2ನೇ ಕ್ಲಾಸ್​​ ಬಾಲಕಿಯನ್ನು ಶಾಲೆಯಲ್ಲೇ ಬಿಟ್ಟು ಬೀಗ ಹಾಕಿದ ಸಿಬ್ಬಂದಿ! ಮುಂದೇನಾಯ್ತು?| School

School: ಸರ್ಕಾರಿ ಶಾಲೆಯೊಂದರ ನಿರ್ಲಕ್ಷ್ಯದಿಂದ 2 ನೇ ತರಗತಿಯ ವಿದ್ಯಾರ್ಥಿಯನ್ನು ತರಗತಿಯಲ್ಲೇ ಬಿಟ್ಟು ಬೀಗ ಹಾಕಿದ್ದು, ಅಲ್ಲಿಂದ ಬಾಲಕಿ ತಪ್ಪಿಸಿಕೊಳ್ಳಲು ಪ್ರಯತ್ನಿಸುವ ವೇಳೆ ಕಿಟಗಿಯಲ್ಲಿರುವ ಕಬ್ಬಿಣದ ಸರಳುಗಳಲ್ಲಿ ಸಿಲುಕಿಕೊಂಡಿರುವ ಘಟನೆ ಒಡಿಶಾದ ಕಿಯೋಂಜರ್​ ಜಿಲ್ಲೆಯ ಶಾಲೆಯಲ್ಲಿ ನಡೆದಿದೆ.

ಜ್ಯೋತ್ಸ್ನಾ ದೇಹೂರಿ (8 ) ಸಂತ್ರಸ್ತ ಬಾಲಕಿ ಎಂದು ತಿಳಿದುಬಂದಿದೆ. ಬನ್ಸ್‌ಪಾಲ್ ಬ್ಲಾಕ್‌ನ ಅಂಜರ್‌ನಲ್ಲಿರುವ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಘಟನೆ ನಡೆದಿದ್ದು, ಶಾಲೆಯ ಮುಖ್ಯೋಪಾಧ್ಯಾಯರನ್ನು ಅಮಾನತುಗೊಳಿಸಿದ್ದಾರೆ.

ಇದನ್ನೂ ಓದಿ: ರಷ್ಯಾ ತೈಲ ಖರೀದಿಯ ಬಗ್ಗೆ ಅಮೆರಿಕ, ಭಾರತದೊಂದಿಗೆ ಎಂದು ಚರ್ಚಿಸಿಲ್ಲ: ಜೈಶಂಕರ್​| Jaishankar

ಸುದ್ದಿಮೂಲಗಳ ಪ್ರಕಾರ, ಜಿಲ್ಲಾ ಶಿಕ್ಷಣ ಅಧಿಕಾರಿ ನಡೆಸಿದ ವಿಚಾರಣೆಯಲ್ಲಿ 8 ನೇ ತರಗತಿಯ ಕೆಲವು ವಿದ್ಯಾರ್ಥಿಗಳಿಗೆ ಶಿಕ್ಷಕರು ಸಂಜೆ 4 ಗಂಟೆಗೆ ಶಾಲಾ ಕಟ್ಟಡಕ್ಕೆ ಬೀಗ ಹಾಕಲು ಸೂಚಿಸಿದ್ದರು ಎಂದು ವರದಿಯಾಗಿದೆ.

ಇನ್ನು ಬಾಲಕಿ ಮನೆಗೆ ಹಿಂತಿರುಗದ ಕಾರಣ ಆಕೆಯ ಕುಟುಂಬ ಅವಳನ್ನು ರಾತ್ರಿಯಿಡೀ ಹುಡುಕಲು ಪ್ರಾರಂಭಿಸಿದ್ದರು. ಈ ವೇಳೆ ಗ್ರಾಮಸ್ಥರು ಆಕೆ ಸಹಾಯಕ್ಕಾಗಿ ಕೂಗಿ ಅಳುತ್ತಿರುವಾಗ ತರಗತಿಯ ಕಿಟಕಿಯ ಸರಳುಗಳಲ್ಲಿ ತಲೆ ಸಿಕ್ಕಿಕೊಂಡಿದ್ದನ್ನು ನೋಡಿದ್ದಾರೆ. ತದನಂತರ ಬಾಲಕಿಯನ್ನು ಗ್ರಿಲ್​ನ್ನು ಬಗ್ಗಿಸಿ ಆಕೆಯನ್ನು ಹೊರತರುವಲ್ಲಿ ಯಶಸ್ವಿಯಾಗಿದ್ದು, ತಕ್ಷಣವೇ ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದಾರೆ.

ಇದನ್ನೂ ಓದಿ: ಒಂದೇ ದಿನ ತೆರೆಗೆ ಬರಲಿವೆ 3 ಬಹುನಿರೀಕ್ಷಿತ ಸಿನಿಮಾ! ಬಾಕ್ಸ್ ಆಫೀಸ್​ ಪೈಪೋಟಿಗೆ ಹಾಲಿವುಡ್​, ಟಾಲಿವುಡ್​, ಬಾಲಿವುಡ್​… | Anticipated Films

ಮುಖ್ಯೋಪಾಧ್ಯಾಯರ ನಿರ್ಲಕ್ಷಕ್ಕೆ ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದ್ದು, ಕಿಯೋಂಜಾರ್​ ಜಿಲ್ಲಾಡಳಿತವು ಮುಖ್ಯೋಪಾಧ್ಯಾಯ ಗೌರಿಹರಿ ಮಹಾಂತ್​ ಅವರನ್ನು ತ್ವರಿತವಾಗಿ ಅಮಾನತುಗೊಳಿಸಿದ್ದಾರೆ. ಇನ್ನು ಬಾಲಕಿ ಆರೋಗ್ಯದಲ್ಲಿ ಚೇತರಿಸಿಕೊಳ್ಳುತ್ತಿದ್ದಾರೆ ಎಂದು ಶಾಲಾ ಮತ್ತು ಸಮೂಹ ಶಿಕ್ಷಣ ಇಲಾಖೆಯ ಅಧಿಕಾರಿಗಳು ದೃಢಪಡಿಸಿದ್ದಾರೆ.

(ಏಜೆನ್ಸೀಸ್​)

https://www.vijayavani.net/indian-airspace-restriction-on-pakistan-flights-extension-till-september-24