ಗರ್ಭಧಾರಣೆಯಾಗದ ಕಾರಣಕ್ಕೆ ಸೊಸೆಯನ್ನೇ ಕೊಂದ ಕ್ರೂರ ಅತ್ತೆ-ಮಾವ !| Rajasthan

Rajasthan : ಮಕ್ಕಳನ್ನು ಹೆರಲು ಸಾಧ್ಯವಾಗದ ಕಾರಣ ವಿವಾಹಿತ ಮಹಿಳೆಯನ್ನು ಆಕೆಯ ಅತ್ತೆ ಮಾವ ಕೊಂದಿರುವ ಆಘಾತಕಾರಿ ಘಟನೆ ರಾಜಸ್ಥಾನದ ದೀಗ್​ ಜಿಲ್ಲೆಯಲ್ಲಿ ನಡೆದಿದೆ.

ಘಟನೆ ಬಳಿಕ ಕೊಲೆಯನ್ನು ಆತ್ಮಹತ್ಯೆ ಎಂದು ಬಿಂಬಿಸಲು ಆಕೆಯ ಅತ್ತೆ ಮಾವ ಮನೆಯಲ್ಲಿ ಬೆಂಕಿ ಹಚ್ಚಿ ಆಕೆಯ ದೇಹವನ್ನು ಸುಟ್ಟುಹಾಕಿದ್ದು, ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ಗ್ರಾಮಸ್ಥರಿಗೆ ತಿಳಿಸದ್ದಾರೆ. ಇನ್ನು ಈ ವಿಚಾರವಾಗಿ ಅನುಮಾನ ವ್ಯಕ್ತಪಡಿಸಿದ ಗ್ರಾಮಸ್ಥರು ಪೊಲೀಸರಿಗೆ ಕರೆ ಮಾಡಿ ಮಾಹಿತಿ ತಿಳಿಸಿದ್ದಾರೆ.

ಇದನ್ನೂ ಓದಿ: ಅಮೆಜಾನ್ ಕಾಡಿನಲ್ಲಿರುವ ನಿಗೂಢ ಬುಡಕಟ್ಟು ಜನಾಂಗಗಳು… ಹೊರ ಜಗತ್ತಿಗೆ ತೆರೆದುಕೊಳ್ಳುತ್ತಿಲ್ಲ ಏಕೆ? Amazon Forest

ಮಾಹಿತಿ ಪಡೆದ ಪೊಲೀಸರು ಮೃತಳ ಕುಟುಂಬವನ್ನು ಫೋನಿನ ಮೂಲಕ ಸಂಪರ್ಕಿಸಿದ್ದು, ಅಂತಿಮ ವಿಧಿ ವಿಧಾನಗಳನ್ನು ಮಾಡದಂತೆ ಎಚ್ಚರಿಕೆ ನೀಡಿದ್ದರು. ಆದರೂ, ತಮ್ಮ ಬಣ್ಣ ಬಯಲಾಗುತ್ತದೆ ಎಂದು ತಿಳಿದ ಕುಟುಂಬಸ್ಥರು ಅವಸರದಲ್ಲಿ ಆಕೆಯ ದೇಹವನ್ನು ಸ್ಮಶಾನಕ್ಕೆ ತೆಗೆದುಕೊಂಡು ಹೋಗಲು ಪ್ರಯತ್ನಿಸಿದ್ದರು. ಇನ್ನು ಅಂತ್ಯಕ್ರಿಯೆ ನಡೆಯುವ ಮೊದಲೇ, ಖೋಹ್ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಅರ್ಧ ಸುಟ್ಟ ಶವವನ್ನು ವಶಪಡಿಸಿಕೊಂಡು ದೀಗ್​ ಆಸ್ಪತ್ರೆಯ ಶವಗಾರದಲ್ಲಿ ಇರಿಸಿದ್ದಾರೆ ಎಂದು ಎನ್​ಡಿ ಟಿವಿ ವರದಿ ಮಾಡಿದೆ.

