ಹೊಟ್ಟೆ ಪೂರ ತಿಂದು ಬಿಲ್​ ನೋಡ್ತಿದ್ದಂತೆ ಜೂಟ್​! ಹಣ ಕೊಡುವವರೆಗೂ ಬಿಡದ ಮಾಲೀಕ; ವಿಡಿಯೋ ವೈರಲ್ | Viral

ಗುಜರಾತ್​: ಹೋಟೆಲ್‌ನಲ್ಲಿ ತಂಗಿದ್ದ ಜೋಡಿ, ಅಲ್ಲಿನ ವಾಸ, ಊಟ ಆನಂದಿಸಿದ ಬಳಿಕ ಬಂದ ಬಿಲ್ ಕಂಡು ಸ್ಥಳದಿಂದ ಕಾಲ್ಕಿತ್ತ ಘಟನೆ ರಾಜಸ್ಥಾನದ ಸಿರೋಹಿ ಜಿಲ್ಲೆಯಲ್ಲಿ ವರದಿಯಾಗಿದೆ (Viral).

ಗುಜರಾತ್‌ ಮೂಲದ ಪ್ರವಾಸಿಗರು ಎನ್ನಲಾಗಿದ್ದು, ಹಾಲಿಡೇ ಎಂಬ ರೆಸ್ಟೋರೆಂಟ್​ನಲ್ಲಿ ಆಹಾರ, ಆತಿಥಿ ಸತ್ಕಾರ ಪಡೆದಿದ್ದಲ್ಲದೇ ರೂಮ್​ಗಳಲ್ಲಿ ವಿಶ್ರಾಂತಿ ಪಡೆದು, ಕಡೆಗೆ ಬಿಲ್​ ನೋಡ್ತಿದ್ದಂತೆ ಹೋಟೆಲ್​ ಮಾಲೀಕನ ಕಣ್ತಪ್ಪಿಸಿ ಪರಾರಿಯಾಗಲು ಯತ್ನಿಸಿದರು. ತಕ್ಷಣವೇ ಎಚ್ಚೆತ್ತುಕೊಂಡ ಮಾಲೀಕ, ದೊಡ್ಡ ಮಂದಿಯಂತೆ ಪೋಸ್​ ಕೊಟ್ಟವರನ್ನು ಕಡೆಗೂ ಹಣ ವಸೂಲಿ ಮಾಡದೆ ಬಿಟ್ಟಿಲ್ಲ. ಈ ದೃಶ್ಯ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಸದ್ಯ ಜಾಲತಾಣಗಳಲ್ಲಿ ಹರಿದಾಡಿದೆ.

10,900 ರೂ. ಬಿಲ್ ಕೊಡದೆ, ಐಷಾರಾಮಿ ಕಾರಿನಲ್ಲಿ ಜೂಟ್​ ಹೇಳಿದ ಜೋಡಿಯನ್ನು ಸ್ಥಳೀಯ ಪೊಲೀಸರು ಕಡೆಗೂ ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಮಾಲೀಕನ ಒತ್ತಾಯದಂತೆ ಬಿಲ್​ನ ಪೂರ್ತಿ ಹಣವನ್ನು ಪಾವತಿ ಮಾಡಿಸಿಕೊಂಡಿದ್ದಾರೆ. ಈ ಮಧ್ಯೆ, ವೈರಲ್ ವಿಡಿಯೋ ನೋಡಿದ ನೆಟ್ಟಿಗರು, ಚೆನ್ನಾಗಿ ತಿಂದು ಓಡಿ ಹೋದ ಮಂದಿಗೆ ನೊಬೆಲ್ ಪ್ರಶಸ್ತಿಯೇ ಕೊಡಬೇಕು ಎಂದು ಕಮೆಂಟ್ ಮಾಡಿದ್ದರೆ, ಇನ್ನೂ ಕೆಲವರು ಇಂಥವರಿಗೆ ಸರಿಯಾದ ಶಿಕ್ಷೆಯಾಗಬೇಕು ಎಂದಿದ್ದಾರೆ,(ಏಜೆನ್ಸೀಸ್).

https://www.vijayavani.net/these-documents-must-in-sir-phase-2