ಸೆ.09ರಿಂದ ಏಷ್ಯಾಕಪ್ ಆರಂಭ; T20​ Asia Cup ಇತಿಹಾಸದಲ್ಲಿ ಅತ್ಯಧಿಕ ರನ್ ಗಳಿಸಿದ ಬ್ಯಾಟ್ಸ್​ಮನ್​ಗಳಿವರು

T20 Asia Cup: ನಾಳೆಯಿಂದ ದುಬೈನಲ್ಲಿ ಆರಂಭಗೊಳ್ಳಲಿರುವ ಏಷ್ಯಾಕಪ್ ಟಿ20 ಟೂರ್ನಿಗೆ ಭಾರತ ಸೇರಿ ಒಟ್ಟು 8 ತಂಡಗಳು ಭರ್ಜರಿ ಪೈಪೋಟಿಗೆ ಸಜ್ಜಾಗಿವೆ. ಮುಂದಿನ ವರ್ಷ ಟಿ20 ವಿಶ್ವಕಪ್ ನಡೆಯಲಿರುವ ಹಿನ್ನೆಲೆ ಈ ಬಾರಿಯ ಏಷ್ಯಾ ಕಪ್ ಅನ್ನು ಟಿ20 ಸ್ವರೂಪದಲ್ಲಿ ನಡೆಸಲಾಗುತ್ತಿದೆ. ಏಕದಿನ ಬಿಟ್ಟು ಟಿ20 ಫಾರ್ಮೆಟ್​ನಡಿ ನಡೆಸುತ್ತಿರುವುದು ಇದು ಮೂರನೇ ಬಾರಿಗೆ. ಇಲ್ಲಿಯವರೆಗೆ, ಟಿ20 ಸ್ವರೂಪದಲ್ಲಿ ಎರಡು ಬಾರಿ ಮಾತ್ರ ಆಯೋಜಿಸಲಾಗಿತ್ತು.

ಇದನ್ನೂ ಓದಿ: Stock Market: ಸೆನ್ಸೆಕ್ಸ್ 76 ಪಾಯಿಂಟ್ಸ್​​ ಏರಿಕೆ: ಲಾಭ, ನಷ್ಟ ಗಳಿಸಿದ ಸ್ಟಾಕ್​ಗಳು ಯಾವ್ಯಾವು?

ಇನ್ನು ಸೂರ್ಯಕುಮಾರ್ ಯಾದವ್ ನಾಯಕತ್ವದಲ್ಲಿ ಅಖಾಡಕ್ಕಿಳಿಯುತ್ತಿರುವ ಟೀಮ್ ಇಂಡಿಯಾವನ್ನು ಹುರಿದುಂಬಿಸಲು ಕ್ರಿಕೆಟ್ ಪ್ರೇಮಿಗಳು ಎದುರುನೋಡುತ್ತಿದ್ದಾರೆ. ಟಿ20 ಏಷ್ಯಾಕಪ್​ ಟೂರ್ನಿ ಎಂದಾಗ ಈ ಫಾರ್ಮೆಟ್​ನಡಿ ಯಾವ ಬ್ಯಾಟರ್​ಗಳು ಸ್ಫೋಟಕ ಇನ್ನಿಂಗ್ಸ್ ನೀಡಿದ್ದಾರೆ? ತಮ್ಮ ತಂಡದ ಪರ ಅತ್ಯಧಿಕ ರನ್​ ಕಲೆಹಾಕಿದ್ದಾರೆ? ಎಂಬುದರ ವಿವರ ಹೀಗಿದೆ.

1. ವಿರಾಟ್ ಕೊಹ್ಲಿ (ಭಾರತ)

ಟಿ20 ಏಷ್ಯಾಕಪ್ ಇತಿಹಾಸದಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಭಾರತದ ಮಾಜಿ ಕ್ಯಾಪ್ಟನ್​, ದಾಖಲೆಗಳ ಸರದಾರ ವಿರಾಟ್ ಕೊಹ್ಲಿ. ಆಡಿರುವ 9 ಇನ್ನಿಂಗ್ಸ್‌ಗಳಲ್ಲಿ 85.80 ಸರಾಸರಿಯಲ್ಲಿ 429 ರನ್ ಗಳಿಸಿದ್ದಾರೆ. 2022ರ ಏಷ್ಯಾ ಕಪ್‌ನಲ್ಲಿ ಅಫ್ಘಾನಿಸ್ತಾನ ವಿರುದ್ಧ ಅಜೇಯ 122 ರನ್ ಬಾರಿಸಿದ್ದು, ಕೊಹ್ಲಿಯ ಅತ್ಯಧಿಕ ಸ್ಕೋರ್.

