ಪಹಲ್ಗಾಮ್​ ಉಗ್ರರ ದಾಳಿ; ಜಮ್ಮು-ಕಾಶ್ಮೀರದಲ್ಲಿ ನಡೆಯಬೇಕಿದ್ದ ಚಿತ್ರೀಕರಣಗಳು ರದ್ದು! | Pahalgam

Pahalgam Terrorists Attack: ಮಿನಿ ಸ್ವಿಜರ್​ಲ್ಯಾಂಡ್​ ಎಂದೇ ಕರೆಯುವ ಕಾಶ್ಮೀರದ ಪಹಲ್ಗಾಮ್​ನಲ್ಲಿ ಅಮಾಯಕರ ಮೇಲೆ ಭೀಕರ ಗುಂಡಿನ ದಾಳಿ ನಡೆಸಿದ ಪಾಪಿಸ್ತಾನದ ಪಾಪಿ ಉಗ್ರರು, ಧರ್ಮ ಕೇಳಿ ಪ್ರವಾಸಿಗರ ಹಣೆಗೆ ಗುಂಡಿಟ್ಟು ಹತ್ಯೆಗೈದಿದ್ದಾರೆ. ಈ ದಾಳಿಯಿಂದಾಗಿ ಭಾರತ ತೀವ್ರ ದುಃಖಿತವಾಗಿದೆ. ಕಾಶ್ಮೀರದ ಸೌಂದರ್ಯವನ್ನು ನೋಡಲು ಹೋಗಿದ್ದ ಪ್ರವಾಸಿಗರನ್ನು ಗುರಿಯಾಗಿಸಿಕೊಂಡು ಭಯೋತ್ಪಾದಕರ ದಾಳಿ ಇದೀಗ ಹಲವು ಕೆಲಸಗಳಿಗೆ ತಡೆ ನೀಡಿದೆ.

ಇದನ್ನೂ ಓದಿ: ಸಿಂಧೂ ಜಲ ಒಪ್ಪಂದ ಸ್ಥಗಿತದಿಂದ ಪಾಕ್​ಗೆ​ ಒಂದೆರೆಡಲ್ಲ ಬಿಕ್ಕಟ್ಟು! ಜಿಡಿಪಿಗೆ ದೊಡ್ಡ ಹೊಡೆತ | Indus Waters Treaty

ಘಟನೆ ನಂತರ ಪಹಲ್ಗಾಮ್​​ಗೆ ಭೇಟಿ ನೀಡಲು ನಿರಾಕರಿಸಿರುವ ಪ್ರವಾಸಿಗರು, ತಮ್ಮ ಮುಂಗಡ ಬುಕ್ಕಿಂಗ್​ಗಳನ್ನು ರದ್ದುಗೊಳಿಸುವ ಮೂಲಕ ಪ್ರಯಾಣದ ಆಸೆಗೆ ಎಳ್ಳು-ನೀರು ಬಿಟ್ಟಿದ್ದಾರೆ. ಈ ಸಮಸ್ಯೆ ಟಾಲಿವುಡ್​ ಚಿತ್ರರಂಗಕ್ಕೂ ಎದುರಾಗಿದೆ. ಉಗ್ರರ ಅಟ್ಟಹಾಸ ನಡೆದ ಸ್ಥಳದಲ್ಲೇ ತಮ್ಮ ಮುಂಬರುವ ಚಿತ್ರಗಳ ಚಿತ್ರೀಕರಣದ ದಿನಾಂಕಗಳನ್ನು ನಿಗದಿಪಡಿಸಿಕೊಂಡಿದ್ದ ಆಯಾ ನಿರ್ಮಾಪಕರು, ಇದೀಗ ಡೇಟ್ಸ್​ಗಳನ್ನು ತಾತ್ಕಾಲಿಕವಾಗಿ ಮುಂದೂಡಿದ್ದಾರೆ.

ಘಟನೆ ಸಂಭವಿಸುವ ಮುನ್ನವೇ ಚಿತ್ರೀಕರಣದ ಪ್ಲ್ಯಾನ್ ಹಾಕಿಕೊಂಡಿದ್ದ ಚಿತ್ರತಂಡಗಳು, ಮುಂದಿನ ಎರಡು ತಿಂಗಳ ಕಾಲ ಕಾಶ್ಮೀರದಲ್ಲಿ ನಡೆಯಬೇಕಿದ್ದ ತಮ್ಮ ಸಿನಿಮಾದ ಚಿತ್ರೀಕರಣಗಳನ್ನು ಸ್ಥಗಿತಗೊಳಿಸಿದೆ. ಕಡಿಮೆ ಮತ್ತು ಬಿಗ್​ ಬಜೆಟ್‌ನ ಸಿನಿಮಾಗಳು ಪಹಲ್ಗಾಮ್ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಚಿತ್ರೀಕರಿಸಲು ಈ ಹಿಂದೆಯೇ ಯೋಜಿಸಲಾಗಿತ್ತು. ಆದರೆ, ಉಗ್ರರ ದಾಳಿಯಿಂದಾಗಿ ಇದೆಲ್ಲವೂ ಈಗ ಬದಲಾಗಿವೆ,(ಏಜೆನ್ಸೀಸ್).

https://www.vijayavani.net/indus-waters-treaty-stop-will-affect-pak