ಬಾಲಿವುಡ್ ನಟ ಸೈಫ್ ಅಲಿ ಖಾನ್ ಇತ್ತೀಚೆಗಷ್ಟೇ ತಮ್ಮ 50ನೇ ವರ್ಷದ ಜನ್ಮದಿನವನ್ನು ಆಚರಿಸಿಕೊಂಡರು. ಮತ್ತೆ ತಂದೆಯಾಗುತ್ತಿರುವ ಖುಷಿಯನ್ನೂ ಹಂಚಿಕೊಂಡಿದ್ದರು. ಹೀಗಿರುವಾಗಲೇ ಜೀವನಕಥೆಯನ್ನು ಪುಸ್ತಕ ರೂಪದಲ್ಲಿ ಹೊರತರುವ ಬಗ್ಗೆಯೂ ಹೇಳಿಕೊಂಡಿದ್ದರು ಸೈಫ್. ಇದೀಗ ಅದೇ ಬಯೋಗ್ರಫಿ ವಿಚಾರವೇ ಟ್ರೋಲ್ಗೆ ಆಹಾರವಾಗಿದೆ. ಸೈಫ್ ಅವರ ಈ ನಿರ್ಧಾರಕ್ಕೆ ನೆಟ್ಟಿಗರು ಬಗೆಬಗೆ ಕಮೆಂಟ್ ನೀಡುತ್ತಿದ್ದಾರೆ.
ಇದನ್ನೂ ಓದಿ: ಮಾದಪ್ಪನ ಗೀತೆಗೆ ಅಪಮಾನ: ಚಂದನ್ ಶೆಟ್ಟಿ ವಿರುದ್ಧ ಸಿಡಿದೆದ್ದ ಚಾಮರಾಜನಗರ ಯುವಕರು!
‘ಏನು ಲೆಜೆಂಡರಿ ಕ್ರಿಕೆಟರ್ ಮನ್ಸೂರ್ ಅಲಿ ಖಾನ್ ಪಟೌಡಿ ಮತ್ತು ನಟಿ ಶರ್ಮಿಳಾ ಟ್ಯಾಗೂರ್ ಪುತ್ರ ಸೈಫ್ ಅಲಿಖಾನ್ ತನ್ನ ಸಿನಿಮಾ ಜೀವನದ ಏರಿಳಿತ ಮತ್ತು ಸ್ಟ್ರಗಲ್ ಬಗ್ಗೆ ಬಯೋಗ್ರಫಿ ಬರೆಯಲಿದ್ದಾರೆಯೇ’ ಎಂದು ಓರ್ವ ಕಮೆಂಟ್ ಮಾಡಿದರೆ, ‘ಸಿನಿಮಾರಂಗದಲ್ಲಿ ಪ್ಲಾಪ್ಗಳನ್ನೇ ನೀಡುತ್ತ ಪದ್ಮಶ್ರೀ ಗಿಟ್ಟಿಸಿಕೊಂಡು, ಯಾವತ್ತೂ ಯಶಸ್ವಿಯಾಗದ ಸೂಪರ್ಸ್ಟಾರ್ ಹಣೆಪಟ್ಟಿ ಅಂಟಿಸಿಕೊಂಡಿರುವ ಬಗ್ಗೆ ಬಯೋಗ್ರಫಿಯಲ್ಲಿ ನಮೂದಿಸಿ’ ಎಂದಿದ್ದಾರೆ.
ಇದನ್ನೂ ಓದಿ: VIRAL VIDEO: 16 ವರ್ಷದ ಹುಡುಗಿ ಜತೆ ಮಹೇಶ್ ಭಟ್ ಮಾಡ್ತಿರೋದೇನು?; ಆಲಿಯಾ ತಂದೆ ವಿರುದ್ಧ ಟೀಕೆಯ ಸುರಿಮಳೆ
ಇನ್ನೋರ್ವ ನೆಟ್ಟಿಗ, ‘ಸಾಲು ಸಾಲು ಪ್ಲಾಪ್ ಸಿನಿಮಾಗಳನ್ನು ನೀಡಿದ ಬಳಿಕವೂ, ಬಿಗ್ ಬಜೆಟ್ ಸಿನಿಮಾದಲ್ಲಿ ನಟಿಸುವ ಅವಕಾಶವನ್ನು ಹೇಗೆ ಪಡೆದುಕೊಂಡಿದ್ದೀರಿ? ದಯಮಾಡಿ ಆ ಪ್ರಶ್ನೆಗೂ ಬಯೋಗ್ರಫಿಯಲ್ಲಿ ಉತ್ತರ ಬರೆಯಿರಿ’ ಎಂಬ ಕಮೆಂಟ್ಗಳು ಬಂದಿವೆ. ಇದಷ್ಟೇ ಅಲ್ಲದೆ ಬಗೆಬಗೆ ಮೀಮ್ಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹರಿಬಿಡಲಾಗುತ್ತಿದ್ದು, ಸೈಫ್ ಬಯೋಗ್ರಫಿ ವಿಚಾರ ಸದ್ಯ ಟ್ರೆಂಡಿಂಗ್ನಲ್ಲಿದೆ. (ಏಜೆನ್ಸೀಸ್)
‘ಖಾಲಿ ಪೀಲಿ’ ಟೀಸರ್ಗೂ ಡಿಸ್ಲೈಕ್ ಸುರಿಮಳೆ ; ಶಾಹೀದ್ ಕಪೂರ್ ಸಹೋದರನಿಗೆ ನೆಪೋಟಿಸಂ ಬಿಸಿ