2. ಮೊಹಮ್ಮದ್ ರಿಜ್ವಾನ್ (ಪಾಕಿಸ್ತಾನ)

ಪಾಕಿಸ್ತಾನದ ಮೊಹಮ್ಮದ್ ಈ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ. 2022 ರ ಏಷ್ಯಾ ಕಪ್‌ನಲ್ಲಿ 6 ಇನ್ನಿಂಗ್ಸ್‌ಗಳಲ್ಲಿ 56.20 ರ ಸರಾಸರಿಯಲ್ಲಿ 281 ರನ್ ಗಳಿಸಿದ್ದರು. ಆದಾಗ್ಯೂ.. ಅವರು ಫಾರ್ಮ್‌ನಲ್ಲಿ ಕಷ್ಟಪಡುತ್ತಿದ್ದರು ಮತ್ತು ಈ ಬಾರಿ ಏಷ್ಯಾ ಕಪ್‌ನಲ್ಲಿ ಸ್ಥಾನ ಪಡೆಯಲು ಸಾಧ್ಯವಾಗಲಿಲ್ಲ.

3. ರೋಹಿತ್ ಶರ್ಮ (ಭಾರತ)

ಪ್ರಸ್ತುತ, ಟೀಮ್ ಇಂಡಿಯಾ ಏಕದಿನ ತಂಡದ ನಾಯಕ ರೋಹಿತ್ ಶರ್ಮ, ಈ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದ್ದಾರೆ. ರೋಹಿತ್ 2016 ಮತ್ತು 2022ರ ಆವೃತ್ತಿಗಳಲ್ಲಿ ಆಡಿದ್ದು, 9 ಇನ್ನಿಂಗ್ಸ್‌ಗಳಲ್ಲಿ 30.11ರ ಸರಾಸರಿಯಲ್ಲಿ ಒಟ್ಟು 271 ರನ್ ಗಳಿಸಿದ್ದಾರೆ. ಕೊಹ್ಲಿಯಂತೆ ಟಿ20ಗೆ ವಿದಾಯ ಹೇಳಿರುವ ರೋಹಿತ್​, ಈ ಬಾರಿಯ ಏಷ್ಯಾ ಕಪ್‌ನಲ್ಲಿ ಆಡುತ್ತಿಲ್ಲ.

4. ಇಬ್ರಾಹಿಂ ಝದ್ರಾನ್

ಅಫ್ಘಾನಿಸ್ತಾನದ ಸ್ಟಾರ್ ಆರಂಭಿಕ ಬ್ಯಾಟರ್​ ಇಬ್ರಾಹಿಂ ಝದ್ರಾನ್, ಈ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದ್ದಾರೆ. 2022ರ ಏಷ್ಯಾಕಪ್‌ನಲ್ಲಿ ರನ್‌ಗಳ ಸುರಿಮಳೆಯನ್ನೇ ಹರಿಸಿದ ಅವರು, 5 ಇನ್ನಿಂಗ್ಸ್‌ಗಳಲ್ಲಿ 65.33 ಸರಾಸರಿಯಲ್ಲಿ 196 ರನ್ ಗಳಿಸಿದ್ದಾರೆ.

5. ಭಾನುಕ ರಾಜಪಕ್ಸೆ

2022ರಲ್ಲಿ ಶ್ರೀಲಂಕಾದ ಏಷ್ಯಾಕಪ್ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ ಭಾನುಕ ರಾಜಪಕ್ಸೆ, ಆಡಿದ 6 ಇನ್ನಿಂಗ್ಸ್‌ಗಳಲ್ಲಿ 47.75ರ ಸರಾಸರಿಯಲ್ಲಿ 191 ರನ್ ಗಳಿಸಿದ್ದಾರೆ. ಈ ಮೂಲಕ ಪಟ್ಟಿಯಲ್ಲಿ ಐದನೇ ಸ್ಥಾನದಲ್ಲಿದ್ದಾರೆ. ಫೈನಲ್‌ನಲ್ಲಿ 71 ರನ್‌ಗಳೊಂದಿಗೆ ಅವರು ಅಜೇಯರಾಗಿ ಉಳಿದರು,(ಏಜೆನ್ಸೀಸ್).

https://www.vijayavani.net/nepalese-citizens-protest-not-only-over-ban-here-is-a-report