32 ವರ್ಷಗಳಿಂದಲೂ ಮಳೆ ನೀರನ್ನು ಮಾತ್ರ ಕುಡಿಯುತ್ತಿದ್ದಾರೆ ಇವರು; ಕಾರಣ ಹೇಳಿದ್ದಾರೆ ನೋಡಿ...

ಜಗತ್ತಿನಲ್ಲಿ ಎಂಥೆಂಥಾ ವಿಚಿತ್ರ ಜನರಿರುತ್ತಾರೆ ! ಈಗ ನೋಡಿ ಇಲ್ಲೊಬ್ಬ ನಿವೃತ್ತ ಬ್ಯಾಂಕ್ ಉದ್ಯೋಗಿ ಕಳೆದ 32 ವರ್ಷಗಳಿಂದ ಮಳೆ ನೀರನ್ನು ಮಾತ್ರ ಕುಡಿಯುತ್ತಿದ್ದಾರೆ.

ನಿಮಗೂ ಅಚ್ಚರಿಯಾಗುತ್ತಿರಬೇಕಲ್ಲ..! ತೆಲಂಗಾಣದ ಸಂಗಾರೆಡ್ಡಿ ಪಟ್ಟಣದ ಪೊನ್ನಾಡಾ ವಸಂತ್​ ಕುಮಾರ್​ ಎಂಬುವರು ಮಳೆಗಾಗಿ ಕಾಯುತ್ತಾರೆ. ಕಳೆದ 32 ವರ್ಷಗಳಿಂದಲೂ ಬೇರೆ ಯಾವುದೇ ಮೂಲದ ನೀರನ್ನೂ ಮುಟ್ಟುತ್ತಿಲ್ಲ. ಕೇಳಿದರೆ, ಮಳೆ ನೀರೇ ನನ್ನ ಆರೋಗ್ಯದ ಗುಟ್ಟು ಎನ್ನುತ್ತಿದ್ದಾರೆ. ಇದನ್ನೂ ಓದಿ: ಏರಿಕೆಯಾಗಲಿದೆ ಖೇಲ್‌ರತ್ನ, ಅರ್ಜುನ ಪ್ರಶಸ್ತಿ ಬಹುಮಾನ ಮೊತ್ತ

ಪ್ರತಿವರ್ಷದ ಮಳೆಗಾಲದಲ್ಲಿಯೂ ಒಂದು ವರ್ಷಕ್ಕೆ ಸಾಕಾಗುವಷ್ಟು ನೀರನ್ನು ಸಂಗ್ರಹ ಮಾಡಿಟ್ಟುಕೊಳ್ಳುತ್ತಾರೆ. ತಮ್ಮ ಮನೆಯ ಮೇಲ್ಛಾವಣಿಯಿಂದ ಬೀಳುವ ಮಳೆ ನೀರನ್ನು ಸುಮಾರು ಆರು ಡ್ರಮ್​​ಗಳಲ್ಲಿ ಸಂಗ್ರಹಿಸಿಟ್ಟುಕೊಳ್ಳುತ್ತಾರೆ. ಆ ಡ್ರಮ್​​ಗಳು ಅವರ ಮನೆಯ ಬಾಲ್ಕನಿಯಲ್ಲಿ ಇರುತ್ತವೆ. ಮಳೆ ನೀರು ಸಂಗ್ರಹಕ್ಕೆ ಬೇಕಾದ ಸಕಲ ವ್ಯವಸ್ಥೆಗಳನ್ನೂ ಅವರು ಮಾಡಿಕೊಂಡಿದ್ದಾರೆ.

ಮಳೆನೀರನ್ನು ಸರಿಯಾಗಿ ಫಿಲ್ಟರ್​ ಮಾಡುತ್ತೇನೆ. ನಂತರ ಅವುಗಳನ್ನು ತಾಮ್ರದ ಪಾತ್ರೆಯಲ್ಲಿ ಸಂರಕ್ಷಿಸಿಟ್ಟುಕೊಳ್ಳುತ್ತೇನೆ. ಕಳೆದ 32 ವರ್ಷಗಳಿಂದಲೂ ಇದನ್ನು ಮಾಡುತ್ತಿದ್ದೇನೆ ಎಂದು ವಸಂತ್​ಕುಮಾರ್ ತಿಳಿಸಿದ್ದಾರೆ.

ಮಳೆ ನೀರು ಕುಡಿಯಲು ಶುರು ಮಾಡಿದಾಗಿನಿಂದಲೂ ಒಮ್ಮೆಯೂ ಅನಾರೋಗ್ಯಕ್ಕೆ ಒಳಗಾಗಿಲ್ಲ. ಒಂದು ಔಷಧಿ ತೆಗೆದುಕೊಂಡಿಲ್ಲ. ಸಂಧುನೋವು, ಬಿಪಿ, ಡಯಾಬಿಟಿಸ್​​ನಂತ ಯಾವುದೇ ರೋಗವೂ ನನಗಿಲ್ಲ. ಮಳೆಗಾಲದಲ್ಲೂ ನನಗೆ ಬೆವರು ಬರುತ್ತದೆ. ಮಳೆ ನೀರೇ ಇದಕ್ಕೆಲ್ಲ ಕಾರಣ. ಅದರಲ್ಲಿರುವ ಎಲ್ಲ ರೀತಿಯ ಖನಿಜಾಂಶಗಳು ನನ್ನ ಆರೋಗ್ಯದ ಗುಟ್ಟು ಎಂದಿದ್ದಾರೆ.

https://www.vijayavani.net/singer-sp-balasubrahmanyam-continues-to-be-critical/