ಈ ವಿಚಾರಣೆ ವೇಳೆಯಲ್ಲಿ ತಿಳಿದು ಬಂದ ಮಹತ್ವದ ಅಂಶ ಎಂದರೆ, ಲಾಕ್ಡೌನ್ ಸಂದರ್ಭದಲ್ಲಿ ಸುಶಾಂತ್ ಮತ್ತು ರಿಯಾ ಲಿವ್-ಇನ್ ಸಂಬಂಧದಲ್ಲಿ ಇದ್ದಿದ್ದು. ಈ ವಿಷಯವನ್ನು ಒಪ್ಪಿಕೊಂಡಿರುವ ರಿಯಾ, ಸದ್ಯದಲ್ಲೇ ಒಂದು ಮನೆಯನ್ನು ಖರೀದಿಸಬೇಕು ಎಂದು ಇಬ್ಬರೂ ಯೋಚಿಸಿದ್ದರಂತೆ. ಅಷ್ಟೇ ಅಲ್ಲ, ಈ ವರ್ಷದ ಕೊನೆಗೆ ಮದುವೆಯಾಗಬೇಕು ಎಂದು ನಿರ್ಧರಿಸಿದ್ದರಂತೆ. ಆದರೆ, ಇತ್ತೀಚೆಗೆ ಕಾರಣಾಂತರಗಳಿಂದ ರಿಯಾ, ಸುಶಾಂತ್ ಮನೆ ಮತ್ತು ಬದುಕಿನಿಂದ ಹೊರನಡೆದಿದ್ದರಂತೆ. ಅದಾಗಿ ಕೆಲವೇ ದಿನಗಳಲ್ಲಿ ಸುಶಾಂತ್ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ದುರಂತವೆಂದರೆ, ಕಳೆದ ಶನಿವಾರ ರಾತ್ರಿ ಸಹ ಸುಶಾಂತ್, ರಿಯಾಗೆ ಕರೆ ಮಾಡಿದ್ದಾರೆ. ಆದರೆ, ರಿಯಾ ಫೋನ್ ಎತ್ತಿಲ್ಲ.