ಮೃತಪಟ್ಟವರನ್ನು ಸರಳಾ ಎಂದು ಗುರುತಿಸಲಾಗಿದೆ. ಇವರು ಮೂಲತಃ ರಾಜಸ್ಥಾನದ ರೌನಿಜಾ ಗ್ರಾಮದ ನಿವಾಸಿಯಾಗಿದ್ದು, 2005 ರಲ್ಲಿ ಕಾಕ್ರಾ ಗ್ರಾಮದ ನಿವಾಸಿ ಅಶೋಕ್ ಅವರನ್ನು ವಿವಾಹವಾಗಿದ್ದರು. ಇವರಿಗೆ ಮಕ್ಕಳಿರಲಿಲ್ಲ ಎಂದು ತಿಳಿದು ಬಂದಿದೆ.

ಇದನ್ನೂ ಓದಿ: ಅ.10ರಂದು ನೇರಲಕೆರೆಯಲ್ಲಿ ಜ್ಞಾನಕೇಂದ್ರ ಲೋಕಾರ್ಪಣೆ: ಅಂಬೇಡ್ಕರ್ ವಾರಿಯರ್ಸ್ ರಾಜ್ಯಾಧ್ಯಕ್ಷ ಎಚ್.ಜಿ.ಗಂಗರಾಜು ಮಾಹಿತಿ

ಕುಟುಂಬಸ್ಥರ ಆರೋಪ ಏನು?

ಘಟನೆಯ ಬಳಿಕ, ಸರಳಾ ಕುಟುಂಬವು, ದೀಗ್​ ಆಸ್ಪತ್ರೆ ಬಳಿ ಬಂದಿದ್ದು, ನನ್ನ ಮಗಳನ್ನು ಆಕೆಯ ಪತಿ ಅಶೋಕ್ ಹಾಗೂ ಕುಟುಂಬಸ್ಥರು ಕೊಂದಿದ್ದಾರೆ. ಆಕೆ ಗರ್ಭಿಣಿಯಾಗದ ಕಾರಣ ಅಶೋಕ್​ ಪ್ರತಿದಿನ ಕಿರುಕುಳ ನೀಡುತ್ತಿದ್ದನು. ಹಾಗೆಯೇ ಹೊಡೆಯುತ್ತಿದ್ದನು ಎಂದು ಆರೋಪ ಮಾಡಿದ್ದಾರೆ.

ಇನ್ನು ನನ್ನ ಸಹೋದರಿಯನ್ನು ಮನೆಯಲ್ಲಿಯೇ ಸುಟ್ಟು ಹಾಕಿ ಅಂತ್ಯಸಂಸ್ಕಾರ ಮಾಡಲು ಅಶೋಕ್​ ಮುಂದಾಗಿದ್ದಾನೆ. ವಿಷಯ ತಿಳಿದ ಕೂಡಲೇ ನಾವು ಮನೆಗೆ ಬಂದಿದ್ದೇವೆ ಆದರೆ, ಪೊಲೀಸರು ಶವವನ್ನು ದೀಗ್​ ಆಸ್ಪತ್ರೆಗೆ ರವಾನಿಸಿದ್ದಾರೆ ಎಂದು ಸಹೋದರ ವಿಕ್ರಾಂತ್​ ಸುದ್ದಿಮೂಲಗಳಿಗೆ ತಿಳಿಸಿದ್ದಾನೆ.

ಇದನ್ನೂ ಓದಿ: ಶಾಂತಿ ಕಾಪಾಡಲು ಕ್ರಮ ತೆಗೆದುಕೊಳ್ಳಲಿ: ಕೆಆರ್‌ಎಸ್ ರಾಜ್ಯ ಕಾರ್ಯಾಧ್ಯಕ್ಷ ರಘು ಆಗ್ರಹ

ಪೊಲೀಸರು ಹೇಳಿದ್ದೇನು?

ಖೋಹ್ ಪೊಲೀಸ್​ ಅಧಿಕಾರಿ ಮಾತನಾಡಿದ್ದು, ಕೊಲೆಯ ಹಿಂದಿನ ಉದ್ದೇಶವನ್ನು ತನಿಖೆ ನಡೆಸಲಾಗುತ್ತಿದೆ. ಮೃತ ದೇಹವನ್ನು ಆಸ್ಪತ್ರೆಗೆ ರವಾನಿಸಲಾಗಿದೆ. ಮಾಹಿತಿಗಳು ತಿಳಿದ ನಂತರ ಕೋರ್ಟ್​ಗೆ ಆರೋಪಿಗಳನ್ನು ಹಾಜರುಪಡಿಸಲಾಗುವುದು ಎಂದು ತಿಳಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/lawyer-attack-on-police-cctv-footage