ಮೊದಲ ಟೆಸ್ಟ್ನಲ್ಲಿ ರಹಾನೆ ಮಾಡಿದ ಎಡವಟ್ಟಿನಿಂದ ವಿರಾಟ್ ಕೊಹ್ಲಿ ರನೌಟ್ ಆಗಿದ್ದರು. ಆಗ ರಹಾನೆ ವಿರುದ್ಧ ಅಸಮಾಧಾನಗೊಂಡಿದ್ದ ಕೊಹ್ಲಿ ಸಿಟ್ಟಿನಿಂದ ಕೂಗಾಡುತ್ತಲೇ ಪೆವಿಲಿಯನ್ನತ್ತ ಸಾಗಿದ್ದರು. ದಿನದಾಟದ ಬಳಿಕ ರಹಾನೆ ಕ್ಷಮೆಯಾಚಿಸಿ ಪ್ರಕರಣಕ್ಕೆ ತೆರೆ ಎಳೆದಿದ್ದರು. ಮೆಲ್ಬೋರ್ನ್ನಲ್ಲಿ ಸೋಮವಾರ ರವೀಂದ್ರ ಜಡೇಜಾರ ಅಂಥದ್ದೇ ಎಡವಟ್ಟಿನಿಂದ ರಹಾನೆ ರನೌಟಾದರು. ಆಗ ರಹಾನೆ ಸಿಟ್ಟಾಗಲಿಲ್ಲ. ಬದಲಾಗಿ ರನೌಟ್ಗೆ ಕಾರಣರಾದ ಬೇಸರದಲ್ಲಿದ್ದ ಜಡೇಜಾಗೆ, ‘ಕುಗ್ಗಬೇಡ, ಆಟ ಇನ್ನೂ ಇದೆ’ ಎಂಬ ರೀತಿಯಲ್ಲಿ ಸಮಾಧಾನ ಮಾಡಿ ಹೊರನಡೆದರು. ರಹಾನೆಯ ಈ ಕ್ರೀಡಾಸ್ಫೂರ್ತಿಯ ನಡೆ ಸಾಮಾಜಿಕ ಜಾಲತಾಣಗಳಲ್ಲಿ ಕ್ರಿಕೆಟ್ ಪ್ರೇಮಿಗಳ ಮೆಚ್ಚುಗೆ ಪಡೆದುಕೊಂಡಿದೆ.
