ಇದಕ್ಕೆಲ್ಲ ಕ್ಷಮೆಯೇ ಇಲ್ಲ...! ಸತತ 5ನೇ ಸೋಲು ದಾಖಲಿಸಿದ ಸಿಎಸ್​ಕೆಗೆ ರವಿಶಾಸ್ತ್ರಿ ಛೀಮಾರಿ| CSK vs KKR

CSK vs KKR : ನಿನ್ನೆ (ಏ.11) ಚೆಪಾಕ್​ನಲ್ಲಿ ನಡೆದ ಕೆಕೆಆರ್​ ವಿರುದ್ಧದ ಪಂದ್ಯದಲ್ಲಿ ಅತ್ಯಂತ ಕಳಪೆ ಪ್ರದರ್ಶನ ತೋರಿದ ಸಿಎಸ್​ಕೆ ತಂಡಕ್ಕೆ ವ್ಯಾಪಕ ಟೀಕೆಗಳು ಹರಿದುಬಂದಿವೆ. ಐಪಿಎಲ್​ ಇತಿಹಾಸದಲ್ಲಿ ಐದು ಬಾರಿ ಚಾಂಪಿಯನ್ಸ್ ಆಗಿ ಮಿಂಚಿದ ಬಲಿಷ್ಠ ತಂಡವೊಂದು ಇದೀಗ ಗೆಲುವಿಗಾಗಿ ತೀರ ಪರದಾಡುತ್ತಿರುವುದು ಮತ್ತು ಅಂಕಪಟ್ಟಿಯ ಕೊನೆ ಸ್ಥಾನಕ್ಕೆ ಸೆಣಸಾಡುತ್ತಿರುವುದು ಸದ್ಯ ಕ್ರಿಕೆಟ್​ ಪ್ರೇಮಿಗಳ ಅಸಮಾಧಾನಕ್ಕೆ ಕಾರಣವಾಗಿದೆ.

ಇದನ್ನೂ ಓದಿ: ವಿದ್ಯಾರ್ಥಿಗಳು ಸ್ಪರ್ಧಾತ್ಮಕ ಪರೀಕ್ಷೆಗೆ ತಯಾರಿ ನಡೆಸಿ: ಅಕ್ಕ ಐಎಎಸ್ ಅಕಾಡೆಮಿ ಸಂಸ್ಥಾಪಕ ಡಾ. ಶಿವಕುವಾರ್

ಟಾಸ್​ ಗೆದ್ದು ಮೊದಲು ಬೌಲಿಂಗ್ ಆಯ್ದುಕೊಂಡ ಕೆಕೆಆರ್​, ಧೋನಿ ಪಡೆಗೆ ಬ್ಯಾಟ್​ ಮಾಡುವಂತೆ ಆಹ್ವಾನಿಸಿತು. ಅಂತೆಯೇ ತವರಿನಲ್ಲಿ ಮೊದಲು ಬ್ಯಾಟ್​ ಮಾಡಿದ ಸಿಎಸ್​ಕೆಗೆ ಉತ್ತಮ ಆರಂಭವೂ ಸಿಗಲಿಲ್ಲ, ಮಧ್ಯ ಕ್ರಮಾಂಕದಲ್ಲಿ ಆಗಮಿಸಿದ ಬ್ಯಾಟರ್​ಗಳೂ ಕಳಪೆ ಪ್ರದರ್ಶನ ನೀಡಿ, ತಂಡವನ್ನು ಸಂಕಷ್ಟಕ್ಕೆ ಸಿಲುಕಿಸಿದರು. ಇದರಿಂದ ಸಿಎಸ್​ಕೆ 20 ಓವರ್​ ಅಂತ್ಯಕ್ಕೆ ಕೇವಲ 103 ರನ್ ಕಲೆಹಾಕಿತು. ಈ ಸಾಧಾರಣ ಗುರಿಯನ್ನು ಬೆನ್ನಟ್ಟಿದ ಕೆಕೆಆರ್, 10.1 ಓವರ್​ನಲ್ಲಿ 2 ವಿಕೆಟ್​ ನಷ್ಟಕ್ಕೆ 107 ರನ್​ ಬಾರಿಸುವ ಮೂಲಕ ಭರ್ಜರಿ ಗೆಲುವು ಸಾಧಿಸಿತು. ಈ ಮೂಲಕ ಮತ್ತೊಮ್ಮೆ ತವರಿನಲ್ಲಿ ಭಾರೀ ಮುಖಭಂಗ ಅನುಭವಿಸಿದ ಸಿಎಸ್​ಕೆ, ಸತತ ಐದನೇ ಸೋಲಿಗೆ ಗುರಿಯಾಯಿತು.

