ಕನ್ನಡದ 'ಕೆಜಿಎಫ್' ಸಿನಿಮಾ ಹಾಡಿಗೆ ಮಸ್ತ್ ಹೆಜ್ಜೆ ಹಾಕಿದ ಕಿಲಿ ಪೌಲ್! ವಿಡಿಯೋ ವೈರಲ್...

ಕನ್ನಡದ ನಟ ಯಶ್ ಈಗ ಪ್ಯಾನ್ ಇಂಡಿಯಾ ಸ್ಟಾರ್ ಎಂಬುದು ಎಲ್ಲರಿಗೂ ಗೊತ್ತೆ ಇದೆ. ಆದರೆ, ಈಗ ನಟ ಯಶ್ ಅವರ ಹವಾ ನಮ್ಮ ದೇಶದಲ್ಲಿ ಮಾತ್ರವಲ್ಲದೇ, ಆಫ್ರಿಕಾದಲ್ಲೂ ಸಿಕ್ಕಾಪಟ್ಟೆ ಹೆಚ್ಚಾಗಲಿದೆ! ಇದಕ್ಕೆ, ಕಾರಣ ಏನು ಅಂತೀರಾ? ಯಶ್​ ನಟನೆಯ ‘ಕೆಜಿಎಫ್​: ಚಾಪ್ಟರ್​ 1’ ಸಿನಿಮಾದ ಹಾಡಿಗೆ ಅಲ್ಲಿನ ಜನಪ್ರಿಯ ಕಂಟೆಂಟ್​ ಕ್ರಿಯೇಟರ್​ ಕಿಲಿ ಪೌಲ್​ ಅವರು ಹೆಜ್ಜೆ ಹಾಕಿದ್ದಾರೆ. ಹೀಗಾಗಿ, ಆಫ್ರಿಕಾ ಖಂಡದಲ್ಲೂ ನಮ್ಮ ಕನ್ನಡ ನಟನ ಸಿನಿಮಾದ ಹಾಡು ಸಿಕ್ಕಾಪಟ್ಟೆ ಸೌಂಡು ಮಾಡುತ್ತಿದೆ. ಕಿಲಿ ಪೌಲ್​ ಅವರು ಕನ್ನಡದ ಹಾಡಿಗೆ ಹೆಜ್ಜೆ ಹಾಕಿರುವ ವಿಡಿಯೋ ಈಗ ಸಖತ್ ವೈರಲ್​ ಆಗುತ್ತಿದೆ. ಅಂದಹಾಗೆ, ನಮ್ಮ ದೇಶದಲ್ಲಿರುವ ಅನೇಕರು ಕಿಲಿ ಪೌಲ್ ಅವರ ವಿಡಿಯೋಗಳಿಗೆ ಫಿದಾ ಆಗಿದ್ದು, ಇನ್​ಸ್ಟಾಗ್ರಾಂನಲ್ಲಿ ಅವರ ಅನುಯಾಯಿಗಳು ಆಗಿದ್ದಾರೆ.

ಅಂದಹಾಗೆ, ‘ಕೆಜಿಎಫ್​: ಚಾಪ್ಟರ್​ 1’ ಸಿನಿಮಾದ ಹಿಂದಿ ಅವತರಣಿಕೆಯ ‘ಗಲಿ ಗಲಿ ಮೇ’ ಐಟಂ ಹಾಡಿನಲ್ಲಿ ‘ರಾಕಿಂಗ್​ ಸ್ಟಾರ್​’ ಯಶ್​ ಹಾಗೂ ಮೌನಿ ರಾಯ್​ ಅವರು ಜೊತೆಯಾಗಿ ಹೆಜ್ಜೆ ಹಾಕಿದ್ದು, ಈಗ ಆ ಹಾಡಿಗೆ ಕಿಲಿ ಪೌಲ್​ ಡ್ಯಾನ್ಸ್​ ಮಾಡಿದ್ದಾರೆ. 1.3 ಮಿಲಿಯನ್ ಅಧಿಕ ಮಂದಿ ಅನುಯಾಯಗಳನ್ನು ಹೊಂದಿರುವ ಕಿಲಿ ಪೌಲ್ ಅವರ ಈ ವಿಡಿಯೋಗೆ ಬರೋಬ್ಬರಿ 1.3 ಲಕ್ಷಕ್ಕೂ ಹಚ್ಚು ಲೈಕ್ಸ್ ಇದ್ದು, 2000ಕ್ಕೂ ಹೆಚ್ಚು ಕಾಮೆಂಟ್​ಗಳು ಇವೆ. ಜತೆಗೆ, ಕೆಲವೇ ದಿನಗಳ ಹಿಂದೆ ತೆಲುಗು ಸಿನಿಮಾ ‘ಪುಷ್ಪ’ದ ‘ಊ ಅಂಟಾವಾ ಮಾವ.. ಊಊ ಅಂಟಾವಾ ಮಾವ’ ಹಾಡಿಗೆ ಕೂಡ ಹೆಜ್ಜೆ ಹಾಕುವ ಮೂಲಕ ಕಿಲಿ ಪೌಲ್ ಸೆನ್ಸೇಷನ್​ ಕ್ರಿಯೇಟ್​ ಮಾಡಿದ್ದು, ನಮ್ಮ ಭಾರತೀಯರ ಗಮನ ಸೆಳೆಯುತ್ತಿದ್ದಾರೆ. 

https://www.vijayavani.net/samantha-old-tweet-on-divorce-goes-viral-now/

https://www.vijayavani.net/samantha-is-in-switzerland-currently-and-enjoying-skiing-activity-with-her-ski-instructor/