ಸುಶಾಂತ್ ಸಿಂಗ್ ಆತ್ಮಹತ್ಯೆ ಬಳಿಕ ಸೋಷಿಯಲ್ ಮೀಡಿಯಾದಲ್ಲಿ ಆಲಿಯಾ ಭಟ್ ಸೇರಿ ಅವರ ತಂದೆ ಮಹೇಶ್ ಭಟ್ಗೂ ನೆಟ್ಟಿಗರು ನೆಪೋಟಿಸಂ ವಿಚಾರವಾಗಿ ಹಿಗ್ಗಾಮುಗ್ಗಾ ತರಾಟೆ ತೆಗೆದುಕೊಳ್ಳುತ್ತಿದ್ದಾರೆ. ಮಹೇಶ್ ಭಟ್ ಅವರ ಹಳೇ ವಿಡಿಯೋಗಳನ್ನು ಶೇರ್ ಮಾಡಿಕೊಂಡು ಟ್ರೋಲ್ ಮಾಡಲಾಗುತ್ತಿದೆ. ಇದೀಗ 2004 ರಲ್ಲಿನ ವಿಡಿಯೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ಸಂಚಲನ ಸೃಷ್ಟಿಮಾಡುತ್ತಿದ್ದು. ಮಹೇಶ್ ಭಟ್ ವಿರುದ್ಧ ಟೀಕೆಗಳ ಸುರಿಮಳೆಯನ್ನೇ ಸುರಿಸಲಾಗುತ್ತಿದೆ.
ಇದನ್ನೂ ಓದಿ: ‘ನಿಮಗೊಂದು ಸಿಹಿ ಸುದ್ದಿ’ ಕೊಟ್ಟ ಕಾವ್ಯಾ
ಹೌದು ಸುಶಾಂತ್ ಸಿಂಗ್ ಆತ್ಮಹತ್ಯೆ ಪ್ರಕರಣದ ತನಿಖೆ ಚುರುಕು ಪಡೆದುಕೊಳ್ಳುತ್ತಿದ್ದಂತೆ, ಹಳೇ ವಿಡಿಯೋಗಳೂ ಅಷ್ಟೇ ಸದ್ದು ಮಾಡುತ್ತಿವೆ. ಇದೀಗ ಜಿಯಾ ಖಾನ್ ಜತೆಗಿನ ವಿಡಿಯೋವೊಂದು ಭಾರೀ ಕುತೂಹಲಕ್ಕೆ ಕಾರಣವಾಗಿದೆ. ಬಾಲಿವುಡ್ ಇಂಡಸ್ಟ್ರಿಗೆ ಬರುವುದಕ್ಕೂ ಮುನ್ನ ಅಂದರೆ 16 ವರ್ಷ ವಯಸ್ಸಿನ ಜಿಯಾ ಜತೆಗಿನ ವಿಡಿಯೋ ಹರಿದಾಡುತ್ತಿದ್ದು, ನೆಟ್ಟಿಗರು ಮಹೇಶ್ ಭಟ್ ಅವರ ವರ್ತನೆಯನ್ನು ಖಂಡಿಸುತ್ತಿದ್ದಾರೆ.
ರಿಯಾ ಚಕ್ರವರ್ತಿ ಜತೆಗಿನ ಮಹೇಶ್ ಅವರ ವಿಡಿಯೋ ಸಹ ಇತ್ತೀಚೆಗೆ ಭಾರೀ ಸಂಚಲನ ಸೃಷ್ಟಿಸಿತ್ತು. ಇದೀಗ ಜಿಯಾ ಖಾನ್ ಜತೆಗಿನ ವಿಡಿಯೋ ಹಲವು ಕುತೂಹಲಗಳಿಗೆ ಕಾರಣವಾಗಿದೆ. ಅಂದಹಾಗೆ, 2007ರಲ್ಲಿ ರಾಮ್ಗೋಪಾಲ್ ವರ್ಮಾ ಅವರ ನಿಶ್ಯಬ್ದ ಸಿನಿಮಾ ಮೂಲಕ ಬಾಲಿವುಡ್ಗೆ ಜಿಯಾ ಪದಾರ್ಪಣೆ ಮಾಡಿದ್ದರು. 2013ರಲ್ಲಿ ಮುಂಬೈನ ಜುಹುನಲ್ಲಿ ಆತ್ಮಹತ್ಯೆಗೆ ಶರಣಾಗಿದ್ದರು.