ಪತ್ನಿಗೆ ಕಿರುಕುಳ, ಅತ್ಯಾಚಾರ, ವೇಶ್ಯಾವಾಟಿಕೆ ದಂಧೆ, ಪೊಲೀಸ್ ಅಧಿಕಾರಿಗಳ ವರ್ಗಾವಣೆ ದಂಧೆ… ಹೀಗೆ ಹಲವು ಪ್ರಕರಣಗಳು ಬಯಲಿಗೆ ಬರುತ್ತಿದ್ದಂತೆ ಕರ್ನಾಟಕ ಪೊಲೀಸರಿಗೆ ಚಳ್ಳೆಹಣ್ಣು ತಿನ್ನಿಸಿ ತಲೆಮರೆಸಿಕೊಂಡಿದ್ದ ಸ್ಯಾಂಟ್ರೋ ರವಿ, 11 ದಿನಗಳ ಬಳಿಕ ಕೊನೆಗೂ ಸಿಕ್ಕಿಬಿದ್ದಿದ್ದಾನೆ. ಪೊಲೀಸರಿಗೆ ತನ್ನ ಗುರುತು ಸಿಗದಂತೆ ವೇಷ ಬದಲಿಸಿಕೊಂಡಿದ್ದ ಈತ ಮೀಸೆಯನ್ನೂ ಬೋಳಿಸಿಕೊಂಡಿದ್ದ. ಕೂದಲು ಇಲ್ಲದೆ ಬೋಳು ತಲೆ ಇದ್ದರೂ ತರೇಹವಾರಿ ವಿಗ್ ಹಾಕಿಕೊಂಡು ಯಾಮಾರಿಸಿದ್ದ. ವಿಗ್ ತೆಗೆದ ಸ್ಥಿತಿಯಲ್ಲಿ ನೋಡಿದ್ರೆ ಅರೆಕ್ಷಣ ಈತ ಸ್ಯಾಂಟ್ರೋ ರವಿ ಹೌದೋ, ಅಲ್ಲವೋ ಎಂಬ ಅನುಮಾನ ಮೂಡುತ್ತೆ. ಇದು ಈತನ ಅಸಲಿ ಮುಖ. ವಯಸ್ಸು 51 ವರ್ಷ. ಆದರೂ ಯುವಕನ ಸೋಗಲ್ಲಿ ಅದೆಷ್ಟು ಹೆಣ್ಣುಮಕ್ಕಳ ಜೀವನ ಹಾಳು ಮಾಡಿದ್ದಾನೋ ತನಿಖೆ ಬಳಿಕ ಹೊರ ಬರಲಿದೆ.