ಈ ಪಂದ್ಯದಲ್ಲಿ ರುತುರಾಜ್ ಗಾಯಕ್ವಾಡ್​ ಗಾಯದ ಸಮಸ್ಯೆಯಿಂದ ಬಳಲುತ್ತಿದ್ದ ಹಿನ್ನೆಲೆ ಅವರನ್ನು ತಂಡದಿಂದ ಕೈಬಿಡಲಾಯಿತು. ಹೀಗಿರುವಾಗ ತಂಡದ ನಾಯಕನ ಜವಾಬ್ದಾರಿಯನ್ನು ಮತ್ತೊಮ್ಮೆ ಹೊತ್ತ ಮಹೇಂದ್ರ ಸಿಂಗ್ ಧೋನಿ, ತಮ್ಮ ತಂಡವನ್ನು ಗೆಲುವಿನೆಡೆಗೆ ಕೊಂಡೊಯ್ಯುತ್ತಾರೆ ಎಂದೇ ಅಭಿಮಾನಿಗಳು ನಿರೀಕ್ಷಿಸಿದ್ದರು. ಆದರೆ, ಅದ್ಯಾಕೋ ಸಿಎಸ್​ಕೆಗೆ ಸೋಲಿನ ರುಚಿ ಬಹಳ ಇಷ್ಟವಾದಂತೆ ಕಾಣಿಸುತ್ತಿದೆ. ಸೋಲಿನಿಂದ ಹೊರಬರಲು ತೀರ ಪರದಾಡುತ್ತಿದೆ. ಧೋನಿ ನಾಯಕತ್ವದಲ್ಲಿಯೇ ತಂಡ ಅತ್ಯಂತ ಕಳಪೆ ಪ್ರದರ್ಶನ ನೀಡಿದ್ದು, ಬ್ಯಾಟಿಂಗ್ ಮತ್ತು ಬೌಲಿಂಗ್ ಎರಡರಲ್ಲೂ ವಿಫಲವಾಗಿದೆ. ಸಿಎಸ್​ಕೆ ಸೋಲನ್ನು ಒಪ್ಪಿಕೊಳ್ಳದ ಮಾಜಿ ಹಿರಿಯ ಕ್ರಿಕೆಟಿಗ ರವಿ ಶಾಸ್ತ್ರಿ, ಧೋನಿ ತಂಡದ ಬಗ್ಗೆ ಅತೀವ ಬೇಸರ ಹೊರಹಾಕಿದರು.

ಇದನ್ನೂ ಓದಿ: ಇಂದು ಸೂಪರ್‌ಜೈಂಟ್ಸ್-ಟೈಟಾನ್ಸ್ ಫೈಟ್: ಶುಭಮಾನ್ ಗಿಲ್ ಪಡೆಗೆ ಅಗ್ರಸ್ಥಾನ ಕಾಯ್ದುಕೊಳ್ಳುವ ಹಂಬಲ

ರಚಿನ್ ರವೀಂದ್ರ, ಡಿವಾನ್ ಕಾನ್ವೆ, ಜಡೇಜಾ, ಧೋನಿ, ತ್ರಿಪಾಠಿ ಯಾರು ಉತ್ತಮವಾಗಿ ಕಾಣದೆ ಇದ್ದದ್ದನ್ನು ಕಂಡು ಕೆಂಡಮಂಡಲಗೊಂಡ ರವಿಶಾಸ್ತ್ರಿ, ಸತತ ಐದನೇ ಸೋಲು ದಾಖಲಿಸಿದ ಚೆನ್ನೈ ಸೂಪರ್ ಕಿಂಗ್ಸ್​ ತಂಡವನ್ನು ನೋಡುತ "ಇದಕ್ಕೆಲ್ಲ ಕ್ಷಮೆಯೇ ಇಲ್ಲ! ಈ ಸೋಲು ಒಪ್ಪುವಂತದ್ದಲ್ಲ" ಎಂದು ಬೇಸರ ವ್ಯಕ್ತಪಡಿಸಿದರು. ಕಮೆಂಟರಿ ಬಾಕ್ಸ್​ನಲ್ಲಿ ಕುಳಿತಿದ್ದ ದಿಗ್ಗಜ ಕ್ರಿಕೆಟಿಗ, ಧೋನಿ ಪಡೆ ಸೋಲುತ್ತಿದ್ದಂತೆ ತಮ್ಮ ಮನದಾಳದ ಮಾತನ್ನು ಮುಕ್ತವಾಗಿ ವ್ಯಕ್ತಪಡಿಸಿದರು. ಇನ್ನು ತಮ್ಮ ನೆಚ್ಚಿನ ತಂಡದ ಸರಣಿ ಸೋಲನ್ನು ಕಂಡ ಕ್ರಿಕೆಟ್​ ಪ್ರೇಮಿಗಳು ಜಾಲತಾಣಗಳಲ್ಲಿ ಫ್ರಾಂಚೈಸಿಯನ್ನು ಟೀಕಿಸಿ, ಛೀಮಾರಿ ಹಾಕಿದ್ದಾರೆ,(ಏಜೆನ್ಸೀಸ್).

https://www.vijayavani.net/psl-dont-get-boost-if-we-dont-play-well