ಈ ಸಂದರ್ಭದಲ್ಲಿ ಕೊಲಿನ್ಸ್, ನಾನೂ ಎರಡು ಪ್ರಶ್ನೆ ಕೇಳುವುದಿದೆ ಎಂದರು. ಇಲ್ಲ ಉತ್ತರಿಸಲ್ಲ ಎಂದು ಟ್ರಂಪ್ ಕೊಲಿನ್ಸ್ಗೆ ಪ್ರತಿಕ್ರಿಯಿಸಿದರು. ಆದರೆ, ನೀವು ನನಗೆ ಅವಕಾಶ ಕೊಟ್ಟಿದ್ರಿ ಎಂದು ಕೊಲಿನ್ಸ್ ಹೇಳಿದಾಗ, ಹೌದು ಕೊಟ್ಟಿದ್ದೆ, ನೀವು ಬಳಸಿಕೊಳ್ಳಲಿಲ್ಲ. ಹಾಗಾಗಿ ಬೇರೆಯವರಿಗೆ ಅವಕಾಶ ಕೊಡ್ತಾ ಇದ್ದೇನೆ ಎಂದರು. ಇದಕ್ಕೆ ಕೊಲಿನ್ಸ್, ನಾನು ನನ್ನ ಸಹಪತ್ರಕರ್ತೆಯ ಪ್ರಶ್ನೆಗಳು ಮುಗಿಯದ ಕಾರಣ ಸುಮ್ಮನಿದ್ದೆ ಎಂದು ಹೇಳುತ್ತಿದ್ದಂತೆ, ಲೇಡಿಸ್ ಆ್ಯಂಡ್ ಜಂಟಲ್ಮನ್ ಥಾಂಕ್ಯೂ ವೆರಿಮಚ್ ಎಂದು ಹೇಳಿದ ಟ್ರಂಪ್ ಅವರು ಸುದ್ದಿಗೋಷ್ಠಿ ಅರ್ಧಕ್ಕೇ ಮೊಟಕುಗೊಳಿಸಿ ರೋಸ್ ಗಾರ್ಡನ್ನಿಂದ ಹೊರಟು ಹೋದರು. ಈ ವಿಷಯದ ಬಗ್ಗೆಯೇ ಅಲ್ಲಿನ ಮಾಧ್ಯಮಗಳೀಗ ಚರ್ಚೆ ಆರಂಭಿಸಿವೆ. (ಏಜೆನ್ಸೀಸ್)
