ನಟ ಸುದೀಪ್ ಇದೇ ಮೊದಲ ಬಾರಿಗೆ ಇನ್ಸ್ಟಾಗ್ರಾಮ್ನಲ್ಲಿ ರೀಲ್ಸ್ ಮಾಡಿದ್ದಾರೆ. ತಮ್ಮದೇ ‘ವಿಕ್ರಾಂತ್ ರೋಣ’ ಚಿತ್ರದ ‘ರಾರಾ ರಕ್ಕಮ್ಮ’ ಹಾಡಿಗೆ ಸ್ಟೆಪ್ ಹಾಕಿದ್ದಾರೆ. ಅದಕ್ಕೆ ಕಾರಣವಾಗಿದ್ದು ಹಾಡಿನಲ್ಲಿ ಅವರ ಜತೆ ಕುಣಿದು ಕುಪ್ಪಳಿಸಿರುವ ರಾಶೆೆಲ್ ಡಿಸೋಜಾ ಅರ್ಥಾತ್ ಗಡಂಗ್ ರಕ್ಕಮ್ಮ ಪಾತ್ರಧಾರಿ ಜಾಕ್ಲೀನ್ ಫರ್ನಾಂಡಿಸ್ ಎಂಬುದೇ ವಿಶೇಷ.
ಹೌದು, ಇತ್ತೀಚೆಗಷ್ಟೇ ಜಾಕ್ಲೀನ್ ಜತೆ ವಿಡಿಯೋ ಕಾಲ್ ಮೂಲಕ ಸುದೀಪ್ ಮಾತನಾಡಿದ್ದಾರೆ. ಐದೂ ಭಾಷೆಗಳಲ್ಲಿ ‘ರಾರಾ ರಕ್ಕಮ್ಮ’ ಹಾಡಿಗೆ ಉತ್ತಮ ಪ್ರತಿಕ್ರಿಯೆ ದೊರೆಯುತ್ತಿರುವ ಬಗ್ಗೆ ಖುಷಿ ವ್ಯಕ್ತಪಡಿಸಿರುವ ಇಬ್ಬರೂ, ನಂತರ ರೀಲ್ಸ್ ಮಾಡುವ ಬಗ್ಗೆ ಮಾತನಾಡಿದ್ದಾರೆ. ಆಗ ಸುದೀಪ್, ಜಾಕ್ಲೀನ್ಗೆ ನೀವು ಕನ್ನಡದಲ್ಲಿ ಮಾತನಾಡಿದರೆ ನಾನು ರೀಲ್ಸ್ ಮಾಡುವುದಾಗಿ ತಿಳಿಸಿದ್ದಾರೆ. ಜತೆಗೆ ಅವರೇ ‘ಕರ್ನಾಟಕದ ಎಲ್ಲ ನನ್ನ ಸ್ನೇಹಿತರಿಗೆ ಈ ಜಾಕ್ಲೀನ್ ಮಾಡುವ ನಮಸ್ಕಾರಗಳು, ರಕ್ಕಮ್ಮ ಬೇಗ ಬರ್ತಾಯಿದೀನಿ’ ಎಂದು ಹೇಳುವುದಕ್ಕೆ ಜಾಕ್ಲೀನ್ಗೆ ಹೇಳಿಕೊಟ್ಟಿದ್ದಾರೆ. ಅದನ್ನು ಜಾಕ್ಲೀನ್ ಕೂಡ ಪುನರಾವರ್ತಿಸಿದ್ದಾರೆ.
ಆಗ ಸುದೀಪ್ ತಾವು ಹೇಳಿದಂತೆಯೇ ಮೊದಲ ಇನ್ಸ್ಟಾ ರೀಲ್ನಲ್ಲಿ ‘ರಾರಾ ರಕ್ಕಮ್ಮ’ ಹಾಡಿಗೆ ಸ್ಟೆಪ್ಸ್ ಹಾಕಿ ಮಿಂಚಿದ್ದಾರೆ. ವಿಶೇಷವೆದರೆ, ಈ ರೀಲ್ಸ್ ಬಹಳ ವೈರಲ್ ಆಗಿದ್ದು, ಕಿಚ್ಚನ ಅಭಿಮಾನಿಗಳು ಸಹ ತಮ್ಮದೇ ರೀತಿಯಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಈ ಹಾಡಿಗೆ ಕುಣಿದು ಸಂಭ್ರಮಿಸುತ್ತಿದ್ದಾರೆ. ಅಂದಹಾಗೆ, ಅನೂಪ್ ಭಂಡಾರಿ ನಿರ್ದೇಶನದ ‘ವಿಕ್ರಾಂತ್ ರೋಣ’ ಇದೇ ಜುಲೈ 28ರಂದು ವಿಶ್ವದಾದ್ಯಂತ ಥ್ರೀಡಿ ರೂಪದಲ್ಲಿ ತೆರೆಗೆ ಬರಲಿದೆ.
ಉಡುಪಿಯಲ್ಲೊಂದು ಪವಾಡ! ಕಳೆದುಹೋಗಿದ್ದ ಚಿನ್ನದ ಸರ ವಾಪಸ್ ಕೊಡಿಸಿದ ದೇವರು!