ಸಹೋದರಿಯರಿಬ್ಬರೂ ನೀರಲ್ಲಿ ಮುಳುಗಿ ಸಾವು; ಹತ್ತು ವರ್ಷದ ಅಕ್ಕನ ಕಣ್ಣೆದುರೇ ನೀರುಪಾಲಾದ ಬಾಲಕಿಯರು..!

ಬೆಳಗಾವಿ: ಚಿಕ್ಕಮಕ್ಕಳು ದುರಂತ ಸಾವಿಗೆ ಈಡಾಗುತ್ತಿರುವ ಪ್ರಕರಗಳು ಹೆಚ್ಚಾಗುತ್ತಿದ್ದು, ಇಂದು ಸಹೋದರಿಯರಿಬ್ಬರು ಕರೆಯಲ್ಲಿ ಮುಳುಗಿ ಮೃತಪಟ್ಟಿದ್ದಾರೆ. ಬೆಳಗಾವಿ ತಾಲೂಕಿನ ಸಾಂಬ್ರಾ ಗ್ರಾಮದಲ್ಲಿ ಈ ದುರ್ಘಟನೆ ನಡೆದಿದೆ.

ಸಾಂಬ್ರಾ ನಿವಾಸಿಗಳಾದ ನೇತ್ರಾ ಈರಣ್ಣ ಕೊಳವಿ (8) ಹಾಗೂ ಪ್ರಿಯಾ ಈರಣ್ಣ ಕೊಳವಿ (6) ಸಾವಿಗೀಡಾದ ಬಾಲಕಿಯರು. ದುರಂತವೆಂದರೆ ಹತ್ತು ವರ್ಷದ ಅಕ್ಕನ ಕಣ್ಣೆದುರೇ ಈ ಬಾಲಕಿಯರು ನೀರುಪಾಲಾಗಿದ್ದಾರೆ.

ಇದನ್ನೂ ಓದಿ: ರಾಜ್ಯಾದ್ಯಂತ ಪುನೀತ್​ಗೆ ‘ಪುಷ್ಪಾಂಜಲಿ, ದೀಪಾಂಜಲಿ, ಗೀತಾಂಜಲಿ, ಬಾಷ್ಪಾಂಜಲಿ’; ಗೀತನಮನ, ಅಪ್ಪು ಗುಣಗಾನ..

ಹಿರಿಯ ಸಹೋದರಿ ಸಂಧ್ಯಾ (10) ಜತೆ ನೇತ್ರಾ ಹಾಗೂ ಪ್ರಿಯಾ ದೀಪಾವಳಿ ಹಬ್ಬದ ಪೂಜಾ ಸಾಮಗ್ರಿಗಳನ್ನು ವಿಸರ್ಜಿಸಲು ಇಲ್ಲಿನ ಬಾಳೆಗಿಡ ಕೆರೆಗೆ ಹೋಗಿದ್ದಾಗ ಈ ದುರಂತ ಸಂಭವಿಸಿದೆ.

ಅಕ್ಕ ನೋಡ ನೋಡುತ್ತಿದ್ದಂತೆ ನೀರುಪಾಲಾದ ಸೋದರಿಯರನ್ನು ಸ್ಥಳೀಯರು ತಕ್ಷಣ ಧಾವಿಸಿ ರಕ್ಷಣೆಗೆ ಯತ್ನಿಸಿದರೂ ಪ್ರಾಣ ಉಳಿಸಲು ಸಾಧ್ಯವಾಗಿಲ್ಲ. ಸ್ಥಳೀಯರ ಸಹಾಯದಿಂದ ಬಾಲಕಿಯರ ಶವಗಳನ್ನು ನೀರಿನಿಂದ ಹೊರತೆಗೆಯಲಾಗಿದ್ದು, ಮಾರಿಹಾಳ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

https://www.vijayavani.net/five-members-of-same-family-attempted-for-suicide/

https://www.vijayavani.net/leopard-fell-into-well-while-attempting-to-catch-poultry/