ಗುರುವಾರ (ಸೆ.04) ನೇಪಾಳ ಸರ್ಕಾರವು, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಮ್ ಸೇರಿದಂತೆ ಹಲವು ಸಾಮಾಜಿಕ ಜಾಲತಾಣಗಳನ್ನು ಸಂವಹನ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯದಲ್ಲಿ ನೋಂದಾಯಿಸದ ಕಾರಣ ಬ್ಯಾನ್ ಮಾಡಲು ಆದೇಶ ಹೊರಡಿಸಿತು. ಆಗಸ್ಟ್ 28ರೊಳಗೆ ನೋಂದಾಯಿಸಿಕೊಳ್ಳಲು ಜಾಲತಾಣಗಳ ದೈತ್ಯರಿಗೆ ಒಂದು ವಾರದ ಕಾಲಾವಕಾಶ ನೀಡಲಾಗಿದೆ ಎಂದು ಸರ್ಕಾರ ಸೂಚನೆಯಲ್ಲಿ ತಿಳಿಸಲಾಗಿತ್ತು. ಆದರೆ, ಈ ಬಗ್ಗೆ ಮೆಟಾ (ಫೇಸ್ಬುಕ್, ಇನ್ಸ್ಟಾಗ್ರಾಮ್, ವಾಟ್ಸಾಪ್), ಆಲ್ಫಾಬೆಟ್ (ಯೂಟ್ಯೂಬ್), ಎಕ್ಸ್ (ಹಿಂದೆ ಟ್ವಿಟರ್), ರೆಡ್ಡಿಟ್ ಮತ್ತು ಲಿಂಕ್ಡ್ಇನ್ ಸಂಸ್ಥೆಗಳು ಕೊಟ್ಟ ಗಡುವಿನೊಳಗೆ ಅರ್ಜಿಗಳನ್ನು ಸಲ್ಲಿಸಲಿಲ್ಲ. ಇದೇ ನಿಷೇಧಕ್ಕೆ ಕಾರಣವಾಯಿತು.
