ರಾಷ್ಟ್ರೀಯ ತಂಡಗಳಿಗೆ ಆಡುವ ಕ್ರಿಕೆಟಿಗರಿಗೆ ಅಭಿಮಾನಿಗಳು ನೀಡುವ ಗೌರವ ಮತ್ತು ಅವರ ಮೇಲೆ ತೋರುವ ಪ್ರೀತಿ ಬೇರೆ ಮಟ್ಟದಲ್ಲಿಯೇ ಇರುತ್ತದೆ. ಅವರನ್ನು ತುಂಬಾ ಇಷ್ಟಪಡುತ್ತಾರೆ. ಏಕೆಂದರೆ, ಅವರೆಲ್ಲ ರಾಷ್ಟ್ರಕ್ಕಾಗಿ ಆಡುತ್ತಾರೆ. ಆದರೆ, ಫ್ರಾಂಚೈಸಿ ಕ್ರಿಕೆಟ್ ಇದಕ್ಕೆ ತದ್ವಿರುದ್ಧವಾಗಿದೆ. ಒಬ್ಬ ಆಟಗಾರ ಒಂದೇ ಟೀಮ್ನಲ್ಲಿ ಆಡಬೇಕು ಎಂಬ ನಿಯಮಗಳು ಲೀಗ್ಗಳಲ್ಲಿ ಇರುವುದಿಲ್ಲ. ಫ್ರಾಂಚೈಸಿಗೆ ಅಥವಾ ಆಟಗಾರನಿಗೆ ಇಷ್ಟವಿಲ್ಲದಿದ್ದರೆ, ಬೇರೊಂದು ತಂಡಕ್ಕೆ ಹೋಗಬಹುದು. ಲೀಗ್ಗಳಲ್ಲಿ ನಿಷ್ಠೆಗೆ ಹೆಚ್ಚು ಮೌಲ್ಯ ಇರುವುದಿಲ್ಲ. ಅಭಿಮಾನಿಗಳು ಕೂಡ ಲೀಗ್ಗಳನ್ನು ಹಗುರವಾಗಿ ತೆಗೆದುಕೊಳ್ಳುತ್ತಾರೆ. ಆದರೆ, ಐಪಿಎಲ್ನಲ್ಲಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ ಅಭಿಮಾನಿಗಳು ಮಾತ್ರ ತುಂಬಾ ಡಿಫರೆಂಟ್.
ಆರ್ಸಿಬಿ ಒಮ್ಮೆಯೂ ಟ್ರೋಫಿ ಗೆಲ್ಲದಿದ್ದರೂ ತಮ್ಮ ತಂಡಕ್ಕೆ ಬೆಂಬಲ ನೀಡುವುದನ್ನು ನಿಸ್ವಾರ್ಥದಿಂದ ಮುಂದುವರಿಸಿದ್ದಾರೆ. ತಂಡದ ಸ್ಟಾರ್ ಬ್ಯಾಟ್ಸ್ ಮನ್ ವಿರಾಟ್ ಕೊಹ್ಲಿಗೆ ನಿರಂತರವಾಗಿ ಪ್ರೀತಿ ತೋರಿಸುತ್ತಲೇ ಇದ್ದಾರೆ. ಕೊಹ್ಲಿ ಸಹ ದುಡ್ಡಿಗೆ ಮಣೆ ಹಾಕದೆ ಆರ್ಸಿಬಿ ಅಭಿಮಾನಿಗಳ ಪ್ರೀತಿಗೆ ಮನಸೋತು ತಂಡದಲ್ಲೇ ಉಳಿದುಕೊಂಡಿದ್ದಾರೆ. ಕೊಹ್ಲಿ ರೀತಿಯಲ್ಲೇ ಆರ್ಸಿಬಿ ಮಹಿಳಾ ತಂಡದ ನಾಯಕಿ ಸ್ಮೃತಿ ಮಂದನಾಗೂ ಅಭಿಮಾನಿಗಳು ತಮ್ಮ ಅಭಿಮಾನವನ್ನು ತೋರುತ್ತಿದ್ದು, ಇದನ್ನು ಕಣ್ಣಾರೆ ಕಂಡು ಸ್ಮೃತಿ ಮಂದಾನ ಅವರೇ ದಂಗಾಗಿದ್ದಾರೆ.
ಮಹಿಳಾ ಪ್ರೀಮಿಯರ್ ಲೀಗ್ 2024 ಇತ್ತೀಚೆಗಷ್ಟೇ ಶುರುವಾಯಿತು. ಈ ಲೀಗ್ನಲ್ಲಿ ಮೊದಲ ಪಂದ್ಯವಾಡಿದ ಆರ್ಸಿಬಿ ಕೊನೆಯ ಬಾಲ್ನಲ್ಲಿ ರೋಚಕ ಜಯ ಸಾಧಿಸಿತು. ಕೊನೆಯವರೆಗೂ ರೋಚಕವಾಗಿ ನಡೆದ ಪಂದ್ಯದಲ್ಲಿ 2 ರನ್ಗಳಿಂದ ಆರ್ಸಿಬಿ ಗೆಲುವು ಸಾಧಿಸಿತು. ಆದರೆ ಈ ಪಂದ್ಯದಲ್ಲಿ RCB ನಾಯಕಿ ಸ್ಮೃತಿ ಮಂದಾನ ಕ್ರೇಜ್ ನೋಡಿ ಎಲ್ಲರೂ ಶಾಕ್ ಆಗಿದ್ದಾರೆ.
