ರಣಜಿಯಲ್ಲಿ ಟೀಮ್ ಇಂಡಿಯಾ ಸ್ಟಾರ್​ ಬ್ಯಾಟರ್​ಗಳ ಫ್ಲಾಪ್​ ಆಟ! ಒಂದಕಿ ಗಳಿಸಿ ಪೆವಿಲಿಯನ್​ಗೆ ಹಿಂತಿರುಗಿದ ರೋಹಿತ್​, ಯಶಸ್ವಿ, ಗಿಲ್ | Ranji Trophy

Ranji Trophy 2025: ಆತಿಥೇಯ ಆಸ್ಟ್ರೇಲಿಯಾ ವಿರುದ್ಧದ ಐದು ಪಂದ್ಯಗಳ ಬಾರ್ಡರ್​-ಗವಾಸ್ಕರ್ ಟ್ರೋಫಿ ಟೆಸ್ಟ್ ಸರಣಿಯಲ್ಲಿ 3-1 ಅಂತರದಲ್ಲಿ ಸೋಲುಂಡ ಟೀಮ್ ಇಂಡಿಯಾ, ಇದೀಗ ಇಂಗ್ಲೆಂಡ್​ ವಿರುದ್ಧದ ಟಿ20 ಸರಣಿಯಲ್ಲಿ ಭಾಗಿಯಾಗಿದೆ. ಇತ್ತ ಯುವ ಆಟಗಾರರು ಇಂಗ್ಲೆಂಡ್​ ನಡುವಿನ ಟಿ20 ಮ್ಯಾಚ್​ನಲ್ಲಿ ಭಾಗಿಯಾದರೆ, ಅತ್ತ ಕಳಪೆ ಫಾರ್ಮ್​ ಹೊಂದಿರುವ ಸ್ಟಾರ್​ ಬ್ಯಾಟರ್​ಗಳಾದ​ ರೋಹಿತ್ ಶರ್ಮ, ಶುಭಮನ್ ಗಿಲ್ ಮತ್ತು ಯಶಸ್ವಿ ಜೈಸ್ವಾಲ್​, ಪ್ರಸ್ತುತ ರಣಜಿ ಟ್ರೋಫಿಯಲ್ಲಿ ತಮ್ಮ ತಂಡಗಳ ಪರ ಕಣಕ್ಕಿಳಿದಿದ್ದಾರೆ.

ಇದನ್ನೂ ಓದಿ: ಚುನಾವಣಾ ಕೆಲಸದಲ್ಲಿ ಉತ್ತಮ ನಿರ್ವಹಣೆ: ಡಾ.ಕುಮಾರಗೆ ಅತ್ಯುತ್ತಮ ಚುನಾವಣಾಧಿಕಾರಿ ಪ್ರಶಸ್ತಿ

5 ರನ್

ಕೆಲವು ವರ್ಷಗಳ ನಂತರ ರಣಜಿಗೆ ಮರಳಿರುವ ಟೀಮ್ ಇಂಡಿಯಾ ಸ್ಟಾರ್ ಆಟಗಾರರಾದ ಗಿಲ್, ರೋಹಿತ್ ಮತ್ತು ಯಶಸ್ವಿ, ಇಲ್ಲಿಯೂ ತಮ್ಮ ಕಳಪೆ ಪ್ರದರ್ಶನವನ್ನು ಮುಂದುವರಿಸಿದ್ದಾರೆ. ಇತ್ತೀಚಿನ ಪ್ರದರ್ಶನಗಳನ್ನು ಪರಿಗಣಿಸಿ, ಬಿಗ್ ಫ್ಲಾಪ್​ ಆಟಗಾರರ ಪಟ್ಟಿಗೆ ಸೇರಿರುವ ಬ್ಯಾಟರ್​ಗಳು ಈಗ ರಣಜಿ ಟ್ರೋಫಿಯಲ್ಲಿಯೂ ಅಬ್ಬರಿಸದೆ ಇರುವುದು ಸದ್ಯ ಕ್ರಿಕೆಟ್ ಪ್ರಿಯರ ಬೇಸರಕ್ಕೆ ಕಾರಣವಾಗಿದೆ. 19 ಎಸೆತಗಳಲ್ಲಿ ರೋಹಿತ್, ಕೇವಲ 3 ರನ್ ಗಳಿಸಿ ಪೆವಿಲಿಯನ್​ನತ್ತ ಮುಖ ಮಾಡಿದರೆ, ಜೈಸ್ವಾಲ್ 8 ಎಸೆತಗಳನ್ನು ಎದುರಿಸಿ 5 ರನ್ ಗಳಸಿದರು. ಇನ್ನು ಪ್ರೀಮಿಯರ್ ದೇಶೀಯ ಟೂರ್ನಿಯ ಆರನೇ ಸುತ್ತಿನಲ್ಲಿ ಗಿಲ್ 8 ಎಸೆತಗಳಲ್ಲಿ ಕೇವಲ 4 ರನ್ ಗಳಿಸಲಷ್ಟೇ ಶಕ್ತರಾದರು.

