ಚುನಾವಣೆ ವೇಳೆ ನೀಡಿದ ಭರವಸೆ ಈಡೇರಿಕೆ: ಸ್ಪೀಕರ್ ಯು.ಟಿ.ಖಾದರ್ ಹೇಳಿಕೆ

ವಿಜಯವಾಣಿ ಸುದ್ದಿಜಾಲ ಉಳ್ಳಾಲ

ಚುನಾವಣೆ ಸಂದರ್ಭ ನೀಡಿದ್ದ ಭರವಸೆಗಳನ್ನು ಈಡೇರಿಸಲಾಗುತ್ತಿದೆ. ಅದರ ಭಾಗವಾಗಿ ತೊಕ್ಕೊಟ್ಟು ಮೆಲ್ಕಾರ್ ಮುಖ್ಯ ರಸ್ತೆಯಿಂದ ಪಂಡಿತ್‌ಹೌಸ್-ದಾರಂದಬಾಗಿಲು-ಚೆಂಬುಗುಡ್ಡೆ ಸಂಪರ್ಕಿಸುವ ಮುಖ್ಯ ರಸ್ತೆ ನಿರ್ವಾಣಕ್ಕೆ ಚಾಲನೆ ನೀಡಲಾಗಿದೆ ಎಂದು ವಿದಾನಸಭಾಧ್ಯಕ್ಷ ಯು.ಟಿ.ಖಾದರ್ ತಿಳಿಸಿದರು.

ಉಳ್ಳಾಲ ನಗರಸಭೆ ಮತ್ತು ಸೋಮೇಶ್ವರ ಪುರಸಭೆಯನ್ನು ಸಂಪರ್ಕಿಸುವ ರಸ್ತೆ ಕಾಮಗಾರಿಗೆ ಬುಧವಾರ ಪಂಡಿತ್‌ಹೌಸ್‌ನಲ್ಲಿ ಚಾಲನೆ ನೀಡಿ ವಾತನಾಡಿದರು.

ಸ್ಥಳೀಯ ಭಾಗದ ರಸ್ತೆ ಅಭಿವೃದ್ಧಿ ಪರಿಸರದ ಜನರ ದೊಡ್ಡ ಬೇಡಿಕೆಯಾಗಿತ್ತು. ಈ ಹಿನ್ನೆಲೆ ನಗರೋತ್ಥಾನದಿಂದ ಒಂದು ಕೋಟಿ ರೂ. ಹಾಗೂ ಅಲ್ಪಸಂಖ್ಯಾತ ಅಭಿವೃದ್ಧಿ ಇಲಾಖೆಯಿಂದ ಒಂದು ಕೋಟಿ ರೂ. ಅನುದಾನ ಬಿಡುಗಡೆಗೊಳಿಸಲಾಗಿದೆ ಎಂದರು.

ಧಾರ್ಮಿಕ ಪರಿಷತ್ ಸದಸ್ಯ ಸುರೇಶ್ ಭಟ್ನಾಗರ, ಮೂಡಾದ ಅಧ್ಯಕ್ಷ ಸದಾಶಿವ ಉಳ್ಳಾಲ್, ಉಳ್ಳಾಲ ನಗರಸಭಾಧ್ಯಕ್ಷೆ ಶಶಿಕಲಾ, ಉಪಾಧ್ಯಕ್ಷೆ ಸಪ್ನಾ ಹರೀಶ್, ಸದಸ್ಯೆ ದೀಕ್ಷಿತಾ, ವಾಜಿ ಅಧ್ಯಕ್ಷ ಹುಸೈನ್ ಕುಂಞ, ನೋನು, ವಾಜಿ ಉಪಾಧ್ಯಕ್ಷ ಯು.ಪಿ.ಅಯೂಬ್ ಮಂಚಿಲ, ವಾಜಿ ಸದಸ್ಯರಾದ ಉಸ್ಮಾನ್ ಕಲ್ಲಾಪು, ದಿನೇಶ್ ರೈ, ಬಂಧುತ್ವ ಚಾರಿಟೆಬಲ್ ಟ್ರಸ್ಟ್ ಅಧ್ಯಕ್ಷ ಇಸ್ಮಾಯಿಲ್ ಶಾಫಿ ಬಬ್ಬುಕಟ್ಟೆ, ಪ್ರಮುಖರಾದ ಬಶೀರ್ ಮುಂಡೋಳಿ, ಶ್ರೀಧರ್, ಮನ್ಸೂರ್ ಮಂಚಿಲ, ಜಿಯಾದ್ ಉಳ್ಳಾಲ್, ಹಿರಿಯರಾದ ರಾವ, ಶ್ರೀಧರ್ ಮೊದಲಾದವರಿದ್ದರು.

https://www.vijayavani.net/sharafe-madina-burda-committee-for-existence

https://www.vijayavani.net/eye-checkup-free-camp-on-31st