ವೈವಾಹಿಕ ಜೀವನಕ್ಕೆ ಕಾಲಿಡಲು ಸಜ್ಜಾದ ಬ್ಯಾಡ್ಮಿಂಟನ್​ ತಾರೆ ಪಿವಿ ಸಿಂಧು

ಹೈದರಾಬಾದ್​: ಮಾಜಿ ವಿಶ್ವ ಚಾಂಪಿಯನ್​-ವಿಶ್ವ ನಂ. 1 ಷಟ್ಲರ್​ ಹಾಗೂ ಅವಳಿ ಒಲಿಂಪಿಕ್ಸ್​ ಪದಕ ವಿಜೇತೆ ಪಿವಿ ಸಿಂಧು ವೈವಾಹಿಕ ಜೀವನಕ್ಕೆ ಕಾಲಿಡಲು ಸಜ್ಜಾಗಿದ್ದಾರೆ. ಡಿಸೆಂಬರ್​ 22ರಂದು ಉದಯ್​ಪುರದಲ್ಲಿ ನಡೆಯಲಿರುವ ಸಮಾರಂಭದಲ್ಲಿ 29 ವರ್ಷದ ಪಿವಿ ಸಿಂಧು, ಹೈದರಾಬಾದ್​ ಮೂಲದ ಉದ್ಯಮಿ ವೆಂಕಟ ದತ್ತ ಸಾಯಿ ಅವರನ್ನು ವಿವಾಹವಾಗಲಿದ್ದಾರೆ.

ವೆಂಕಟ ದತ್ತ ಸಾಯಿ ಅವರು ಪೊಸಿಡೆಕ್ಸ್​ ಟೆಕ್ನಾಲಜೀಸ್​ನಲ್ಲಿ ಕಾರ್ಯಕಾರಿ ನಿರ್ದೇಶಕರಾಗಿದ್ದಾರೆ. ವಿವಾಹ ಪೂರ್ವಭಾವಿ ಕಾರ್ಯಕ್ರಮಗಳು ಡಿಸೆಂಬರ್​ 20ರಂದೇ ಶುರುವಾಗಲಿವೆ. ಡಿಸೆಂಬರ್​ 24ರಂದು ಹೈದರಾಬಾದ್​ನಲ್ಲಿ ಆರತಕ್ಷತೆ ನಡೆಯಲಿದೆ ಎಂದು ಸಿಂಧು ಕುಟುಂಬದ ಮೂಲಗಳು ತಿಳಿಸಿವೆ.

ಕಳೆದ ಭಾನುವಾರವಷ್ಟೇ ಸಯ್ಯದ್​ ಮೋದಿ ಬ್ಯಾಡ್ಮಿಂಟನ್​ ಟೂರ್ನಿಯಲ್ಲಿ ಚಾಂಪಿಯನ್​ ಪಟ್ಟವೇರುವ ಮೂಲಕ ಸಿಂಧು 2 ವರ್ಷಗಳ ಪ್ರಶಸ್ತಿ ಬರ ನೀಗಿಸಿಕೊಂಡಿದ್ದರು. ಜನವರಿ ನಂತರ ಸಿಂಧು ಬ್ಯಾಡ್ಮಿಂಟನ್​ ಆಟದಲ್ಲಿ ಬಿಜಿಯಾಗಲಿರುವುದರಿಂದ ಇದುವೇ ವಿವಾಹಕ್ಕೆ ಸೂಕ್ತ ಸಮಯವೆನಿಸಿದೆ ಎಂದು ಸಿಂಧು ತಂದೆ ಪಿವಿ ರಮಣ ತಿಳಿಸಿದ್ದಾರೆ.

https://www.vijayavani.net/england-lost-to-new-zealand-india-gets-benifits-in-icc-world-test-championship-final-race