ಲಾಕ್ಡೌನ್ ಹಿನ್ನೆಲೆಯಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಸಿನಿಮಾ ತಾರೆಯರದ್ದೆ ಸದ್ದು. ಕುಳಿತರೂ ಸುದ್ದಿ, ನಿಂತರೂ ಸುದ್ದಿ. ಅಡುಗೆ ಮಾಡಿದರೆ, ಯೋಗ ಮಾಡಿದರೆ ಎಲ್ಲವನ್ನೂ ಶೇರ್ ಮಾಡಿಕೊಂಡು ತಮ್ಮ ಫಿಟ್ನೆಸ್ ಹೇಗಿದೆ ಎಂಬ ಬಗ್ಗೆ ಆಗಾಗ ವಿಡಿಯೋ ಸಹ ಮಾಡಿ ಎದುರಾಗುತ್ತಿರುತ್ತಾರೆ. ಈಗ ಅದೇ ರೀತಿ ಒಂದು ಹೆಜ್ಜೆ ಮುಂದೆ ಹೋಗಿರುವ ಬಾಲಿವುಡ್ ಸೂಪರ್ಸ್ಟಾರ್ ಶಾರುಖ್ ಖಾನ್ ಪುತ್ರಿ ಸುಹಾನಾ ಖಾನ್ ಲಾಕ್ಡೌನ್ ಹಿನ್ನೆಲೆಯಲ್ಲಿ ಮನೆಯಲ್ಲಿದ್ದುಕೊಂಡೇ ಟ್ಯೂಷನ್ ಕ್ಲಾಸ್ಗೆ ತೆರಳುತ್ತಿದ್ದಾರೆ. ಅದುವೇ ಬೆಲ್ಲಿ ಡಾನ್ಸ್ ಕ್ಲಾಸ್!
ಹೌದು, ಸದ್ಯ ಕರೊನಾ ಲಾಕ್ಡೌನ್ ಹಿನ್ನೆಲೆಯಲ್ಲಿ ಅಮೆರಿಕದ ನ್ಯೂಯಾರ್ಕ್ನಲ್ಲಿ ಸೋಶಿಯಲ್ ಡಿಸ್ಟನ್ಸಿಂಗ್ನಲ್ಲಿರುವ ಸುಹಾನಾ ಸೋಶಿಯಲ್ ಮೀಡಿಯಾದಲ್ಲಿ ಹತ್ತಿರವಾಗಿದ್ದಾರೆ. ಅಂದರೆ ಆನ್ಲೈನ್ನಲ್ಲಿ ಬೆಲ್ಲಿಡಾನ್ಸ್ ತರಗತಿ ಪಡೆದುಕೊಳ್ಳುತ್ತಿದ್ದಾರೆ. ಅಂದಹಾಗೆ, ಈ ಬೆಲ್ಲಿಡಾನ್ಸ್ ಕಲಿಯಲು ತಂದೆ ಶಾರುಖ್ ಪ್ರೇರಣೆ ಎಂಬ ಮಾತನ್ನೂ ಸುಹಾನಾ ಹೇಳಿಕೊಂಡಿದ್ದಾರೆ. ಇತ್ತ ಬೆಲ್ಲಿ ಡಾನ್ಸ್ ಆನ್ಲೈನ್ ಟ್ರೇನಿಂಗ್ ತೆಗೆದುಕೊಳ್ಳುತ್ತಿರುವುದನ್ನು ಟ್ರೇನರ್ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ (ಏಜೆನ್ಸೀಸ್)