ವಿಜಯಪುರದಲ್ಲಿ 77 ಸಾವಿರ ರೂಪಾಯಿ ಮೌಲ್ಯದ ಕಂಟ್ರಿ ಪಿಸ್ತೂಲ್​, ಗುಂಡು ಜಪ್ತಿ; ಇಬ್ಬರ ಬಂಧನ

ವಿಜಯಪುರ: ಅಕ್ರಮ ಕಂಟ್ರಿ ಪಿಸ್ತೂಲ್​ ಮತ್ತು ಜೀವಂತ ಗುಂಡುಗಳನ್ನು ಹೊಂದಿದ್ದ ಇಬ್ಬರು ಆರೋಪಿಗಳಿದ್ದ ಸ್ಥಳದ ಮೇಲೆ ದಾಳಿ ಮಾಡಲಾಗಿದ್ದು, 77 ಸಾವಿರ ರೂಪಾಯಿ ಮೌಲ್ಯದ ವಸ್ತುಗಳನ್ನು ಜಪ್ತಿ ಮಾಡಲಾಗಿದೆ.

ಇಂಡಿಯ ಬರಗುಡಿ ನಿವಾಸಿಯಾಗಿರುವ ಸುಧೀರ್​ ಕಾಮಣ್ಣ (25) ಮತ್ತು ಬಬಲೇಶ್ವರ ಉಪ್ಪಲದಿನ್ನು ನಿವಾಸಿ ಹನಮಂತ ಹಳ್ಳಿ (40) ಅಕ್ರಮ ಕಂಟ್ರಿ ಪಿಸ್ತೂಲು ಮತ್ತು ಗುಂಡುಗಳನ್ನು ಹೊಂದಿರುವ ಮಾಹಿತಿಯ ಮೇರೆಗೆ ಇಂದು ವಿಜಯಪುರದ ಸಿಇಎನ್​ ಅಪರಾಧ ವಿಶೇಷ ಪೊಲೀಸ್​ ಹಾಗೂ ಡಿಸಿಐಬಿ ಘಟಕ ದಾಳಿ ನಡೆಸಿದೆ. ವಿಜಯಪುರದ ಎಸ್​ಪಿ ಅನುಪಮ್​ ಅಗರ್ವಾಲ್​ ಅವರ ಮಾರ್ಗದರ್ಶನದಲ್ಲಿ ದಾಳಿ ನಡೆಸಲಾಗಿದೆ. ದಾಳಿಯಲ್ಲಿ 3 ಕಂಟ್ರಿ ಪಿಸ್ತೂಲು, 2 ಜೀವಂತ ಗುಂಡು, 2 ಕಬ್ಬಿಣದ ಕಂಟ್ರಿ ಆಯುಧ, 10 ಡಿಬಿಬಿಎಲ್​ ಜೀವಂತ ಗುಂಡುಗಳು ಸೇರಿದಂತೆ 3 ಮಚ್ಚು ಮತ್ತು 1 ಚಾಕುವನ್ನು ವಶ ಪಡಿಸಿಕೊಳ್ಳಲಾಗಿದೆ.

ಇಬ್ಬರು ಆರೋಪಿಗಳನ್ನು ಬಂಧಿಸಲಾಗಿದ್ದು, ವಿಜಯಪುರದ ವಿಶೇಷ ಪೊಲೀಸ್​ ಠಾಣೆಯಲ್ಲಿ ಪ್ರಕರಣವನ್ನು ದಾಖಲಿಸಿಕೊಳ್ಳಲಾಗಿದೆ.

https://www.vijayavani.net/bcci-has-decided-to-postpone-the-ipl/

https://www.vijayavani.net/roadies-revolution-neha-dhupia-got-trolled/