ಮಧ್ಯಪ್ರದೇಶದ ಗ್ವಾಲಿಯರ್ನಲ್ಲಿ ಪಾಥಮಿಕ, ಪ್ರೌಢ ಹಾಗೂ ಕಾಲೇಜು ಶಿಕ್ಷಣ ಪಡೆದ ಗುಂಜನ್ ಆರ್ಯ, ತಮ್ಮ ಇಂಜಿನಿಯರ್ ಪದವಿಯನ್ನು ಸುರತ್ಕಲ್ನ ಎನ್ಐಟಿಕೆಯಲ್ಲಿ ಪಡೆದಿದ್ದಾರೆ. ಆರಂಭದಲ್ಲೇ ಯುಪಿಎಸ್ಸಿ ಕನಸು ಚಿಗುರೊಡೆದರೂ, ಇಲ್ಲಿ ಯಶ ಕಾಣಲೇಬೇಕೆಂಬ ದೃಢ ನಿರ್ಧಾರ ಮೂಡಿದ್ದು ಮಾತ್ರ ಪದವಿ ಹಂತದಲ್ಲಿ. ಪದವಿ ಮುಗಿದ ತಕ್ಷಣ ಕೋಲ್ ಇಂಡಿಯಾ ಕಾರ್ಪೋರೇಷನ್ಲ್ಲಿ ಮೆಕಾನಿಕಲ್ ಇಂಜಿನಿಯರ್ ಆಗಿ ಕಾರ್ಯನಿರ್ವಹಿಸಿದರು. ಉದ್ಯೋಗದ ಜತೆಗೆ ಪರೀಕ್ಷಾ ತಯಾರಿಯನ್ನು ಜಾರಿಯಲ್ಲಿಟ್ಟರು. ಆದರೆ, ಪರೀಕ್ಷೆಗಾಗಿ ಪೂರ್ಣ ಪ್ರಮಾಣದಲ್ಲಿ ತೊಡಗಿಕೊಳ್ಳಲು ದೆಹಲಿಯತ್ತ ಪಯಣ ಬೆಳೆಸಿದರು. ಅಲ್ಲಿ ಜತೆಯಾದ ಸ್ನೇಹ ಬಳಗ, ಮತ್ತು ಓದುವ ವಾತಾವರಣ ಅವರನ್ನು 2018ರ ಹೊತ್ತಿಗೆ ಯುಪಿಎಸ್ಸಿ ದಡ ಸೇರಿಸಿತು.
