ಮುಂಬೈ: ಕರೊನಾ ವೈರಸ್ ದೇಶದ ಜನರನ್ನು ಭಯಭೀತರನ್ನಾಗಿಸಿದೆ. ಜನರು ಮುಂಜಾಗೃತಾ ಕ್ರಮವಾಗಿ ಮಾಸ್ಕ್ಗಳನ್ನು ತೊಟ್ಟು ಓಡಾಡಲಾರಂಭಿಸಿದ್ದಾರೆ. ಆದರೆ ಬಾಲಿವುಡ್ನ ನಟಿ ಒಬ್ಬಳು ಮುಖ ಮುಚ್ಚಿಕೊಂಡು ಓಡಾಡಿದ್ದು, ಆಕೆ ಏತಕ್ಕಾಗಿ ಹಾಗೆ ಮಾಡಿದಳು ಎನ್ನುವ ಊಹಾಪೋಹಗಳು ಇದೀಗ ಬಿ ಟೌನ್ನಲ್ಲಿ ಓಡಾಡುತ್ತಿದೆ.
ಬಾಲಿವುಡ್ ನಟಿ ಟ್ವಿಂಕಲ್ ಖನ್ನಾ ಇಂದು ಮಧ್ಯಾಹ್ನ ಮುಖ ಮುಚ್ಚಿಕೊಂಡು ಓಡಾಡಿದ್ದಾರೆ. ಬಾಂದ್ರಾದಲ್ಲಿ ಚಿತ್ರವೊಂದರ ಚಿತ್ರೀಕರಣದಲ್ಲಿರುವ ಆಕೆ ಚಿತ್ರದ ಸೆಟ್ನಿಂದ ಹೊರಗೆ ಬಂದು ಕಾರು ಹತ್ತುವಾಗ ತಮ್ಮ ಮುಖವನ್ನು ಬಿಳಿ ಪೇಪರ್ ಒಂದರಿಂದ ಮುಚ್ಚಿಕೊಂಡಿದ್ದಾರೆ.
ಈ ರೀತಿಯಲ್ಲಿ ಮುಖ ಮುಚ್ಚಿಕೊಂಡು ಓಡಾಡಿದ ಫೋಟೋಗಳು ಹೆಚ್ಚೇನು ಸುದ್ದಿ ಮಾಡಿರಲಿಲ್ಲ. ಆದರೆ ನಟಿ ಸ್ವತಃ ತಾವೇ ಅದನ್ನು ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಾಕಿಕೊಂಡಿದ್ದು, ಮಾಸ್ಕ್ ಖಾಲಿಯಾದಾಗ ಜನ ಹೀಗೆ ಮಾಡುತ್ತಾರೆ. ಸದ್ಯದಲ್ಲೇ ಒಂದು ಒಳ್ಳೆ ಸುದ್ದಿ ನೀಡುತ್ತೇನೆ ಎಂದು ಬರೆದುಕೊಂಡಿದ್ದಾರೆ.
ಟ್ವಿಂಕಲ್ ಖನ್ನಾ ತಮ್ಮ ಮುಂದಿನ ಸಿನಿಮಾದ ಲುಕ್ ಜನರಿಗೆ ತಿಳಿಯದಿರಲಿ ಎಂದು ಹೀಗೆ ಮಾಡಿದರಾ ಅಥವಾ ಕರೊನಾ ಭಯಕ್ಕೆ ಈ ರೀತಿಯಲ್ಲಿ ಮುಖ ಮುಚ್ಚಿಕೊಂಡರಾ ಎನ್ನುವ ಗೊಂದಲದಲ್ಲಿ ಅವರ ಅಭಿಮಾನಿಗಳು ಸಿಲುಕಿಕೊಂಡಿದ್ದಾರೆ. (ಏಜೆನ್ಸೀಸ್)
ರಾಜ್ಯ ಸರ್ಕಾರಿ ನೌಕರರಿಗೆ ಇನ್ನು ಮುಂದೆ ನಾಲ್ಕನೇ ಶನಿವಾರವೂ ರಜೆ: ಇಲ್ಲೂ ಟ್ವಿಸ್ಟ್ ಕೊಟ್ಟ ಸರ್ಕಾರ!
ಕಾಜೋಲ್ ಮಗಳ ಈ ಫೋಟೋಕ್ಕೆ ಮಾರು ಹೋಗದವರೇ ಇಲ್ಲ: ಅಂದು ಟ್ರೋಲ್ ಆಗಿದ್ದವಳೀಗ ಎಲ್ಲರ ಫೇವರೆಟ್