ಮಧ್ಯಾಹ್ನ ಊಟ ಮಾಡುತ್ತಿದ್ದಾಗ ದಂಪತಿ ನಡುವೆ ಜಗಳ; ಪತ್ನಿ ಎದೆಗೆ ಗುಂಡು ಹಾರಿಸಿದ ನ್ಯಾಯಾಧೀಶ

ಅಮೆರಿಕಾ: ಮಧ್ಯಾಹ್ನ ಊಟ ಮಾಡುತ್ತಿದ್ದಾಗ ಪತಿ-ಪತ್ನಿ ನಡುವೆ ನಡೆದ ಸಣ್ಣ ಜಗಳದಲ್ಲಿ ನ್ಯಾಯಾಧೀಶ ಪತಿ ಬಂದೂಕಿನಿಂದ ಪತ್ನಿಯನ್ನು ಗುಂಡಿಟ್ಟು ಹತ್ಯೆ ಮಾಡಿದ್ದಾರೆ. ಈ ಘಟನೆ ಅಮೆರಿಕಾದಲ್ಲಿ ನಡೆದಿದೆ.

ಕ್ಯಾಲಿಫೋರ್ನಿಯಾದ ಆರೆಂಜ್ ಕೌಂಟಿ ಸುಪೀರಿಯರ್ ಕೋರ್ಟ್‌ನಲ್ಲಿ ನ್ಯಾಯಾಧೀಶರಾಗಿರುವ ನ್ಯಾಯಾಧೀಶ ಜೆಫ್ರಿ ಫರ್ಗುಸನ್ ತಮ್ಮ ಪತ್ನಿಯೊಂದಿಗೆ ಸುತ್ತಾಡಲು ಹೊರಗೆ ಬಂದಿದ್ದರು. ಈ ವೇಳೆ ರೆಸ್ಟೊರೆಂಟ್‌ಗೆ ಹೋಗುತ್ತಿದ್ದಾಗ ಇಬ್ಬರ ನಡುವೆ ಸಣ್ಣ ಜಗಳವಾಗಿದೆ. ಜಗಳ ಸ್ವಲ್ಪ ದೊಡ್ಡದಾಯಿತು. ಇಬ್ಬರೂ ಒಟ್ಟಿಗೆ ಮನೆಗೆ ಬಂದರೂ ಜಗಳ ಬಿಡಲಿಲ್ಲ. ಕುಡಿದ ಮತ್ತಿನಲ್ಲಿದ್ದ ನ್ಯಾಯಾಧೀಶರು ವಿವೇಚನೆ ಕಳೆದುಕೊಂಡು ಪತ್ನಿಯನ್ನು ಬಂದೂಕಿನಿಂದ ಗುಂಡಿಕ್ಕಿ ಕೊಂದಿದ್ದಾರೆ.

ಇದನ್ನೂ ಓದಿ: ಬೆಂಗಳೂರಿನಲ್ಲಿ ಭೀಕರ ಅಪಘಾತ; 2 ಬೈಕ್​​ಗಳು ಡಿಕ್ಕಿಯಾಗಿ ಇಬ್ಬರು ಮೃತ್ಯು

ನಡೆದಿದ್ದೇನು?: ನ್ಯಾಯಾಧೀಶ ಜೆಫ್ರಿ ಫರ್ಗುಸನ್ (75) ಅವರು 2023 ಆಗಸ್ಟ್ 3ರಂದು ತಮ್ಮ ಪತ್ನಿ ಶೆರಿಲ್ ಫರ್ಗುಸನ್ ಅವರೊಂದಿಗೆ ಅನಾಹೈಮ್ ಪ್ರದೇಶದ ದುಬಾರಿ ರೆಸ್ಟೋರೆಂಟ್‌ಗೆ ಹೋಗಿದ್ದರು. ಅಲ್ಲಿ ಊಟ ಮಾಡುತ್ತಿದ್ದಾಗ ಪತಿ-ಪತ್ನಿಯ ನಡುವೆ ಸಣ್ಣ ಜಗಳವಾಗಿದೆ. ಜಗಳ ಸ್ವಲ್ಪ ದೊಡ್ಡದಾಯಿತು.

ಜೆಫ್ರಿ ಮನೆಗೆ ಬಂದಾಗಲೂ ಹೆಂಡತಿಯನ್ನು ಬೈಯುತ್ತಲೇ ಇದ್ದ. ಗುಂಡು ಹಾರಿಸುತ್ತೇನೆ ಎಂದು ಪದೇ ಪದೇ ಹೇಳುತ್ತಿದ್ದ ಶೆರಿಲ್ ಕಿರುಚಿಕೊಂಡಿದ್ದಾಳೆ. "ಏನೇ ಆಗಲಿ ಶೂಟ್ ಮಾಡ್ತೀನಿ ಅಂತ ಹೇಳ್ತೀಯಾ..ನಿಜವಾದ ಗನ್ ನನ್ನತ್ತ ತೋರಿಸು" ಎಂದು ಸವಾಲು ಹಾಕಿದಳು. ಮದ್ಯದ ಅಮಲಿನಲ್ಲಿದ್ದ ಪತಿ ಸ್ವಲ್ಪವೂ ಯೋಚಿಸಲಿಲ್ಲ. ಮನೆಯಲ್ಲಿದ್ದ ಬಂದೂಕು ತೆಗೆದು ಗುಂಡು ಹಾರಿಸಿದ್ದಾರೆ. ಕುಸಿದು ಬಿದ್ದ ಶೆರಿಲ್ ಸ್ಥಳದಲ್ಲೇ ಸಾವನ್ನಪ್ಪಿದ್ದಾಳೆ.

