ಅದೇ ರೀತಿ, ಪ್ರಸಿದ್ಧ ಪ್ರವಾಸಿತಾಣ ಮುಳ್ಳಯ್ಯನಗಿರಿಗೆ ಅನ್‌ಲಾಕ್‌ನ ಮೊದಲ ದಿನವಾದ ಸೋಮವಾರವೇ ಸಾಕಷ್ಟು ಪ್ರವಾಸಿಗರ ದಂಡು ಹರಿದುಬಂತು. ಅವರಲ್ಲಿ ಕೆಲವರು ಮದ್ಯದ ಬಾಟಲ್‌ಗಳನ್ನು ತಂದು ಫಜೀತಿ ಅನುಭವಿಸಿದರು. ಚಿಕ್ಕಮಗಳೂರು ತಾಲೂಕಿನ ಕೈಮರಾ ಚೆಕ್‌ಪೋಸ್ಟ್‌ನಲ್ಲಿ ಪ್ರವಾಸಿಗರ ಬ್ಯಾಗ್‌ಗಳನ್ನು ತಪಾಸಣೆಗೆ ಒಳಪಡಿಸಿದ ಸಿಬ್ಬಂದಿಗೆ ಅಚ್ಚರಿ ಕಾದಿತ್ತು. ಹಲವಾರು ಪ್ರವಾಸಿಗರು ಬೆಟ್ಟದಲ್ಲಿ ಕುಳಿತು ಪ್ರಕೃತಿ ಸೌಂದರ್ಯದ ಜತೆಗೆ ಸವಿಯಲು ಮದ್ಯದ ಬಾಟಲಿಗಳನ್ನೂ ತಂದಿದ್ದರು! ಅವುಗಳನ್ನೆಲ್ಲ ಗೇಟ್‌ನಲ್ಲಿಯೇ ಸಿಬ್ಬಂದಿ ಸೀಜ್ ಮಾಡಿ ಲಾಕರ್‌ನಲ್ಲಿ ಇರಿಸಿದ್ದು, ಪ್ರವಾಸಿಗರು ಸಂಜೆ ವಾಪಸ್ ಬಂದ ಬಳಿಕ ಅವರಿಗೇ ಹಿಂತಿರುಗಿಸುವ ನಿಯಮ ಇದೆ.