ಬೆಂಗಳೂರಿನ ತವರು ಮೈದಾನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಪಂದ್ಯ ನಡೆಯಿತು. ಪಂದ್ಯಕ್ಕೂ ಮುನ್ನ ಟಾಸ್ ಸಮಯದಲ್ಲಿ ಸ್ಮೃತಿ ಕಾಮೆಂಟೇಟರ್ ಜೊತೆ ಕೆಲಕಾಲ ಹರಟೆ ಹೊಡೆದರು. ಈ ವೇಳೆ ಆಕೆಯ ಅಭಿಮಾನಿಗಳು ಮಾತನಾಡಲು ಬಿಡಲೇ ಇಲ್ಲ. ಎತ್ತ ನೋಡಿದರೂ ಸ್ಮೃತಿ.. ಸ್ಮೃತಿ ಎಂದು ಜೋರಾಗಿ ಕೂಗುತ್ತಿದ್ದರು. ಅಲ್ಲದೆ, ಆರ್ಸಿಬಿ…ಆರ್ಸಿಬಿ ಎಂಬ ಘೋಷಣೆಗಳ ಜತೆಗೆ ಚಪ್ಪಾಳೆಗಳನ್ನು ಸಹ ತಟ್ಟಿದರು. ಅಭಿಮಾನಿಗಳು ತೋರಿದ ಪ್ರೀತಿಗೆ ಭಾವುಕರಾದ ಸ್ಮೃತಿಗೆ ಬಾಯಿಂದ ಮಾತುಗಳೇ ಬರಲಿಲ್ಲ. ನಗುತ್ತಾ ಅಭಿಮಾನಿಗಳತ್ತ ನೋಡಿ ಮಾತನಾಡಲು ಯತ್ನಿಸಿದರು.
ಮೈದಾನದಲ್ಲಿ ಸ್ಮೃತಿ ಮಂದನಾ ಕ್ರೇಜ್ ನೋಡಿ ಎಲ್ಲರೂ ಶಾಕ್ ಆಗಿದ್ದಾರೆ. ಕೊಹ್ಲಿಗೆ ಆರ್ಸಿಬಿ ಅಭಿಮಾನಿಗಳು ತೋರುವ ಮಟ್ಟದಲ್ಲೇ ಸ್ಮೃತಿಗೂ ಅಭಿಮಾನ ತೋರುತ್ತಿದ್ದಾರೆ. ಬೆಂಗಳೂರಿನಲ್ಲಿ ವಿರಾಟ್ಗೆ ಇರುವಷ್ಟು ಕ್ರೇಜ್ ಸ್ಮೃತಿಗೆ ಇದೆ. ನಿಷ್ಠಾವಂತ ಅಭಿಮಾನಿಗಳನ್ನು ಹೊಂದಲು ಅದೃಷ್ಟ ಎಂದು ಕೊಹ್ಲಿ ಮತ್ತು ಸ್ಮೃತಿ ಹೇಳುತ್ತಿದ್ದಾರೆ. ಒಂದೇ ಒಂದು ಟ್ರೋಫಿ ಗೆಲ್ಲದಿದ್ದರೂ ಆರ್ಸಿಬಿ ಹಾಗೂ ಆ ತಂಡದ ಆಟಗಾರರ ಮೇಲೆ ಅಭಿಮಾನಿಗಳು ತೋರುತ್ತಿರುವ ಪ್ರೀತಿ ನಂಬಲಸಾಧ್ಯ. ಮಹಿಳಾ ಕ್ರಿಕೆಟಿಗರಲ್ಲಿ ಸ್ಮೃತಿ ಕ್ರೇಜ್ ಬೇರೆ ಲೆವೆಲ್ನಲ್ಲಿದೆ ಎಂದು ಹೇಳಲಾಗುತ್ತದೆ. ಸ್ಮೃತಿ ಮಂದಾನ ಕ್ರೇಜ್ ನೋಡಿ ನಿಮಗೆ ಏನು ಅನಿಸಿತು ಎಂಬುದನ್ನು ಕಾಮೆಂಟ್ ಮೂಲಕ ನಮಗೆ ತಿಳಿಸಿ. (ಏಜೆನ್ಸೀಸ್)
ಪ್ರಶಾಂತ್ ನೀಲ್ vs ಶಾರುಖ್ ಖಾನ್! ಇದು ನಿಜವಾದ ಫೈಟ್, ಯಾರು ಗೆಲ್ತಾರೆ ಗೆಸ್ ಮಾಡಿ…
ಶೂ ಕ್ಲೀನ್ ಮಾಡಿ ತಿಂಗಳಿಗೆ 1.20 ಲಕ್ಷ ರೂ. ಗಳಿಕೆ! ಬದುಕು ಬದಲಿಸಿತು ಫ್ರೆಂಡ್ ಸಲಹೆ, ಯೂಟ್ಯೂಬ್ ಪಾಠ