‘ದಿ ಫ್ಯಾಮಿಲಿ ಮ್ಯಾನ್ ಸೀಸನ್ 2’ ವೆಬ್​ಸರಣಿ ಬಿಡುಗಡೆ ದಿನಾಂಕ ಪ್ರಕಟ

ಮುಂಬೈ: ಹಿಂದಿಯ ಯಶಸ್ವಿ ವೆಬ್​ಸಿರೀಸ್​ಗಳಲ್ಲಿ ಒಂದಾದ ಫ್ಯಾಮಿಲಿ ಮ್ಯಾನ್ ಇದೀಗ ಸೀಸನ್ 2 ಮೂಲಕ ಆಗಮಿಸುತ್ತಿದೆ. ಇಷ್ಟು ದಿನ ಶೂಟಿಂಗ್​ ನೆಪ ಹೇಳಿಕೊಂಡೇ ಬಂದಿದ್ದ ತಂಡ, ಇದೀಗ ಕೊನೆಗೂ ಬಿಡುಗಡೆ ಯಾವಾಗ ಎಂಬುದನ್ನು ಹೇಳಿಕೊಂಡಿದೆ. ಈ ಮೂಲಕ ಅಭಿಮಾನಿಗಳಿಗೆ ಕಡೆಗೂ ಹೊಸ ವರ್ಷದ ಸಂದರ್ಭದಲ್ಲಿ ಉಡುಗೊರೆ ನೀಡಿದೆ.

ಇದನ್ನೂ ಓದಿ: ಜಯಶ್ರೀ-ಸಂಯುಕ್ತಾ ಅಜ್ಜಿ-ಮೊಮ್ಮಗಳಾಗಿ

ಈಗಾಗಲೇ ಫ್ಯಾಮಿಲಿ ಮ್ಯಾನ್​ ಮೊದಲ ಸೀಸನ್​ಗೆ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗಿದೆ. ಅದರ ಬೆನ್ನಲ್ಲೇ ಅದರ ಮುಂದುವರಿದ ಭಾಗವಾಗಿ ಸೀಸನ್​ 2 ಸಿದ್ಧವಾಗಿದ್ದು, ಫೆಬ್ರವರಿ 12ಕ್ಕೆ ಅಮೆಜಾನ್ ಪ್ರೈಮ್​ನಲ್ಲಿ ಬಿತ್ತರವಾಗಲಿದೆ.

ಮನೋಜ್ ಬಾಜಪೇಯಿ ಮುಖ್ಯಭೂಮಿಕೆಯಲ್ಲಿರುವ ಈ ಸರಣಿಗೆ ಈ ಸಲ ಸಮಂತಾ ಅಕ್ಕಿನೇನಿ ಸಾಥ್ ನೀಡಿದ್ದಾರೆ. ಅವರ ಪಾತ್ರವೂ ರಿವೀಲ್ ಆಗಿದ್ದು, ಪಾಕಿಸ್ತಾನದ ಭಯೋತ್ಪಾದಕಿಯಾಗಿ ಅವರು ಕಾಣಿಸಿಕೊಳ್ಳಲಿದ್ದಾರಂತೆ. ಹಿಂದಿ ಜತೆಗೆ ತಮಿಳು ಮತ್ತು ತೆಲುಗಿನಲ್ಲೂ ಈ ವೆಬ್ ಸರಣಿ ಬಿಡುಗಡೆ ಆಗಲಿದೆ.

ಇದನ್ನೂ ಓದಿ: ಇದು ‘ರಾತ್ರೋ ರಾತ್ರಿ’ ನಡೆಯುವ ಹಾರರ್ ಕಥನ; ಜ.14ಕ್ಕೆ ಹೆದರಿಸಲು ಬರ್ತಿದ್ದಾರೆ ಹೊಸಬರು!

ರಾಜ್​ ಮತ್ತು ಡಿಕೆ ನಿರ್ದೇಶನದಲ್ಲಿ ದಿ ಫ್ಯಾಮಿಲಿ ಮ್ಯಾನ್​ 2 ಸಿದ್ಧವಾಗಿದ್ದು, ಮನೋಜ್ ಬಾಜಪೇಯಿ ಜತೆಗೆ ಪ್ರಿಯಾಮಣಿ ಸಹ ವೆಬ್​ಸಿರೀಸ್​ನಲ್ಲಿದ್ದಾರೆ.

https://www.vijayavani.net/shishya-deepak-spider-look-revealed/