ಬೆಂಗಳೂರು: ಬಾಲಿವುಡ್ ನಟಿ ಸನ್ನಿ ಲಿಯೋನ್ ಸ್ಯಾಂಡಲ್ವುಡ್ಗೆ ಹೊಸಬರೇನಲ್ಲ. ಈ ಹಿಂದೆ ಎರಡು ಐಟಂ ಹಾಡುಗಳಲ್ಲಿ ಸೊಂಟ ಬಳುಕಿಸಿ ಹೋಗಿದ್ದಾರವರು. ಇದೀಗ ಮತ್ತೆ ಅವರನ್ನು ‘ಕಾಟನ್ಪೇಟೆ ಗೇಟ್’ಗೆ ಕರೆತಂದಿದ್ದಾರೆ ನಿರ್ಮಾಪಕ ಕನಕಪುರ ಶ್ರೀನಿವಾಸ್. ವೈ. ರಾಜ್ಕುಮಾರ್ ಎಂಬುವವರು ‘ಕಾಟನ್ಪೇಟೆ ಗೇಟ್’ ಶೀರ್ಷಿಕೆಯ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಕನ್ನಡದ ಜತೆಗೆ ತೆಲುಗಿನಲ್ಲಿ ‘ಸೀತಣ್ಣಪೇಟ ಗೇಟ್’ ಟೈಟಲ್ನೊಂದಿಗೆ ಸಿನಿಮಾ ಮೂಡಿಬರುತ್ತಿದೆ. ಇದೀಗ ಈ ಚಿತ್ರದ ಐಟಂ ಹಾಡಿನ ಮೂಲಕ ಸನ್ನಿ ಲಿಯೋನ್ ಸ್ಯಾಂಡಲ್ವುಡ್ಗೆ ಮರಳಿದ್ದಾರೆ.
ಈ ಮೊದಲು ‘ಡಿಕೆ’ ಚಿತ್ರದ ‘ಸೇಸಮ್ಮ..’ ಮತ್ತು ‘ಲವ್ ಯೂ ಆಲಿಯಾ’ ಚಿತ್ರದ ‘ಕಾಮಾಕ್ಷಿ ಕಾಮಾಕ್ಷಿ..’ ಹಾಡಿಗೆ ಸನ್ನಿ ಲಿಯೋನ್ ಹೆಜ್ಜೆ ಹಾಕಿದ್ದರು. ಎಲ್ಲ ಅಂದುಕೊಂಡಂತೆ ಆಗಿದ್ದರೆ, ಕಳೆದ ಮಾರ್ಚ್ ತಿಂಗಳಲ್ಲಿಯೇ ಈ ಹಾಡಿನ ಶೂಟಿಂಗ್ ಮುಗಿದಿರಬೇಕಿತ್ತು. ಆದರೆ, ಲಾಕ್ಡೌನ್ನಿಂದ ಅದು ಸಾಧ್ಯವಾಗಲಿಲ್ಲ. ಇದೀಗ ಈ ತಿಂಗಳಾಂತ್ಯಕ್ಕೆ ಹೈದರಾಬಾದ್ನಲ್ಲಿ ಚಿತ್ರೀಕರಣಕ್ಕೆ ತಂಡ ಪ್ಲಾನ್ ಮಾಡಿದೆ. ಈ ಚಿತ್ರದಲ್ಲಿ ಯಾಶ್ವನ್, ವೇಣು, ಕಿಸ್ಲೆ ಚೌಧರಿ ಮುಖ್ಯಭೂಮಿಕೆಯಲ್ಲಿ ನಟಿಸುತ್ತಿದ್ದಾರೆ. ಹಾಡಿಗೆ ಎನ್.ಎಸ್. ಪ್ರಸು ಸಂಗೀತ ಸಂಯೋಜಿಸುತ್ತಿದ್ದಾರೆ.
ವಧುವಿಗೆ ಹತ್ತನೇ ಕ್ಲಾಸು, ವರನಿಗೆ 30 ವರ್ಷ; ಬಾಲ್ಯವಿವಾಹ ಮಾಡಿಸಿದವರೆಲ್ಲರ ಬಂಧನ..