ಕೋಲ್ಕತ: ಟೀಮ್ ಇಂಡಿಯಾ ಮಾಜಿ ಆಟಗಾರ ಮನೋಜ್ ತಿವಾರಿ ಎಲ್ಲ ಮಾದರಿಯ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿದ ಐದೇ ದಿನಗಳಲ್ಲಿ ಅದನ್ನು ಹಿಂಪಡೆದಿದ್ದಾರೆ. ಪಶ್ಚಿಮ ಬಂಗಾಳದ ಕ್ರೀಡಾ ಸಚಿವರೂ ಆಗಿರುವ 37 ವರ್ಷದ ಮನೋಜ್ ತಿವಾರಿ ಕಳೆದ ಗುರುವಾರವಷ್ಟೇ ವಿದಾಯ ಹೇಳಿದ್ದರು. ಆದರೆ ಮಂಗಳವಾರ ನಿರ್ಧಾರ ಬದಲಾಯಿಸಿರುವ ಅವರು, ದೇಶೀಯ ಕ್ರಿಕೆಟ್ನಲ್ಲಿ ಇನ್ನೊಂದು ವರ್ಷ ಬಂಗಾಳ ತಂಡದ ನಾಯಕರಾಗಿ ಮುಂದುವರಿಯುವ ಹಂಬಲ ವ್ಯಕ್ತಪಡಿಸಿದ್ದಾರೆ. ಜತೆಗೆ ರಣಜಿ ಟ್ರೋಫಿ ಗೆಲುವಿಗೆ ಇನ್ನೊಮ್ಮೆ ಪ್ರಯತ್ನಿಸಲು ಬಯಸಿದ್ದಾರೆ. ಅವರ ಈ ದಿಢೀರ್ ನಿರ್ಧಾರ, ಕ್ರಿಕೆಟ್ ವಲಯ ಮಾತ್ರವಲ್ಲದೆ, ಪತ್ನಿ ಸುಶ್ಮಿತಾ ರಾಯ್ಗೂ ಅಚ್ಚರಿಯಾಗಿತ್ತು. ಬೆಳಗ್ಗೆ ಪತ್ನಿ ಜಿಮ್ಗೆ ಹೋಗಿದ್ದ ವೇಳೆ ಸಾಮಾಜಿಕ ಜಾಲತಾಣದಲ್ಲಿ ನಿವೃತ್ತಿ ಪ್ರಕಟಿಸಿದ್ದ ಮನೋಜ್, ಮನೆಗೆ ಮರಳಿದ ಬಳಿಕ ಪತ್ನಿಯಿಂದ ಸರಿಯಾಗಿ ಬೈಗುಳ ತಿಂದರಂತೆ!