ಇದನ್ನೂ ಓದಿ: ಚಿನ್ನ ಖರೀದಿಸುವವರಿಗೆ ಶುಭ ಸುದ್ದಿ..ಮತ್ತಷ್ಟು ಇಳಿಕೆಯಾಯ್ತು ಚಿನ್ನ, ಬೆಳ್ಳಿ ದರ 

ಜೆಫ್ರಿ ಪೊಲೀಸರಿಗೆ ಕರೆ ಮಾಡಿ ತನ್ನ ಪತ್ನಿಗೆ ಬಂದೂಕಿನಿಂದ ಗುಂಡು ಹಾರಿಸಿ ಕೊಂದಿರುವುದಾಗಿ ತಿಳಿಸಿದ್ದಾನೆ. ತಕ್ಷಣ ಸ್ಥಳಕ್ಕಾಗಮಿಸಿದ ಪೊಲೀಸರು ಶರೀಲ್ ಅವರನ್ನು ಪರೀಕ್ಷಿಸಿದಾಗ ಆಕೆಯ ಎದೆಗೆ ಗುಂಡೇಟಿನ ಗಾಯಗಳಾಗಿದ್ದು ಸಾವನ್ನಪ್ಪಿದ್ದಾಳೆ. ನಂತರ ಪೊಲೀಸರು ಮನೆಯನ್ನು ಪರಿಶೀಲಿಸಿದಾಗ ಸಾಕಷ್ಟು ಶಸ್ತ್ರಾಸ್ತ್ರಗಳು ಪತ್ತೆಯಾಗಿವೆ. ಮನೆಯಿಂದ 47 ಬಂದೂಕುಗಳು ಮತ್ತು ಭಾರೀ ಗುಂಡುಗಳನ್ನು ವಶಪಡಿಸಿಕೊಳ್ಳಲಾಗಿದೆ.

ಇದನ್ನೂ ಓದಿ: ಟ್ರಕ್‌ಗೆ ಆಟೋ ಡಿಕ್ಕಿ; ಐವರು ಸಾವು, ಇಬ್ಬರ ಸ್ಥಿತಿ ಗಂಭೀರ

ಈ ಮಧ್ಯೆ, ಪೊಲೀಸರು ಬರುವ ಮೊದಲು ಜೆಫ್ರಿ, ನ್ಯಾಯಾಲಯದ ಕ್ಲರ್ಕ್‌ಗೆ ಕರೆ ಮಾಡಿ, “ನಾನು ಆಕಸ್ಮಿಕವಾಗಿ ನಿಯಂತ್ರಣ ಕಳೆದುಕೊಂಡೆ.. ನಾನು ನನ್ನ ಹೆಂಡತಿಗೆ ಬಂದೂಕಿನಿಂದ ಗುಂಡು ಹಾರಿಸಿದೆ.. ಅವಳು ಸತ್ತಳು. ನಾಳೆ ಕೋರ್ಟ್​​ಗೆ ಬರಲ್ಲ.. ಪೊಲೀಸ್ ಕಸ್ಟಡಿಯಲ್ಲಿ ಇರುತ್ತೇನೆ. ಕ್ಷಮಿಸಿ'' ಎಂದರು.

ಇದನ್ನೂ ಓದಿ: ಲಂಡನ್‌ನಲ್ಲಿ ಅಂಬಾನಿ ಕುಟುಂಬದಿಂದ 77ನೇ ಸ್ವಾತಂತ್ರ್ಯ ಸಂಭ್ರಮ; ಮೊಮ್ಮಗಳನ್ನು ಹಿಡಿದು ತ್ರಿವರ್ಣ ಧ್ವಜ ಹಾರಿಸಿದ ನೀತಾ ಅಂಬಾನಿ

ಪೊಲೀಸರು ಜೆಫ್ರಿಯನ್ನು ಬಂಧಿಸಿ ನ್ಯಾಯಾಲಯಕ್ಕೆ ಹಾಜರುಪಡಿಸಿದರು. ಕಳೆದ ಮಂಗಳವಾರ ವಿಚಾರಣೆ ನಡೆಸಲಾಗಿತ್ತು. ಕುಡಿದ ಅಮಲಿನಲ್ಲಿ ಈ ಘಟನೆ ನಡೆದಿದೆಯೇ? ಅಥವಾ ಕೋಪದಿಂದ ಹೀಗಾಯಿತೇ? ನ್ಯಾಯಾಧೀಶರು ಅವರಿಗೆ ಜಾಮೀನು ಮಂಜೂರು ಮಾಡಿದರು ಮುಂದಿನ ವಿಚಾರಣೆಗೆ ಹಾಜರಾಗುವಂತೆ ಆದೇಶಿಸಿದರು.

https://www.vijayavani.net/girl-eating-cockroach-with-tomato-chilli-sauce-viral-video