ಚರ್ಚಿಸಿ, ಮುಂದಿನ ತೀರ್ಮಾನ:
ಚಿತ್ರದ ಕುರಿತು ಗೋಪಾಲ್, ‘ಮೂರು ತಿಂಗಳ ಹಿಂದೆ ಟೀಸರ್ ಬಿಡುಗಡೆ ಮಾಡಿದ್ದೆವು. ಆಗ ಟೈಟಲ್ ಕುರಿತು ಪ್ರಸ್ತಾಪ ಮಾಡಿದ್ದರೆ, ನಾವು ಗಮನಹರಿಸಬಹುದಿತ್ತು. ಆದರೆ, ಈಗ ಎಲ್ಲ ಕಾರ್ಯಗಳು ಮುಗಿದ ಮೇಲೆ ನೋಟಿಸ್ ನೀಡಿದ್ದಾರೆ. ವಾಣಿಜ್ಯ ಮಂಡಳಿಯಲ್ಲಿ ಟೈಟಲ್ ನೋಂದಾಯಿಸಿದ್ದೇವೆ. ಚಿತ್ರಕ್ಕೆ ಸೆನ್ಸಾರ್ ಮಾಡಿಸಿದ್ದು, ‘ಯು/ಎ’ ಪ್ರಮಾಣಪತ್ರ ದೊರೆತಿದೆ. ಮಂಡಳಿ ಕೂಡ ಚಿತ್ರ ವೀಕ್ಷಿಸಿ ಯಾವುದೇ ತೊಂದರೆ ಇಲ್ಲ ಎಂದು ತಿಳಿಸಿದೆ’ ಎನ್ನುತ್ತಾರೆ. ಇದೀಗ ನೋಟಿಸ್ ನೀಡಿರುವ ಕುರಿತು, ‘ಚಿತ್ರತಂಡದೊಂದಿಗೆ ಚರ್ಚೆ ಮಾಡಿ ಟೈಟಲ್ ಬದಲಾವಣೆ ಮಾಡಬೇಕೋ? ಬೇಡವೋ? ಮುಂದಿನ ಕಾನೂನು ಹೋರಾಟ, ಸಿನಿಮಾ ಬಿಡುಗಡೆ ದಿನಾಂಕ ಕುರಿತು ನಿರ್ಧರಿಸಲಿದ್ದೇವೆ’ ಎಂದು ಮಾಹಿತಿ ನೀಡುತ್ತಾರೆ.
