ತುಕಾಲಿಗೆ ಕಳಪೆ ಪಟ್ಟ ನೀಡಿದ ದೊಡ್ಮನೆ ಸದಸ್ಯರು; ರೊಚ್ಚಿಗೆದ್ರಾ ವರ್ತೂರ್ ಸಂತೋಷ್

ಬೆಂಗಳೂರು: ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ ಬಿಗ್​ ಬಾಸ್​ ಸೀಸನ್​ 10 ಈ ಬಾರಿ ಹಲವು ವಿಶೇಷತೆಗಳಿಂದ ಕೂಡಿದ್ದು, ಒಂದಿಲ್ಲೊಂದು ವಿಚಾರಕ್ಕೆ ಹೆಚ್ಚು ಸದ್ದು ಮಾಡುತ್ತಿದೆ. ಫಿನಾಲೆಗೆ ಇನ್ನೇನು ಕೆಲವೇ ವಾರಗಳು ಬಾಕಿಯಿದ್ದು, ಫಿನಾಲೆ ತಲುಪಲು ಸ್ಫರ್ಧಿಗಳು ಒಂದಿಲ್ಲೊಂದು ಸ್ಟ್ರಾಟರ್ಜಿ ಮಾಡುತ್ತಿದ್ದಾರೆ.

ಫಿನಾಲೆಯ ಹೊಸ್ತಿಲಲ್ಲಿ ಸ್ಫರ್ಧಿಗಳಿಗೆ ಕಠಿಣ ಟಾಸ್ಕ್​ ನೀಡಿದ್ದ ಬಿಗ್​ಬಾಸ್​ ಅದರಲ್ಲಿ ಗೆದ್ದು, ವಾರದ ಕೊನೆಯಲ್ಲಿ ಅತಿ ಹೆಚ್ಚು ಅಂಕ ಪಡೆಯುವ ಸದಸ್ಯರ ಪೈಕಿ ಒಬ್ಬರು ಫಿನಾಲೆಗೆ ನೇರವಾಗಿ ಟಿಕೆಟ್​ ಪಡೆಯುತ್ತಾರೆ ಎಂದು ಘೋಷಿಸಿದ್ದಾರೆ. ಅದರಂತೆ ಈ ವಾರವೂ ವಾರದ ಉತ್ತಮ ಮತ್ತು ಕಳಪೆ ಪಟ್ಟಕ್ಕಾಗಿ ವೋಟಿಂಗ್‌ ಕೂಡ ನಡೆದಿದೆ.

ಟಾಸ್ಕ್​ಗಳಲ್ಲಿನ ಪ್ರದರ್ಶನ ಆಧರಿಸಿ ಮನೆಯ ಬಹುತೇಕ ಸದಸ್ಯರು ತುಕಾಲಿ ಸಂತೋಷ್​ ಅವರಿಗೆ ಕಳಪೆ ಪಟ್ಟ ನೀಡಿದ್ದಾರೆ. ಅದರಂತೆ ತುಕಾಲಿ ಸಂತೋಷ್​ ಅವರಿಗೆ ಜೈಲುಡುಗೆಯ ಉಡುಗೊರೆ ಸಿಕ್ಕಿದೆ. ಉತ್ತಮ-ಕಳಪೆ ವೋಟಿಂಗ್​ ನಂತರ ವರ್ತೂರ್ ಸಂತೋಷ್​ ಹಾಗೂ ಡ್ರೋನ್​ ಪ್ರತಾಪ್​ ನಡುವೆ ಮಾತಿನ ಚಕಮಕಿ ನಡೆದಿದೆ.

ಇದನ್ನೂ ಓದಿ: ರೋಹಿತ್​-ಕೊಹ್ಲಿ ಉಪಸ್ಥಿತಿ ತಂಡಕ್ಕೆ ಹೆಚ್ಚು ಉಪಕಾರಿಯಾಗಲಿದೆ: ಸುರೇಶ್​ ರೈನಾ

ಇಲ್ಲಿಂದ ಹೊರಗೆ ಹೋದ ಮೇಲೆ ಇತಿಹಾಸವೇ ಸೃಷ್ಟಿಯಾಗೋದು ಎಂದು ವರ್ತೂರ್ ಸಂತೋಷ್​ ಡ್ರೋನ್​ ಪ್ರತಾಪ್​ಗೆ ತಮ್ಮ ಮಾತಿನ ಮೂಲಕವೇ ತಿವಿದಿದ್ದಾರೆ. ಆದರೆ, ಇವರಿಬ್ಬರ ನಡುವೆ ಯಾವ ಕಾರಣಕ್ಕೆ ಮಾತಿನ ಚಕಮಕಿ ನಡೆದಿದೆ ಎಂಬುದು ಈವರೆಗೆ ರಿವೀಲ್​ ಆಗಿಲ್ಲ. ವೀಕ್ಷಕರು ಈ ಬಗ್ಗೆ ಪ್ರಶ್ನಿಸಿದ್ದು, ಅಂತಿಮವಾಗಿ ಸಂಚಿಕೆ ಪ್ರಸಾರವಾದ ನಂತರ ಇದಕ್ಕೆ ಉತ್ತರ ಸಿಗಲಿದೆ.

ಫಿನಾಲೆ ಹತ್ತಿರವಾಗುತ್ತಿದ್ದಂತೆ ಮನೆಯಲ್ಲಿರುವ ಸ್ಫರ್ಧಿಗಳ ನಡುವೆ ಪೈಪೋಟಿ ಹೆಚ್ಚಾಗಿದ್ದು, ಟಾಸ್ಕ್​ಗಳಲ್ಲಿ ಗೆದ್ದು ಯಾವ ಸ್ಫರ್ಧಿ ನೇರವಾಗಿ ಫೈನಲ್​ಗೆ ಟಿಕೆಟ್​ ಪಡೆಯಲಿದ್ದಾರೆ ಎಂದು ಕಾದು ನೋಡಬೇಕಿದೆ. ವಿನಯ್​ ಗೌಡ, ಸಂಗೀತಾ ಶೃಂಗೇರಿ, ಕಾರ್ತಿಕ್, ಡ್ರೋನ್​ ಪ್ರತಾಪ್​, ತನಿಷಾ ಕುಪ್ಪಂಡ, ತುಕಾಲಿ ಸಂತೋಷ್​, ವರ್ತೂರು ಸಂತೋಷ್​ ಹಾಗೂ ನಮ್ರತಾ ಗೌಡ ಯಾರು ಫಿನಾಲೆಗೆ ಮೊದಲು ಟಿಕೆಟ್​ ಪಡೆಯಲಿದ್ದಾರೆ ಎಂದು ಕಾದು ನೋಡಬೇಕಿದೆ.

https://www.vijayavani.net/siddaramaiah-about-rammandir-inaugration-i

https://www.vijayavani.net/rtc-depot-managre-sto-looks-after-hen-in-bus-depot