40ನೇ ವಯಸ್ಸಿನಲ್ಲಿ ಮದುವೆಯಾಗಲು ನಿರ್ಧರಿಸಿದ ತ್ರಿಷಾ; ಮದ್ವೆ ಕುರಿತು ಸ್ಪಷ್ಟನೆ ಕೊಟ್ಟ 'ಪವರ್​' ನಟಿ

ಹೈದ್ರಾಬಾದ್​: ನಟಿ ತ್ರಿಶಾ ಗುಡ್ ನ್ಯೂಸ್ ಹೇಳಲಿದ್ದಾರಾ? ಇದೀಗ ಇದು ಕಾಲಿವುಡ್ ನಲ್ಲಿ ಬಿಸಿ ಬಿಸಿ ಚರ್ಚೆಯಾಗಿದೆ. ಈ ಸುದ್ದಿ ವೃತ್ತಿಪರ ಜೀವನಕ್ಕೆ ಸಂಬಂಧಿಸಿದ್ದಲ್ಲ. ತ್ರಿಷಾ ಶೀಘ್ರದಲ್ಲೇ ವಿವಾಹ ಆಗಲಿದ್ದಾರೆ ಎನ್ನುವ ಸುದ್ದಿ ಹರಿದಾಡುತ್ತಿದೆ.

ತ್ರಿಷಾ ಶೀಘ್ರದಲ್ಲೇ ವಧು ಆಗಲಿದ್ದಾರಂತೆ. ಸದ್ಯಕ್ಕೆ ವರ ಯಾರು ಎನ್ನುವ ಮಾಹಿತಿಯನ್ನು ಸಸ್ಪೆನ್ಸ್‌ನಲ್ಲಿ ಇಡಲಾಗಿದೆ. 2024ರಲ್ಲಿ ಸ್ವಂತ ಮನೆ ಹೊಂದಲು ಬಯಸಿದ್ದಾರೆ ಎನ್ನಲಾಗಿದೆ. ಆದರೆ ಈ ಸುದ್ದಿ ಕುರಿತಾಗಿ ನಟಿ ಹಾಗೂ ಅವರ ಕುಟುಂಬಸ್ಥರಿಂದ ಯಾವುದೇ ಮಾಹಿತಿ ಇಲ್ಲ. ಆದರೆ ಹೀಗೊಂದು ಸುದ್ದಿ ಸೋಶಿಯಲ್​​ ಮೀಡಿಯಾದಲ್ಲಿ ಹರಿದಾಡುತ್ತಿದೆ.

ಕೆಲವು ದಿನಗಳಿಂದ ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ತ್ರಿಷಾ ಮದುವೆಯ ಸುದ್ದಿಯೊಂದು ಸಂಚಲನ ಮೂಡಿಸುತ್ತಿದೆ. ಇದರ ಪ್ರಕಾರ.. ಈ ಬ್ಯೂಟಿ ಶೀಘ್ರದಲ್ಲೇ ಮಲಯಾಳಂ ಇಂಡಸ್ಟ್ರಿಯ ನಿರ್ಮಾಪಕರನ್ನು ವರಿಸಲಿದ್ದಾರೆ. ಬಹಳ ದಿನಗಳ ಹಿಂದೆ ಸಿನಿಮಾ ಮಾಡುವಾಗ ಇಬ್ಬರ ನಡುವೆ ಪ್ರೀತಿ ಚಿಗುರಿತ್ತು ಎನ್ನಲಾಗಿದೆ. ಇದೇ ವರ್ಷ ಮದುವೆಯಾಗಲಿದ್ದಾರೆ ಎಂಬ ಸುದ್ದಿಯೂ ಹರಿದಾಡುತ್ತಿದೆ. ಇತ್ತೀಚೆಗಷ್ಟೇ ತನ್ನ ಮದುವೆಯ ಸುದ್ದಿಗೆ ಸ್ಪಷ್ಟನೆ ನೀಡಿದ ಚೆಲುವೆ ಪ್ರತಿಕ್ರಿಯಿಸಿದ್ದಾರೆ. ಈ ಕುರಿತು ಮಾಧ್ಯಮ ವಾಹಿನಿಯೊಂದರ ಜೊತೆ ಮಾತನಾಡಿದ ಅವರು, 'ನನ್ನ ಮದುವೆ ಬಗ್ಗೆ ಈಗಾಗಲೇ ಹಲವು ಸುದ್ದಿಗಳು ಹರಿದಾಡುತ್ತಿವೆ. ನಾನು ಶೀಘ್ರದಲ್ಲೇ ಮದುವೆಯಾಗಲಿದ್ದೇನೆ ಎಂದು ಅವರು ಬರೆಯುತ್ತಿದ್ದಾರೆ. ಆದರೆ ಅವುಗಳಲ್ಲಿ ಯಾವುದೇ ಸತ್ಯವಿಲ್ಲ. ಸದ್ಯ ನಾನು ನನ್ನ ವೃತ್ತಿಜೀವನದತ್ತ ಗಮನಹರಿಸಿದ್ದೇನೆ. ಮದುವೆಯಾದರೆ ನಾನೇ ಮೊದಲು ಹೇಳುತ್ತೇನೆ’ ಎಂದಿದ್ದಾರೆ.

ಹೀಗೆ ಸುದ್ದಿ ಮಾಡುತ್ತಲೇ  ಈಗಾಗಲೇ ಹಲವು ಬಾರಿ ನನಗೆ ಮದುವೆ ಎಂದು ಸುದ್ದಿ ಮಾಡಿದ್ದಾರೆ. ಸಮಾಜದಲ್ಲಿ ನನ್ನ ಮದುವೆಗಿಂತ ಮಹತ್ವದ ಸುದ್ದಿ ಇನ್ನೊಂದಿಲ್ಲ. ಮದುವೆಯ ದಿನ ಬಂದಾಗ ಖಂಡಿತ ಹೇಳುತ್ತೇನೆ ತ್ರಿಷಾ ಹೇಳಿದ್ದಾರೆ.

ಸದ್ಯ ಈ ನಟಿ ಕನ್ನಡ, ತೆಲುಗು, ತಮಿಳು, ಮಲಯಾಳಂ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಇನ್ನೂ ಸಮಯವಿದ್ದರೆ ಇನ್ನೂ ಕೆಲವು ಚಿತ್ರಗಳಿಗೆ ಸಹಿ ಹಾಕಲು ಸಿದ್ಧ ಎನ್ನಲಾಗುತ್ತಿದೆ. ಈ ಚೆಲುವೆ ತನ್ನ ರೀ ಎಂಟ್ರಿಗಾಗಿ ಪ್ರೇಕ್ಷಕರನ್ನು ಕಾಯುತ್ತಿದ್ದಾರೆ. ಸ್ಯಾಂಡಲ್​ವುಡ್​ ನಟ ಪುನೀತ್​ ರಾಜ್​ಕುಮಾರ್​ ಅವರ ಜತೆ ಪವರ್​ ಸಿನಿಮಾದಲ್ಲಿ ನಟಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ನಂತರ ಯಾವುದೇ ಕನ್ನಡ ಸಿನಿಮಾದಲ್ಲೂ ಕಾಣಿಸಿಕೊಂಡಿಲ್ಲ.