ಬ್ಯಾಟ್​ ಬೀಸಲು ಪರದಾಟ

10 ವರ್ಷಗಳ ನಂತರ ತಮ್ಮ ಮೊದಲ ರಣಜಿ ಟ್ರೋಫಿಯಲ್ಲಿ ಭಾಗಿಯಾದ ರೋಹಿತ್ ಶರ್ಮ, ಮುಂಬೈ ಮತ್ತು ಜಮ್ಮು-ಕಾಶ್ಮೀರ ನಡುವಿನ ಪಂದ್ಯದಲ್ಲಿ ಫಾಸ್ಟ್​ ಬೌಲರ್​ಗಳನ್ನು ಎದುರಿಸಲು ವಿಫಲರಾದರು. ಮುಂಬೈ ಪರ ಮೈದಾನಕ್ಕಿಳಿದ ರೋಹಿತ್, ಔಕಿಬ್​ ನಬಿ ಮತ್ತು ಉಮರ್​ ನಜೀರ್​ ಬೌಲಿಂಗ್ ದಾಳಿಯಲ್ಲಿ ಬ್ಯಾಟ್​ ಬೀಸಲು ಪರದಾಡಿದರು. ನಜೀರ್​ ಬೌಲಿಂಗ್​ನಲ್ಲಿ ಸುಲಭ ಕ್ಯಾಚ್​ ಕೊಟ್ಟ ರೋಹಿತ್​, ಪೆವಿಲಿಯನ್​ ಹಾದಿ ಹಿಡಿದರು. ಇನ್ನು ನಬಿ ಬೌಲಿಂಗ್ ದಾಳಿಗೆ ಸಿಲುಕಿದ ಜೈಸ್ವಾಲ್​, ಹೆಚ್ಚು ಕಾಲ ಕ್ರೀಸ್​ನಲ್ಲಿ ನಿಲ್ಲದೆ, ತಮ್ಮ ವಿಕೆಟ್​ ಒಪ್ಪಿಸಿ, ಡ್ರೆಸ್ಸಿಂಗ್​ ರೂಮ್​ನತ್ತ ತೆರಳಿದರು.

ಕರ್ನಾಟಕದ ಮತ್ತು ಪಂಜಾಬ್ ನಡುವಿನ ಪಂದ್ಯದಲ್ಲಿ ಪಂಜಾಬ್​ ಪರ ಆಡುತ್ತಿರುವ ಶುಭಮನ್​ ಗಿಲ್, ಎರಡೂವರೆ ವರ್ಷಗಳಿಗೂ ಹೆಚ್ಚು ಸಮಯದ ಬಳಿಕ ತಮ್ಮ ಮೊದಲ ರಣಜಿ ಟ್ರೋಫಿ ಪಂದ್ಯದಲ್ಲಿ ಆಡಿದ್ದೇ ಆದರೂ ಉತ್ತಮ ಪ್ರದರ್ಶನ ನೀಡುವಲ್ಲಿ ವಿಫಲರಾಗಿರುವುದು ಅವರ ಅಭಿಮಾನಿಗಳಲ್ಲಿ ಬೇಸರ ತಂದಿದೆ,(ಏಜೆನ್ಸೀಸ್).

https://www.vijayavani.net/greeshma-conducted-research-to-kill-boyfriend