ಹಿಂಡೆನ್‌ಬರ್ಗ್ ಆರೋಪಗಳಲ್ಲಿ ಸತ್ಯವಿಲ್ಲ, ಪುರಾವೆಗಳ ಕೊರತೆ ಇದೆ: ಅದಾನಿ ಗ್ರೂಪ್‌ಗೆ ಕ್ಲೀನ್ ಚಿಟ್ ಕೊಟ್ಟ SEBI

SEBI: ಅಮೆರಿಕದ ಶಾರ್ಟ್ ಸೆಲ್ಲಿಂಗ್ ಸಂಸ್ಥೆ ಹಿಂಡೆನ್‌ಬರ್ಗ್ ಗೌತಮ್ ಅದಾನಿ ವಿರುದ್ಧದ ಎಲ್ಲಾ ಆರೋಪಗಳಿಗೆ ಯಾವುದೇ ಅಧಾರವಿಲ್ಲ ಎಂದು ಮಾರುಕಟ್ಟೆ ನಿಯಂತ್ರಕ SEBI (Securities and Exchange Board of India) ತಿಳಿಸಿದೆ. ಅಲ್ಲದೆ, ಹಿಂಡೆನ್‌ಬರ್ಗ್ ರಿಸರ್ಚ್, ಅದಾನಿ ಗ್ರೂಪ್ ಷೇರು ಕದ್ದಿರುವ ಆರೋಪ ಮಾಡಿತ್ತು.

ಅದಾನಿ ಗ್ರೂಪ್‌ಗೆ ಕ್ಲೀನ್ ಚಿಟ್ ನೀಡಿದ ಸೆಬಿ

ಅದಾನಿ ಗ್ರೂಪ್​ಗೆ ತನ್ನ ಅಂತಿಮ ಆದೇಶದಲ್ಲಿ , ಸೆಬಿಯು ಅದಾನಿ ಗ್ರೂಪ್‌ಗೆ ಕ್ಲೀನ್ ಚಿಟ್ ನೀಡಿದೆ. ಹಿಂಡೆನ್‌ಬರ್ಗ್ ಆರೋಪದಲ್ಲಿ ಅದಾನಿ ಗ್ರೂಪ್ ವಿರುದ್ಧದ ಆರೋಪಗಳನ್ನು ಸಾಬೀತುಪಡಿಸಲು ಸಾಧ್ಯವಿಲ್ಲ ಎಂದು ಹೇಳಿದೆ. ಅಲ್ಲದೆ, ಸೆಬಿ ಪ್ರಕಾರ, ಯಾವುದೇ ನಿಯಮಗಳ ಉಲ್ಲಂಘನೆಗಳ ಆಗಿಲ್ಲ. ಈ ವಿಚಾರಚಾಗಿ ಆಂತರಿಕ ವ್ಯಾಪಾರದ ಯಾವುದೇ ಪುರಾವೆಗಳಿಲ್ಲ ಎಂದು ತಿಳಿಸಿದೆ. ಇದು ಗೌತಮ್ ಅದಾನಿ ಸಹೋದರ ರಾಜೇಶ್ ಅದಾನಿ, ಅದಾನಿ ಪೋರ್ಟ್ಸ್, ಅದಾನಿ ಪವರ್, ಅಡಿಕಾರ್ಪ್ ಎಂಟರ್‌ಪ್ರೈಸಸ್ ಲಿಮಿಟೆಡ್ ಮತ್ತು ಅದಾನಿ ಪೋರ್ಟ್ಸ್ ಮತ್ತು ಸ್ಪೆಷಲ್ ಎಕನಾಮಿಕ್ ಜೋನ್ ಲಿಮಿಟೆಡ್‌ಗೆ ಸಿಕ್ಕ ಗೆಲುವಾಗಿದೆ.

ಇದನ್ನೂ ಓದಿ: Phone: ಅತಿಯಾದ ಪೋನ್​ ಬಳಕೆಯು, ನಿಧಾನವಾಗಿ ನಿಮ್ಮ ಆರೋಗ್ಯವನ್ನು ಕೊಲ್ಲುತ್ತದೆ…!

ಅದಾನಿ ಗ್ರೂಪ್ ವಿರುದ್ಧದ ಎಲ್ಲಾ ವಿಚಾರಣೆಗಳು ರದ್ದು

ಸಾಲವನ್ನು ಬಡ್ಡಿಯೊಂದಿಗೆ ಮರುಪಾವತಿಸಲಾಗಿದೆ, ಯಾವುದೇ ಹಣವನ್ನು ಹಿಂಪಡೆಯಲಾಗಿಲ್ಲ ಮತ್ತು ಆದ್ದರಿಂದ, ಯಾವುದೇ ಅನ್ಯಾಯದ ವ್ಯಾಪಾರ ನಡೆದಿಲ್ಲ. ಈ ಹಿನ್ನೆಲೆಯಲ್ಲಿ, ಅದಾನಿ ಗ್ರೂಪ್ ವಿರುದ್ಧದ ಎಲ್ಲಾ ಕ್ರಮಗಳನ್ನು ಕೈಬಿಡಲಾಗಿದೆ ಎಂದು ಸೆಬಿ ತಿಳಿಸಿದೆ.

