VIDEOS | ಕಣ್ಣಾಲಿ ಒದ್ದೆಯಾಗುತ್ತದೆ.. ಸುಶಾಂತ್​ ಸಿಂಗ್​ ಸಾಕು ನಾಯಿ ಸ್ಥಿತಿ ನೋಡಿದರೆ!

ಸುಶಾಂತ್ ಸಿಂಗ್​ ರಜಪೂತ್​ ಸಾವಿನ ಬೆನ್ನಲ್ಲೆ ಬಾಲಿವುಡ್​ ಘಟಾನುಘಟಿಗಳಲ್ಲಿ ಒಂದಷ್ಟು ನಡುಕ ಉಂಟಾಗಿದೆ. ತನಿಖೆ ಎದುರಿಸುತ್ತಿದ್ದಾರೆ. ಇದೆಲ್ಲದರ ನಡುವೆ, ಸುಶಾಂತ್ ಅವರ ಹಳೇ ಪೋಸ್ಟ್​ಗಳು, ವಿಡಿಯೋಗಳು ಎಲ್ಲೆಡೆ ವೈರಲ್​ ಆಗುತ್ತಿವೆ. ಅದರಲ್ಲಿ ಈಗಾಗಲೇ ತಾಯಿಯನ್ನು ನೆನೆದು ಕೊನೆಯ ಇನ್​ಸ್ಟಾಗ್ರಾನಲ್ಲಿ ಹಾಕಿದ್ದ ಪತ್ರ ಕಂಬನಿ ತರಿಸಿತ್ತು. ನಾಲ್ಕು ವರ್ಷದ ಹಿಂದಿನ ಪತ್ರವೊಂದು ತಾಯಿ ಬಗೆಗಿನ ಸುಶಾಂತ್​ ಪ್ರೀತಿ ಎಂಥದ್ದು ಎಂದು ನೆನಪು ಮಾಡಿತ್ತು. ಇದೀಗ ಸುಶಾಂತ್​ ಇಲ್ಲದೆ ಸಾಕುನಾಯಿ ಸ್ಥಿತಿ ಕಲ್ಲುಮನಸ್ಸಿನವರನ್ನೂ ಕರಗಿಸದೇ ಇರದು.

ಇದನ್ನೂ ಓದಿ: ಸುಶಾಂತ್​ ವಿಚಾರದಲ್ಲಿ ಕೊನೆಗೂ ಮೌನ ಮುರಿದ ಸಲ್ಮಾನ್​ ಖಾನ್!; ನೆಟ್ಟಿಗರಿಂದ ಮತ್ತೆ ತರಾಟೆ

ಹೌದು, ಶ್ವಾನದ ಜತೆಗೆ ಅವಿನಾಭಾವ ನಂಟು ಹೊಂದಿದ್ದ ಸುಶಾಂತ್​, ತಮ್ಮ ಸಿನಿಮಾದ ಶೂಟಿಂಗ್​ ಎಲ್ಲೇ ನಡೆದರೂ, ಜತೆಯಲ್ಲಿಯೇ ಕರೆದೊಯ್ಯುತ್ತಿದ್ದರು. ಸೆಟ್​ನಲ್ಲಿಯೇ ನಾಯಿ ಜತೆಗೆ ಸಾಕಷ್ಟು ವಿಡಿಯೋಗಳನ್ನು ಮಾಡಿ ಹಂಚಿಕೊಂಡಿದ್ದರು. ಸದ್ಯ ಆ ಎಲ್ಲ ವಿಡಿಯೋಗಳು ನೆಟ್ಟಿಗರ ಕಣ್ಣಾಲಿಗಳನ್ನು ತೇವ ಮಾಡುತ್ತಿದ್ದು, ಶೇರ್ ಮಾಡಿಕೊಳ್ಳುತ್ತಿದ್ದಾರೆ. ಅಷ್ಟೇ ಅಲ್ಲ ಸುಶಾಂತ್​ ಅವರ ಫೋಟೋವನ್ನೇ ದಿಟ್ಟಿಸುತ್ತ ಮೌನಕ್ಕೆ ಜಾರಿದೆ. ಅಂಥ ಒಂದಷ್ಟು ವಿಡಿಯೋಗಳು ಇಲ್ಲಿವೆ. (ಏಜೆನ್ಸೀಸ್​)