ಸ್ಕೂಲ್​​ ಬಸ್​ಗೆ ಟಿಪ್ಪರ್​ ಲಾರಿ ಡಿಕ್ಕಿ: ಡಿವೈಡರ್​ ಮೇಲೆ ತಿರುಗಿ ನಿಂತ ಬಸ್​

ಆನೇಕಲ್: ಶಾಲಾ ಬಸ್​​ಗೆ ಟಿಪ್ಪರ್ ಲಾರಿ ಡಿಕ್ಕಿ ಹೊಡೆದ ಪರಿಣಾಮವಾಗಿ ಬಸ್ಸು ರೋಡ್​ ಡಿವೈಡರ್​ ಮೇಲೆ ತಿರುಗಿ ನಿಂತಿರುವ ಘಟನೆ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಆನೇಕಲ್​​ನಲ್ಲಿ ನಡೆದಿದೆ. ಅಪಘಾತಕ್ಕೀಡಾದ ಖಾಸಗಿ ಶಾಲೆಯ ಬಸ್ಸಿನಲ್ಲಿದ್ದ ವಿದ್ಯಾರ್ಥಿಗಳಿಗೆ ಸಣ್ಣಪುಟ್ಟ ಗಾಯಗಳಾಗಿವೆ.

ತಮಿಳುನಾಡಿನ ಹೊಸೂರಿನ ಸೆವೆಂತ್ ಡೇ ಶಾಲೆಯ ಬಸ್​, ಬೆಂಗಳೂರು-ಹೊಸೂರು ಮುಖ್ಯರಸ್ತೆಯ ಹೊಸೂರು ಚೆಕ್ ಪೋಸ್ಟ್ ಬಳಿ ಹೋಗುತ್ತಿತ್ತು. ಆಗ ಟಿಪ್ಪರ್​ ಲಾರಿಯೊಂದು ಅತಿ ವೇಗವಾಗಿ ಬಂದು ಡಿಕ್ಕಿ ಹೊಡೆಯಿತು. ಈ ಪರಿಣಾಮ, ಬಸ್​​ ಡಿವೈಡರ್ ಮೇಲೆ ತಿರುಗಿ ನಿಂತಿತು.

ಇದನ್ನೂ ಓದಿ: ಇಲ್ಲಿ ಶಾಲೆ ಪುನರಾರಂಭದ ನಂತರ 400 ವಿದ್ಯಾರ್ಥಿಗಳಿಗೆ ಕರೊನಾ ಸೋಂಕು

ಈ ದುರ್ಘಟನೆಯಲ್ಲಿ ಬಸ್ ಚಾಲಕನಿಗೆ ಗಾಯಗಳಾಗಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ. ಬಸ್ಸಿನಲ್ಲಿ ಏಳು ಜನ ವಿದ್ಯಾರ್ಥಿಗಳು ಇದ್ದರು. ಅವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ಪೊಲೀಸರು ತಿಳಿಸಿದ್ದಾರೆ.

https://www.vijayavani.net/mishap-during-protest-car-goes-on-dcp-meenas-foot/

https://www.vijayavani.net/india-needs-to-step-up-oil-refining-capacity-by-2030-says-ioc-chairman/

https://www.vijayavani.net/elephant-comes-in-front-of-bus-scares-passengers-for-half-an-hour/