ಎರಡು ದಿನಗಳ ಹಿಂದೆ ಹಾವೇರಿ ಜಿಲ್ಲೆಯ ಹಾನಗಲ್ ತಾಲೂಕಿನ ಅಕ್ಕಿ ಆಲೂರು ಬಳಿಯ 4ನೇ ಕ್ರಾಸ್ ಹತ್ತಿರ ಮಗು ಬಿಟ್ಟು ತಾಯಿ ಪಾರಾರಿಯಾಗಿರುತ್ತಾಳೆ. ನಂತರ ಈ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ದೊಡ್ಡ ಸದ್ದು ಮಾಡುತ್ತದೆ. ಅನಾಥ ಮಗು ಸಿಕ್ಕಿದೆ, ಪಾಲಕರಿಗೆ ತಲುಪುವವರೆಗೂ ಶೇರ್ ಮಾಡಿ ಎಂಬ ಘೋಷಣೆ ಜೋರಾಗಿಯೆ ಹರಡಿರುತ್ತದೆ. ಆದರೆ, ಇದ್ದಕಿದ್ದಂತೆ ಬಿಟ್ಟು ಹೋದಮಗುವಿನ ತಾಯಿ ನನ್ನ ಮಗ ಎಲ್ಲಿ ಅಂತಾ ಹುಡುಕುತ್ತಾ ಬರುತ್ತಾಳೆ. ಕಂಡ ಕಂಡವರ ಕೈ ಕಾಲು ಹಿಡಿದು ಮಗು ಇರುವ ಸ್ಥಳ ಪತ್ತೆಹಚ್ಚಿದ್ದಾಳೆ. ಹಾವೇರಿಯ ಸ್ಪಂದನ ದತ್ತು ಸ್ವೀಕಾರ ಕೇಂದ್ರದ ಜಾಗಕ್ಕೆ ತಾಯಿ ರೇಖಾ ಮತ್ತು ಸಂಬಂಧಿಕರು ಆಗಮಿಸಿದ್ದಾರೆ. ಮಗುವನ್ನು ನೋಡಿದ ತಾಯಿ ರೇಖಾ, ಕಂದಾ ಧೃವ ಎಂದು ಅಪ್ಪಿಕೊಳ್ಳುತ್ತಾಳೆ.
