ಬೆಂಗಳೂರು: ಇಂಗ್ಲೆಂಡ್‌ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಬ್ಯಾಕ್ ಟು ಬ್ಯಾಕ್ ದ್ವಿಶತಕ ಬಾರಿಸುವ ಮೂಲಕ ಯುವ ಎಡಗೈ ಆರಂಭಿಕ ಬ್ಯಾಟರ್‌ ಯಶಸ್ವಿ ಜೈಸ್ವಾಲ್ ಕ್ರಿಕೆಟ್‌ ಲೋಕದಲ್ಲಿ ಮಿಂಚಿನ ಸಂಚಲನ ತಂದಿದ್ದಾರೆ.
ಇದನ್ನೂ ಓದಿ:ಬ್ಯಾಕ್ ಟು ಬ್ಯಾಕ್ ದ್ವಿಶತಕ; ಟೆಸ್ಟ್ ರ‍್ಯಾಂಕಿಂಗ್‌ನಲ್ಲಿ ಯಶಸ್ವಿ ಜೈಸ್ವಾಲ್ ಜಿಗಿತ
ಇಲ್ಲಿಯವರೆಗೆ 100 ಕ್ಕಿಂತ ಹೆಚ್ಚು ಸರಾಸರಿಯಲ್ಲಿ 500+ ರನ್ ಗಳಿಸಿದ್ದಾರೆ. ಈ 22ರ ಹರೆಯದ ಬ್ಯಾಟ್ಸ್‌ಮನ್ ಮುಂಬೈನಲ್ಲಿ 5 ಕೋಟಿಗೂ ಹೆಚ್ಚು ಮೌಲ್ಯದ ಐಷಾರಾಮಿ ಅಪಾರ್ಟ್ಮೆಂಟ್’ ಖರೀದಿಸಿದ್ದಾರೆ ಎಂದು ವರಿದಿಯಾಗಿದೆ. ಜೈಸ್ವಾಲ್ ಬಾಂದ್ರಾ ಪೂರ್ವದಲ್ಲಿರುವ ಟೆನ್ ಬಿಕೆಸಿ ಪ್ರಾಜೆಕ್ಟ್‌ನಲ್ಲಿ 1,100 ಚದರ ಅಡಿಗಳಷ್ಟು ಬೆಲೆಬಾಳುವ ಅಪಾರ್ಟ್ಮೆಂಟ್ ಸ್ಪ್ರೆಡ್‌ಗಾಗಿ ನೋಂದಣಿ ಮಾಡಿಸಿಕೊಂಡಿದ್ದಾರೆ ಎಂದು ಮನಿ ಕಂಟ್ರೋಲ್ ಹೇಳಿಕೊಂಡಿದೆ.
ಜೈಸ್ವಾಲ್ ಅವರು ಜನವರಿ 7, 2024 ರಂದು ನಿರ್ಮಾಣ ಹಂತದಲ್ಲಿರುವ ಫ್ಲಾಟ್‌ಗಾಗಿ ನೋಂದಾಯಿಸಿಕೊಂಡಿದ್ದರು. ಈ ಯೋಜನೆಯನ್ನು ಅದಾನಿ ರಿಯಾಲ್ಟಿ ಹೆಲ್ಮ್ ಮಾಡುತ್ತಿದೆ. ಅವರು ಕಳೆದ ವರ್ಷ ಥಾಣೆಯಲ್ಲಿ 5 ಬೆಡ್‌ರೂಮ್, 1500 ಚದರ ಅಡಿಯ ಐಷಾರಾಮಿ ಫ್ಲ್ಯಾಟ್‌ಗೆ ಸ್ಥಳಾಂತರಗೊಂಡಿದ್ದರು.
ಮುಂಬೈನ ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್‌ನಲ್ಲಿ ನೆಲೆಗೊಂಡಿರುವ ಟೆನ್ ಬಿಕೆಸಿ ಯೋಜನೆಯು ನಗರ ಐಷಾರಾಮಿ ಮತ್ತು ಆಧುನಿಕ ಮೂಲಸೌಕರ್ಯವನ್ನು ಹೊಂದಿದೆ.
ಈ 22ರ ಹರೆಯದ ಬ್ಯಾಟ್ಸ್‌ಮನ್ ಜೈಸ್ವಾಲ್ ಕಳೆದ ವರ್ಷವಷ್ಟೇ ಕುಟುಂಬ ಸಮೇತ ಮುಂಬೈನ ಐಷಾರಾಮಿ ಅಪಾರ್ಟ್ಮೆಂಟ್’ಗೆ ಸ್ಥಳಾಂತರಗೊಂಡಿದ್ದರು. ಯಶಸ್ವಿ ಜೈಸ್ವಾಲ್ ಸ್ಟಾರ್ ಆಗುವ ಕಥೆ ಕನಸಿಗಿಂತ ಕಡಿಮೆಯಿಲ್ಲ. ಟೆಂಟ್ ಹೌಸ್‌’ನಲ್ಲಿ ವಾಸಿಸುವುದರಿಂದ ಹಿಡಿದು ಟೀಮ್ ಇಂಡಿಯಾಗೆ ಪ್ರವೇಶಿಸುವವರೆಗೆ ಮತ್ತು ಮುಂಬೈನಲ್ಲಿ ಐಷಾರಾಮಿ ಐದು ಬಿಎಚ್ಕೆ ಅಪಾರ್ಟ್ಮೆಂಟ್ ಹೊಂದುವವರೆಗೆ, ಯಶಸ್ವಿ ಬಡಜನರ ಬದುಕಿಗೆ ಪ್ರೇರೇಪಣೆಯಾಗಿದ್ದಾರೆ.
ಜೈಸ್ವಾಲ್ ಸರಣಿಯ ಮೊದಲ ಮೂರು ಪಂದ್ಯಗಳಲ್ಲಿ ಒಟ್ಟಾರೆ 545 ರನ್ ಬಾರಿಸಿರುವ 22 ವರ್ಷದ ಎಡಗೈ ಬ್ಯಾಟರ್‌, ರಾಜ್‌ಕೋಟ್‌ನಲ್ಲಿ ನಡೆದ 3ನೇ ಪಂದ್ಯದ ಎರಡನೇ ಇನಿಂಗ್ಸ್‌ನಲ್ಲಿ ಅಜೇಯ 214 ರನ್ ಬಾರಿಸುವ ಮೂಲಕ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಕೌನ್ಸಿಲ್‌ನ ಟೆಸ್ಟ್ ಬ್ಯಾಟರ್ಸ್‌ ಶ್ರೇಯಾಂಕ ಪಟ್ಟಿಯಲ್ಲಿ ಜೀವನ ಶ್ರೇಷ್ಠ ಸಾಧನೆ ಮೆರೆದಿದ್ದಾರೆ.