ಸೂಪರ್​ ಸಂಡೆ WITH ಸುದೀಪದಲ್ಲಿ ಬಯಲಾಯ್ತು ಪ್ರತಾಪನ ಹೊಸ ಪ್ರತಾಪ

ಬೆಂಗಳೂರು: ಬಿಗ್​ಬಾಸ್​​ ಮನೆಯ ಆಟ ರಂಗೆರಿದೆ. ಮೊದಲ ವಾರದ ಜಗಳ, ನಗು, ಆಟ, ಮನೆ ರೂಲ್ಸ್​​ ಇಟ್ಟುಕೊಂಡು ಮಾತನಾಡಿದ್ದರು ಕಿಚ್ಚ ಸುದೀಪ್​​. ಒಂಟಿಮನೆಯಲ್ಲಿ ಸ್ಪರ್ಧಿಗಳ ಪೈಕಿ ಮೊದಲ ವಾರದಲ್ಲೇ ಅತಿ ಹೆಚ್ಚು ಚರ್ಚೆಗೆ ಒಳಗಾದ ವ್ಯಕ್ತಿ ಎಂದರೆ ಅದು ಡ್ರೋನ್​ ಪ್ರತಾಪ್​. ನಿನ್ನೆ ಕಣ್ಣಿರಿಟ್ಟಿದ್ದ ಪ್ರತಾಪ್, ಸೂಪರ್​ ಸಂಡೆ WITH ಸುದೀಪದಲ್ಲಿ ​ ಇಂದು ಕುಣಿಸು ಕುಪ್ಪಳಿಸಿದ್ದಾರೆ.

ಮನೆಯಲ್ಲಿರುವ ಕೆಲವು ಸ್ಪರ್ಧಿಗಳು ಕಾರಣಗಳಿಂದಾಗಿ ಅವರನ್ನು ಟಾರ್ಗೆಟ್​ ಮಾಡಲಾಗಿತ್ತು. ಆ ನೋವಿನಿಂದಾಗಿ ಪ್ರತಾಪ್​ ಕಣ್ಣೀರು ಹಾಕಿದ್ದರು. ಆದರೆ ಶನಿವಾರದ ಎಪಿಸೋಡ್​ನಲ್ಲಿ ಪ್ರತಾಪ್​ ಅವರಿಗೆ ಕಿಚ್ಚ ಸುದೀಪ್​ ಕಡೆಯಿಂದ ಬೆಂಬಲ ಸಿಕ್ಕಿತು.

ಸುದೀಪ್​ ತುಂಬಿದ ಧೈರ್ಯದಿಂದ ಪ್ರತಾಪ್​ ಸಂಪೂರ್ಣ ಬದಲಾಗಿದ್ದಾರೆ. ಅವರ ಝಲಕ್ ತೋರಿಸಲು ಹೊಸ ಪ್ರೋಮೋ ಬಿಡುಗಡೆ ಮಾಡಲಾಗಿದೆ. ಇಂದು ಮೊದಲ ವಾರದ ಎಲಿಮಿನೇಷನ್​ ನಡೆಯಲಿದೆ.

ಪ್ರತಾಪ್​ ಅವರು ಎಲ್ಲರೊಂದಿಗೆ ಬೆರೆಯಬೇಕು ಎಂಬುದು ಬಹುತೇಕರ ಅಭಿಪ್ರಾಯ ಆಗಿತ್ತು. ಆದರೆ ಈಗ ಎಲ್ಲವೂ ಬದಲಾಗಿದೆ. ಪ್ರತಾಪ್​ ಅವರು ತನಿಶಾ, ಸಂಗೀತಾ ಶೃಂಗೇರಿ ಜತೆ ಸೇರಿ ರ‍್ಯಾಂಪ್​ ವಾಕ್​ ಮಾಡಿದ್ದಾರೆ. ಅಷ್ಟೇ ಅಲ್ಲದೇ ಭರ್ಜರಿಯಾಗಿ ಡ್ಯಾನ್ಸ್​ ಕೂಡ ಮಾಡಿದ್ದಾರೆ. ಅವರಲ್ಲಿ ಆಗಿರುವ ಬದಲಾವನೆ ಕಂಡು ಎಲ್ಲರಿಗೂ ಅಚ್ಚರಿ ಆಗಿದೆ. ಮನೆಮಂದಿ ಜತೆ ಪ್ರೇಕ್ಷಕರು ಆಶ್ಚರ್ಯದಿಂದ ಪ್ರತಾಪ್​ ಅವರ ಬದಲಾವಣೆಯನ್ನು ನೋಡುತ್ತಿದ್ದಾರೆ.

‘ಪ್ರತಾಪ್​ ಓಪನ್ಅಪ್​ ಆಗಬೇಕು ಎಂದು ತುಕಾಲಿ ಅವರೇ ನೀವು ಹೇಳ್ತಾಯಿದ್ರಿ. ಓಪನ್​ಅಪ್​ ಮಾಡಿಸುವುದು ಎಂದರೆ ಹೀಗೆ ಸರ್​.. ನಮ್ಮದು ವರ್ತೂರು ಟೊಮ್ಯಾಟೋ ಅಲ್ಲ. ನಾಟಿ ಟೊಮ್ಯಾಟೋ.. ವೆರಿ ನಾಟಿ’ ಎಂದು ಕಿಚ್ಚ ಸುದೀಪ್​ ಅವರು ಹೇಳಿದ ಡೈಲಾಗ್​ ಹೇಳಿದ್ದಾರೆ. ಪ್ರತಾಪ್​ ಅವರ ಈ ಬದಲಾವಣೆಯನ್ನು ನೀವೂ ನೋಡಬೇಕು ಎಂದರೆ ಇಂದು ಸಂಜೆ ಪ್ರಸಾರವಾಗಲಿರುವ ಎಪಿಸೋಡ್​​ಗಾಗಿ ಕಾಯಲೇ ಬೇಕಾಗಿದೆ.

ಮನೆಯಲ್ಲಿ ಈ ಮೊದಲು ಉಂಟಾಗಿದ್ದ ಬಿಗುವಿನ ವಾತಾವರಣವನ್ನು ತಿಳಿಗೊಳಿಸಿದ್ದ ವಾರದ ಕತೆ ಕಿಚ್ಚನ ಜೊತೆ ಕುರಿತಾಗಿ ಬಿಗ್​ಬಾಸ್​​ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

https://www.vijayavani.net/yuvraj-singh-wife-who-gave-the-reason-for-donating-her-hair