Suprime Court : 'ಇದು ಕಾಫಿ ಶಾಪ್ ಅಲ್ಲ, ನ್ಯಾಯಾಲಯ'.. ವಕೀಲರಿಗೆ ಸಿಜೆಐ ಹೀಗೆನ್ನಲು ಕಾರಣವಿದೆ ನೋಡಿ

ನವದೆಹಲಿ: ನ್ಯಾಯಾಲಯದಲ್ಲಿ ವಕೀಲರೊಬ್ಬರ ನಡೆ ಮತ್ತು ಬಳಸಿದ ಪದಬಳಕೆಗೆ ಸುಪ್ರೀಂ ಕೋರ್ಟ್(Suprime Court) ಮುಖ್ಯ ನ್ಯಾಯಮೂರ್ತಿ ಡಿ.ವೈ. ಚಂದ್ರಚೂಡ ಅವರು ಛೀಮಾರಿ ಹಾಕಿದ್ದಾರೆ.

ಇದನ್ನೂ ಓದಿ: ಪಾಕ್​ಗೆ ಝಾಕಿರ್ ನಾಯ್ಕ್.. ದ್ವೇಷ ಭಾಷಣಕಾರ ಬಂದಿದ್ದೇಕೆ? ಅಜೆಂಡಾ ಏನು? ಇಲ್ಲಿದೆ ಮಾಹಿತಿ..| Zakir Naik

ಪ್ರಕರಣವೊಂದರ ವಾದದ ನಂತರ ವಕೀಲರು ಅನೌಪಚಾರಿಕವಾಗಿ 'ಹೌದು' ಎಂದು ಬಳಸಿದರು, ಇದು ಸಿಜೆಐ ಅವರನ್ನು ಕೆರಳಿಸಿತು. ನಾನು ಕೋರ್ಟಿನಲ್ಲಿದ್ದೇನೆಯೇ ಹೊರತು ಕಾಫಿ ಕೆಫೆಯಲ್ಲಿ ಅಲ್ಲ ಎಂದು ವಕೀಲರಿಗೆ ಎಚ್ಚರಿಸಿದರು.(Suprime Court)

ಮಾಜಿ ಸಿಜೆಐ ರಂಜನ್ ಗೊಗೊಯ್ ವಿರುದ್ಧ ಅರ್ಜಿ ಸಲ್ಲಿಸಲಾಗಿತ್ತು. ಕಾನೂನಿನ ಪ್ರಕಾರ, ತನಗೆ ಪರಿಹಾರ ನೀಡದ ನ್ಯಾಯಾಧೀಶರ ವಿರುದ್ಧ ಆಂತರಿಕ ತನಿಖೆ ನಡೆಸಬೇಕು ಎಂಬ ದಾವೆದಾರರ ಬೇಡಿಕೆಗೆ ವಕೀಲರು ವಾದ ಮಂಡಿಸುತ್ತಿದ್ದರು. ಆಗ ಸಿಜೆಐ ಡಿ.ವೈ.ಚಂದ್ರಚೂಡ ಆಕ್ಷೇಪ ವ್ಯಕ್ತಪಡಿಸಿದರು.

ವಾದ ಮಂಡಿಸುವಾಗ ವಕೀಲರು ಹೌದು, ಹೌದು, ಕ್ಯುರೇಟಿವ್ ಸಲ್ಲಿಸುವಂತೆ ಅಂದಿನ ಸಿಜೆಐ ರಂಜನ್ ಗೊಗೊಯ್ ಹೇಳಿದರು. ಆಗ ಮುಖ್ಯ ನ್ಯಾಯಮೂರ್ತಿಗಳು ವಕೀಲರನ್ನು ತಡೆದು, ಇದು ಕಾಫಿ ಶಾಪ್ ಅಲ್ಲ, ಇಲ್ಲಿ 'ಹೌದು' ಎಂದು ಬಳಸಬೇಡಿ ಎಂದು ತರಾಟೆಗೆ ತೆಗೆದುಕೊಂಡರು.

ಮರಾಠಿಯಲ್ಲೇ ಉತ್ತರ: Suprime Court

ಆಗ ವಕೀಲರು, ಮರಾಠಿಯಲ್ಲಿ ಮಾತನಾಡುತ್ತಾ, ನ್ಯಾಯಮೂರ್ತಿ ಗೊಗೊಯ್ ಅರ್ಜಿಯನ್ನು ತಪ್ಪಾಗಿ ಗ್ರಹಿಸಿ ವಜಾಗೊಳಿಸಿದ್ದಾರೆ ಮತ್ತು ತೀರ್ಪಿನಲ್ಲಿ "ಕಾನೂನಿನ ಗಂಭೀರ ದೋಷಗಳು" ಇವೆ ಎಂದು ಹೇಳಿದರು.

ಮುಖ್ಯ ನ್ಯಾಯಮೂರ್ತಿಗಳೂ ಮರಾಠಿಯಲ್ಲಿ ಉತ್ತರಿಸಿ, ಸರಿಯೋ ತಪ್ಪೋ ಸುಪ್ರೀಂ ಕೋರ್ಟ್‌(Suprime Court)ನ ಅಂತಿಮ ತೀರ್ಪು ಬಂದಿದೆ. ನಿಮ್ಮ ಮರುಪರಿಶೀಲನಾ ಅರ್ಜಿಯನ್ನು ತಿರಸ್ಕರಿಸಲಾಗಿದೆ. ಈಗ ನೀವು ಕ್ಯುರೇಟಿವ್ ಅನ್ನು ಸಲ್ಲಿಸಬೇಕು ಎಂದು ಹೇಳಿದರು.

https://www.vijayavani.net/the-mahalaya-amavasya-shadow-on-solar-eclipse