ಜನವರಿ 2023 ರಲ್ಲಿ, ಅದಾನಿ ಗ್ರೂಪ್ ಮೂರು ಕಂಪನಿಗಳನ್ನು ಬಳಸಿಕೊಂಡಿದೆ ಎಂದು ಹಿಂಡೆನ್‌ಬರ್ಗ್ ಆರೋಪಿಸಿತ್ತು. ಅಲ್ಲದೆ, ಅಡಿಕಾರ್ಪ್ ಎಂಟರ್‌ಪ್ರೈಸಸ್, ಮೈಲ್‌ಸ್ಟೋನ್ ಟ್ರೇಡ್‌ಲಿಂಕ್ಸ್ ಮತ್ತು ರೆಹ್ವರ್ ಇನ್ಫ್ರಾಸ್ಟ್ರಕ್ಚರ್, ಅದಾನಿ ಗ್ರೂಪ್ ಕಂಪನಿಗಳ ನಡುವೆ ಹಣವನ್ನು ವರ್ಗಾಯಿಸಲು ಮಾರ್ಗಗಳಾಗಿ. ಇದು ಅದಾನಿ ಸಂಬಂಧಿತ-ವಹಿವಾಟು ನಿಯಮಗಳನ್ನು ತಪ್ಪಿಸಲು ಮತ್ತು ಹೂಡಿಕೆದಾರರನ್ನು ದಾರಿ ತಪ್ಪಿಸಲು ಸಹಾಯ ಮಾಡಿದೆ ಎಂದು ಇದು ಹೇಳಿಕೊಂಡಿದೆ.

ಹಿಂಡೆನ್‌ಬರ್ಗ್ ಮತ್ತು ಅದಾನಿ ಗ್ರೂಪ್ ಅನ್ನು ಸೆಬಿ ತನಿಖೆ

ಅದಾನಿ ಗ್ರೂಪ್ ಹಿಂಡೆನ್‌ಬರ್ಗ್‌ ಆರೋಪಗಳನ್ನು ನಿರಂತರವಾಗಿ ನಿರಾಕರಿಸಿದೆ. ಈ ಆರೋಪಗಳ ನಂತರ, ಸೆಬಿ ಹಿಂಡೆನ್‌ಬರ್ಗ್ ಮತ್ತು ಅದಾನಿ ಗ್ರೂಪ್ ಎರಡರ ಮೇಲೂ ತನಿಖೆಯನ್ನು ಪ್ರಾರಂಭಿಸಿತು. 2024 ಜೂನ್​ನಲ್ಲಿ, ಸೆಬಿ ತನ್ನ ಸಂಶೋಧನಾ ವರದಿಗಳು ಮತ್ತು ಶಾರ್ಟ್-ಸೆಲ್ಲಿಂಗ್ ಚಟುವಟಿಕೆಗಳಿಗೆ ಸಂಬಂಧಿಸಿದ ನಿಯಮಗಳ ಸಂಭಾವ್ಯ ಉಲ್ಲಂಘನೆಗಳನ್ನು ಉಲ್ಲೇಖಿಸಿ ಹಿಂಡೆನ್‌ಬರ್ಗ್‌ಗೆ ನೋಟಿಸ್ ನೀಡಿತು. ಕಂಪನಿಯ ಸಂಶೋಧನಾ ವರದಿಗಳು ಮತ್ತು ಶಾರ್ಟ್ - ಸೆಲ್ಲಿಂಗ್ ಚಟುವಟಿಕೆಗಳಿಗೆ ಸಂಬಂಧಿಸಿದ ನಿಯಮಗಳ ಸಂಭಾವ್ಯ ಉಲ್ಲಂಘನೆಗಳನ್ನು ನೋಟಿಸ್​​ನಲ್ಲಿ ಉಲ್ಲೇಖಿಸಿದೆ.

ಇದಕ್ಕೆ ಪ್ರತಿಕ್ರಿಯೆಯಾಗಿ, ಹಿಂಡೆನ್‌ಬರ್ಗ್ ತನ್ನ ವರದಿಯು ವ್ಯಾಪಕ ತನಿಖೆ ಮತ್ತು ಸಾರ್ವಜನಿಕವಾಗಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ ಎಂದು ಹೇಳಿದೆ. ಇದರ ಶಾರ್ಟ್-ಸೆಲ್ಲಿಂಗ್ ಚಟುವಟಿಕೆಗಳು ಭಾರತದಲ್ಲಿನ ಎಲ್ಲಾ ಕಾನೂನು ಮತ್ತು ನಿಯಂತ್ರಕ ಕಾರ್ಯವಿಧಾನಗಳನ್ನು ಅನುಸರಿಸುತ್ತವೆ ಎಂದು ಹಿಂಡೆನ್‌ಬರ್ಗ್ ವಾದಿಸಿತು. (ಏಜೆನ್ಸೀಸ್)

https://www.vijayavani.net/amit-shah-attacks-rahul-says-his-march-was-not-a-voter-empowerment-march-but-a-protection-march-against-infiltrators