ಗಾಯಕರೇ ನಿಮ್ಮ ಹಾಡುಗಳಿಗೆ ನಿಮ್ಮದೆ ಟ್ಯೂನ್​ ಇರಲಿ; ಐಡೆಂಟಿಟಿ ಬಗ್ಗೆ ಪಾಠ ಮಾಡಿದ ಹಿಮೇಶ್​

ಇತ್ತೀಚಿನ ಕೆಲ ದಿನಗಳಿಂದ ಬಾಲಿವುಡ್​ನಲ್ಲಿ ಸುಶಾಂತ್​ ಸಿಂಗ್​ ಸಾವಿನ ಜತೆಜತೆಗೆ ಸಂಗೀತ ಕ್ಷೇತ್ರಕ್ಕೆ ಸಂಬಂಧಿಸಿದ ಚರ್ಚೆಗಳು ಹೆಚ್ಚೆಚ್ಚು ನಡೆಯುತ್ತಿವೆ. ನನ್ನ ವಿರುದ್ಧ ಕೆಲ ಗ್ಯಾಂಗ್​ಗಳು ಕೆಲಸ ಮಾಡುತ್ತಿವೆ ಎಂದು ಎ.ಆರ್. ರಹಮಾನ್​ ಹೇಳಿಕೆ ನೀಡಿದ್ದೇ ತಡ, ಅದರ ಪರ ವಿರೋಧ ಚರ್ಚೆಗಳು ನಡೆಯುತ್ತಿವೆ. ಇದೀಗ ಗಾಯಕ ಮತ್ತು ಗಾಯಕಿಯರಿಗೆ ಸಂಗೀತ ನಿರ್ದೇಶಕ, ಗಾಯಕ ಹಿಮೇಶ್​ ರೇಷಮ್ಮಿಯಾ ಕಿವಿ ಮಾತೊಂದನ್ನು ಹೇಳಿದ್ದಾರೆ.

ಇದನ್ನೂ ಓದಿ: ಟ್ರೋಲ್​ ಮಾಡಿದವನ ವಿರುದ್ಧ ದೂರು ದಾಖಲಿಸಿದ ಕಿರುತೆರೆ ನಟ

'ಸಾಧ್ಯವಾದಷ್ಟು ಗಾಯಕರೆಲ್ಲ ಅವರ ಹಾಡಿಗೆ ಅವರೇ ಮ್ಯೂಸಿಕ್​ ಕಂಪೋಸ್​ ಮಾಡಿಕೊಂಡು ಹಾಡಿದರೆ, ಹಾಡಿಗೆ ಮತ್ತಷ್ಟು ನ್ಯಾಯ ಒದಗಿಸಬಹುದು. ಆ ತಾಕತ್ತು ಅರ್ಜಿತ್​ ಸಿಂಗ್ ಅವರಲ್ಲಿದೆ. ನಮ್ಮ ಹಾಡಿಗೆ ನಾವೇ ಕಂಪೋಸ್​ ಮಾಡಿದಾಗ, ಆ ಹಾಡಿನ ಆಳಕ್ಕೆ ಇಳಿಯಬಹುದು. ಕೇಳುಗರಿಗೂ ಆ ಹಾಡು ಮನಕ್ಕೆ ಮುಟ್ಟಲಿದೆ‘ ಎಂದಿದ್ದಾರೆ.

‘ಈ ಮೊದಲು ಒಂದು ಹಾಡು ಸಿದ್ಧವಾಗಬೇಕಾದರೆ, 8ರಿಂದ 10 ಗಂಟೆ ಸಮಯ ಬೇಕಾಗುತ್ತಿತ್ತು. ಮ್ಯೂಸಿಕ್​ ಸಲಕರಣೆ, ಪ್ರಾಕ್ಟಿಸ್​ ಮಾಡುವುದಕ್ಕೆ ಸಮಯ ಪೋಲಾಗುತ್ತಿತ್ತು. ಇದೀಗ ಅದ್ಯಾವುದು ಇಲ್ಲ. ಸಂಗೀತ ನಿರ್ದೇಶಕ ಟ್ಯೂನ್​ ಅನ್ನು ವಾಟ್ಸ್​ ಅಪ್​ ಮೂಲಕ ಕಳುಹಿಸುತ್ತಾನೆ. ಅದಕ್ಕೆ ಗಾಯಕರು ಧ್ವನಿ ನೀಡುತ್ತಾರೆ. ಅಲ್ಲಿ ಗುಣಮಟ್ಟದ ಹಾಡುಗಳನ್ನು ನೀಡುತ್ತೇವೆ ಎಂದು ಅನಿಸದೆ ಇರದು. ಹಾಗಾಗಿ ಗಾಯಕರು ಅವರವರ ಹಾಡುಗಳನ್ನು ಅವರೇ ಕಂಪೋಸ್ ಮಾಡಿಕೊಂಡರೆ ಒಳ್ಳೆಯದು.

ಇದನ್ನೂ ಓದಿ: ಕರೊನಾ ನೆಗೆಟಿವ್​: ಆಸ್ಪತ್ರೆಯಿಂದ ಐಶ್ವರ್ಯಾ ಮತ್ತು ಆರಾಧ್ಯಾ ಡಿಸ್ಚಾರ್ಜ್​ 

ಮೈಕಲ್​ ಜಾಕ್ಸನ್​ ಟಾಪ್​ ಹಾಡುಗಾರ. ಆದರೆ, ಅವರು ಯಾವತ್ತೂ ಟಾಮ್​ ಕ್ರೂಸ್​ ಸಿನಿಮಾಗಳಿಗೆ ಧ್ವನಿ ನೀಡಲಿಲ್ಲ. ಅದು ಅವರ ಸ್ವಂತಿಕೆ. ನಮ್ಮಲ್ಲಿನ ಗಾಯಕರಿಗೂ ನಾನು ಅದೇ ಮಾತನ್ನು ಹೇಳಲು ಬಯಸುತ್ತೇನೆ. ನಿಮ್ಮ ಹಾಡಿಗೆ ನೀವೇ ಸೃಷ್ಟಿಕರ್ತರಾಗಿ’ ಎಂದಿದ್ದಾರೆ.

https://www.vijayavani.net/sonu-sood-comments-on-people-trying-to-get-mileage/