ಮುಂಬೈ: ಮನೋಜ್ ಬಾಜ್ಪೇಯಿ ಅಭಿನಯದ ‘ದಿ ಫ್ಯಾಮಿಲಿ ಮ್ಯಾನ್ 2’ ಕಳೆದ ವಾರವಷ್ಟೇ ಅಮೇಜಾನ್ ಪ್ರೈಮ್ನಲ್ಲಿ ಬಿಡುಗಡೆಯಾಗಿದ್ದು, ಪ್ರೇಕ್ಷಕರಿಂದ ಮೆಚ್ಚುಗೆ ವ್ಯಕ್ತವಾಗಿದೆ. ಅಷ್ಟೇ ಅಲ್ಲ, ಈಗಾಗಲೇ ‘ದಿ ಫ್ಯಾಮಿಲಿ ಮ್ಯಾನ್ 3’ ಯಾವಾಗ ಬರುತ್ತದೆ ಎಂಬ ಚರ್ಚೆ ಶುರುವಾಗಿದೆ.
ಇದನ್ನೂ ಓದಿ: ತೆರಿಗೆ ಕಟ್ಟಲು ದುಡ್ಡಿಲ್ಲ- ಜಾಲತಾಣದಲ್ಲಿ ದುಃಖ ತೋಡಿಕೊಂಡ ನಟಿ ಕಂಗನಾ ಏನು ಹೇಳಿದ್ದಾರೆ ನೋಡಿ…
‘ದಿ ಫ್ಯಾಮಿಲಿ ಮ್ಯಾನ್ 2’ ಕ್ಲೈಮ್ಯಾಕ್ಸ್ನಲ್ಲಿ, ಕಥೆ ಅಷ್ಟಕ್ಕೇ ಮುಗಿಯುವುದಿಲ್ಲ, ಇನ್ನೂ ಮುಂದುವರೆಯಲಿದೆ ಎಂಬ ಹಿಂಟ್ ನೀಡಲಾಗಿದೆ. ಇದನ್ನು ನೋಡಿದಾಗಿನಿಂದ ಪ್ರೇಕ್ಷಕರಲ್ಲಿ ಕುತೂಹಲ ಹೆಚ್ಚಾಗಿದ್ದು, ಮೂರನೇ ಸೀಸನ್ನ ಚಿತ್ರೀಕರಣ ಯಾವಾಗಿನಿಂದ ಶುರುವಾಗಬಹುದು, ಆ ಕಾರ್ಯಕ್ರಮ ಯಾವಾಗ ಅಮೇಜಾನ್ ಪ್ರೈಮ್ನಲ್ಲಿ ಸ್ಟ್ರೀಮ್ ಆಗಬಹುದು ಎಂಬ ಲೆಕ್ಕಾಚಾರ ಪ್ರಾರಂಭವಾಗಿದೆ.
ಈ ಕುರಿತು ಸ್ವತಃ ಮನೋಜ್ ಬಾಜ್ಪೇಯಿ ಮಾತನಾಡಿದ್ದು, ಕಾರ್ಯಕ್ರಮ ಯಾವಾಗ ಬರಬಹುದು ಎಂದು ಸೂಚ್ಯವಾಗಿ ಹೇಳಿದ್ದಾರೆ. ‘ಲಾಕ್ಡೌನ್ನಿಂದ ಎಲ್ಲರೂ ಲಾಕ್ ಆಗಿದ್ದಾರೆ. ಮೊದಲು ಜಗತ್ತು ತೆರೆದುಕೊಳ್ಳಿ. ಕೆಲಸಗಳು ಪ್ರಾರಂಭವಾಗಲಿ. ಆ ನಂತರ, ಖಂಡಿತಾ ನಿರ್ದೇಶಕರು ಅಮೇಜಾನ್ ಜತೆಗೆ ಮಾತು ಮುಂದುವರೆಸಲಿದ್ದಾರೆ. ಈಗಾಗಲೇ ಕಥೆ ರೆಡಿಯಾಗಿದ್ದು, ಅಮೇಜಾನ್ನವರಿಂದ ಗ್ರೀನ್ ಸಿಗ್ನಲ್ ಸಿಗುತ್ತಿದ್ದಂತೆಯೇ ಕೆಲಸಗಳು ಶುರುವಾಗಲಿದೆ’ ಎನ್ನುತ್ತಾರೆ ಮನೋಜ್.
ಇದನ್ನೂ ಓದಿ: ದರ್ಶನ್ ಮನವಿಗೆ ಅಭೂತ ಪೂರ್ವ ಸ್ಪಂದನೆ: ಕೋಟಿ ಸನಿಹ ಬಂದ ಪ್ರಾಣಿ ದತ್ತು ಮೊತ್ತ
ಇದೆಲ್ಲ ಎಷ್ಟು ಸಮಯವಾಗಬಹುದು ಎಂಬ ಪ್ರಶ್ನೆಯನ್ನು ಅವರ ಮುಂದಿಟ್ಟಾಗ, ‘ಈಗಾಗಲೇ ಕಥೆ ರೆಡಿ ಇದೆ. ಚಿತ್ರಕಥೆ ಸಹ ಇನ್ನು ಕೆಲವು ದಿನಗಳಲ್ಲಿ ಮುಗಿಯಲಿದೆ. ಎಲ್ಲವೂ ಅಂದುಕೊಂಡಂತೆ ಆದರೆ, ಇನ್ನೊಂದೂವರೆ ವರ್ಷಗಳಲ್ಲಿ ಮೂರನೇ ಸೀಸನ್ ಬರುವ ಸಾಧ್ಯತೆ ಇದೆ. ಈಗಲೇ ನಿಖರವಾಗಿ ಹೇಳುವುದು ಕಷ್ಟ’ ಎಂದು ಹೇಳಿಕೊಂಡಿದ್ದಾರೆ. ಅಲ್ಲಿಗೆ, 2022ರ ಕೊನೆ ಅಥವಾ 2023ರವರೆಗೂ ‘ದಿ ಫ್ಯಾಮಿಲಿ ಮ್ಯಾನ್ 3’ಗಾಗಿ ಕಾಯಬೇಕಾಗಿ ಬಂದರೆ, ಅದರಲ್ಲಿ ಆಶ್ಚರ್ಯವಿಲ್ಲ.
ನಿನ್ನ ವಯಸ್ಸಿನ ಹೀರೋಯಿನ್ ಜತೆಗೆ ನಟನೆ ಮಾಡು … ಸಲ್ಮಾನ್ಗೆ ಸೋಫಿಯಾ ಸಲಹೆ