ಲಾಕ್ಡೌನ್ ಹಿನ್ನೆಲೆಯಲ್ಲಿ ಎಲ್ಲ ಸಿನಿಮಾಗಳ ಚಿತ್ರೀಕರಣ ಸ್ಥಗಿತಗೊಂಡಿದೆ. ಕಾರ್ಮಿಕರಿಗೆ ಕೆಲಸ ಇಲ್ಲದೆ, ಸಂಕಷ್ಟಕ್ಕೀಡಾಗಿದ್ದಾರೆ. ನಿರ್ಮಾಪಕರ ಸ್ಥಿತಿಯಂತೂ ಬಾಯಲ್ಲಿ ಬಿಸಿ ತುಪ್ಪ ಇಟ್ಟುಕೊಂಡಂತಾಗಿದೆ. ಕೋಟ್ಯಂತರ ಮೊತ್ತ ಹೂಡಿಕೆ ಮಾಡಿರುವ ಸಿನಿಮಾಗಳು ಅರ್ಧಕ್ಕೆ ನಿಂತಿವೆ. ಮುಂದೇನೂ ಎಂಬ ಪ್ರಶ್ನೆ ಎದುರಾಗಿದೆ. ಇದೆಲ್ಲ ಒಂದೆಡೆಯಾದರೆ, ಸಿನಿಮಾ ಚಿತ್ರೀಕರಣಕ್ಕೆಂದೇ ಕೋಟಿ ಕೋಟಿ ಹಣ ವ್ಯಯಿಸಿ ಹಾಕಿದ ಸೆಟ್ ಅನ್ನು ಸರ್ವನಾಶ ಮಾಡಿದರೆ ಹೇಗಾಗಬೇಡ! ಹೌದು, ಈ ವರ್ಷದ ಬಾಲಿವುಡ್ನ ಬಹುನಿರೀಕ್ಷಿತ ಸಿನಿಮಾ ಎಂದೇ ಹೇಳಲಾಗಿದ್ದ ಅಜಯ್ ದೇವಗನ್ ನಾಯಕತ್ವದ ‘ಮೈದಾನ್’ ಸಿನಿಮಾಕ್ಕಾಗಿ ಹಾಕಲಾಗಿದ್ದ ಸೆಟ್ ತೆರವುಗೊಳಿಸಲಾಗಿದೆ! ಇನ್ನು ಕೆಲ ದಿನಗಳಲ್ಲಿ ಮಳೆಗಾಲ ಶುರುವಾಗುವುದರಿಂದ ಚಿತ್ರದ ನಿರ್ಮಾಪಕ ಬೋನಿ ಕಪೂರ್ ಈ ನಿರ್ಧಾರ ತೆಗೆದುಕೊಂಡಿದ್ದಾರೆ.
