹಾರಾಜ ಟ್ರೋಫಿ ಟಿ20 ಟೂರ್ನಿಗೆ ಚಾಲನೆ ಸಿಗಲಿದೆ. ಪ್ರತಿದಿನ 2 ಪಂದ್ಯಗಳು ನಡೆಯಲಿದ್ದು, ಎಲ್ಲ ಪಂದ್ಯಗಳು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಿಗದಿಯಾಗಿವೆ. ಲೀಗ್​ ಹಂತದಲ್ಲಿ ಟೂರ್ನಿಯ ಎಲ್ಲ 6 ತಂಡಗಳು ತಲಾ 2 ಬಾರಿ ಮುಖಾಮುಖಿ ಆಗಲಿವೆ.

29ರಂದು ಫೈನಲ್​

ಆ.29ರಂದು ಫೈನಲ್​ ಪಂದ್ಯ ನಡೆಯಲಿದೆ. ಲೀಗ್​ ಹಂತದ ಅಗ್ರ 4 ತಂಡಗಳು ಪ್ಲೇಆಫ್​ ಬದಲಿಗೆ ಸೆಮಿಫೈನಲ್​ನಲ್ಲಿ ಸೆಣಸಲಿವೆ. ಆ.28ರಂದು ಎರಡೂ ಸೆಮಿಫೈನಲ್​ ಪಂದ್ಯಗಳು ನಡೆಯಲಿವೆ.

https://www.vijayavani.net/fire-breaks-out-at-eden-gardens-dressing-room-during-renovation-work-before-world-cup

https://www.vijayavani.net/no-batter-has-succeeded-number-four-slot-since-yuvraj-singh-captain-rohit-sharma-said