ನವದೆಹಲಿ: ಕೆಲ ಮಂದಿ ಸಾರ್ವಜನಿಕ ಪ್ರದೇಶಗಳಲ್ಲಿ ತುಂಬಾ ವಿಚಿತ್ರವಾಗಿ ವರ್ತಿಸುವ ಮೂಲಕ ತನ್ನ ಸುತ್ತಮುತ್ತ ಇರುವವರಿಗೆ ತುಂಬಾ ತೊಂದರೆ ಕೊಡುತ್ತಾರೆ. ಇದಕ್ಕೆ ಸಂಬಂಧಿಸಿದ ಸಾಕಷ್ಟು ವಿಡಿಯೋಗಳನ್ನು ನಾವು ಈಗಾಗಲೇ ಸಾಮಾಜಿಕ ಜಾಲತಾಣದಲ್ಲಿ ನೋಡಿದ್ದೇವೆ. ಇದೀಗ ಅದೇ ರೀತಿಯ ಮತ್ತೊಂದು ವಿಡಿಯೋ ವೈರಲ್ ಆಗುತ್ತಿದೆ.
ಸದ್ಯ ವೈರಲ್ ಆಗಿರುವ ವಿಡಿಯೋದಲ್ಲಿ ಮಹಿಳೆಯೊಬ್ಬಳು ಆಟೋದಲ್ಲಿ ಕುಳಿತು ಪ್ರಯಾಣಿಸುವಾಗ ಹಿಂದೆ ಬರುತ್ತಿದ್ದ ಬೈಕ್ ಸವಾರನ ಜತೆಗೆ ಅನುಚಿತವಾಗಿ ವರ್ತಿಸಿದ್ದಾಳೆ. ಇದನ್ನು ಪ್ರಶ್ನೆ ಮಾಡಿದರೆ, ಅಸಡ್ಡೆ ಉತ್ತರ ನೀಡಿದ್ದಾಳೆ.
ವೀಡಿಯೋದಲ್ಲಿ ಬೈಕ್ ಸವಾರನೊಬ್ಬ ಆಟೋವನ್ನು ಓವರ್ಟೇಕ್ ಮಾಡಲು ಪ್ರಯತ್ನಿಸಿದಾಗ, ಆಟೋದಲ್ಲಿದ್ದ ಮಹಿಳೆ ಬಾಯಿಯಿಂದ ಗುಟ್ಕಾ ಉಗುಳುತ್ತಾಳೆ. ಇದು ಬೈಕ್ ಮೇಲೆ ಬೀಳುತ್ತದೆ. ನೋಡಿದವರಿಗೆ ಬೇಕಂತಲೇ ಮಾಡಿರುವಂತೆ ಕಾಣುತ್ತದೆ. ಬಳಿಕ ಬೈಕ್ ಸವಾರ ಆಟೋವನ್ನು ತಡೆದು, ಮಹಿಳೆಯನ್ನು ಯಾಕೆ ಹೀಗೆ ಮಾಡಿದ್ರಿ ಎಂದು ಪ್ರಶ್ನೆ ಮಾಡುತ್ತಾನೆ. ಈ ವೇಳೆ ಉತ್ತರಿಸುವ ಆಕೆ, ಇದು ನಿಮ್ಮ ತಪ್ಪು. ಇಷ್ಟು ಹತ್ತಿರ ಬೈಕ್ ಓಡಿಸಲು ನಿಮಗೆ ಹೇಳಿದ್ದು ಯಾರು? ಎಂದು ಮರು ಪ್ರಶ್ನೆ ಮಾಡುತ್ತಾರೆ. ಈ ವೇಳೆ ಬೈಕ್ ಸವಾರ, ರಸ್ತೆಯಲ್ಲಿ ಉಗುಳುತ್ತೀರಾ? ಎಂದು ಪ್ರಶ್ನಿಸುತ್ತಾನೆ. ನೀವು ಸಡನ್ ಆಗಿ ಬಂದಿದ್ದರಿಂದ ಈ ರೀತಿ ಆಯಿತು ಎಂದು ಮಹಿಳೆ ಹೇಳುತ್ತಾರೆ.
Felt-Scripted Kinda Kalesh b/w a Biker and Woman over she Spit on His Bike
pic.twitter.com/EBhcnPfBls— Ghar Ke Kalesh (@gharkekalesh) April 14, 2024
ನೀನು ನನ್ನ ಬೈಕ್ ಅನ್ನು ಕ್ಲೀನ್ ಮಾಡಿಕೊಡು ಎಂದು ಬೈಕ್ ಸವಾರ ಕೇಳಿದಾಗ ಮಹಿಳೆ ನಿರಾಕರಿಸಿದ್ದಾಳೆ. ಈ ರೀತಿ ರಸ್ತೆಯಲ್ಲಿ ಉಗುಳುವಾಗ ನಿಮಗೆ ನಾಚಿಕೆ ಆಗಲ್ಲವೇ ಎಂದು ಬೈಕ್ ಸವಾರ ಮಹಿಳೆಯ ವಿರುದ್ಧ ಕಡಿಕಾರುತ್ತಾನೆ. ಈ 58 ಸೆಕೆಂಡ್ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಈ ಘಟನೆ ಎಲ್ಲಿ ನಡೆದಿದೆ ಎಂಬುದು ಖಚಿತವಾಗಿಲ್ಲ.
ಈ ವಿಡಿಯೋ ನೋಡಿದವರು ಇಂತಹವರು ಸಾಕಷ್ಟು ಮಂದಿ ಇದ್ದಾರೆ. ಹಾಗಾಗಿ ಹುಷಾರಾಗಿರಿ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. (ಏಜೆನ್ಸೀಸ್)
ವಿಕಲಾಂಗರಿಗೆ 13 ಸ್ಕೂಟರ್ ಗಿಫ್ಟ್! ಕೊಟ್ಟ ಮಾತು ಉಳಿಸಿಕೊಂಡ ಲಾರೆನ್ಸ್, ಮನೆ ಕಟ್ಟಿಸಿಕೊಡುವುದಾಗಿಯೂ ಭರವಸೆ
ಇದನ್ನು ತಕ್ಷಣವೇ ನಿಲ್ಲಿಸಿ… ಐಪಿಎಲ್ ತಂಡಗಳು ಮತ್ತು ಆಟಗಾರರಿಗೆ ಖಡಕ್ ಎಚ್ಚರಿಕೆ ನೀಡಿದ ಬಿಸಿಸಿಐ!