ನೇಹಾ ಧೂಪಿಯಾ ಚಮಚಾಗಿರಿ ಮಾಡುತ್ತಾರಾ? ಏನಿದು ಸುಚಿತ್ರಾ ಆರೋಪ?

ಸುಶಾಂತ್​ ಸಿಂಗ್​ ರಜಪೂತ್​ ಸಾವಿನ ನಂತರ ಬಾಲಿವುಡ್​ನಲ್ಲಿ ನೆಪೋಟಿಸಂ (ಸ್ವಜನಪಕ್ಷಪಾತ)ದ ಕುರಿತಾಗಿ ಸಿಕ್ಕಾಪಟ್ಟೆ ಚಚೆರ್ಗಳಾಗುತ್ತಿವೆ. ಅಷ್ಟೇ ಅಲ್ಲ, ಬಹಳಷ್ಟು ಸೆಲೆಬ್ರಿಟಿಗಳು ಬಹಿರಂಗವಾಗಿ ತಮಗೆ ಆಗುತ್ತಿರುವ ಸಮಸ್ಯೆಗಳ ಕುರಿತಾಗಿ ಮಾತನಾಡುತ್ತಿದ್ದಾರೆ.

ಈ ಬಗ್ಗೆ ಇದೀಗ, ನಟಿ ಸುಚಿತ್ರಾ ಕೃಷ್ಣಮೂರ್ತಿ ಸಹ ಮಾತನಾಡಿದ್ದಾರೆ. ನೆಪೋಟಿಸಂಗಿಂತ ಚಮಚಾಗಿರಿ ಇನ್ನೂ ಅಪಾಯಕಾರಿ ಎಂದು ಅವರು ಹಢಳಿದ್ದಾರೆ. ಅಷ್ಟೇ ಅಲ್ಲ, ಈ ವಿಷಯವಾಗಿ ಅವರು ನಟಿ ನೇಹಾ ಧೂಪಿಯಾ ಅವರನ್ನು ಉದಾರಿಸಿದ್ದಾರೆ.

ಇದನ್ನೂ ಓದಿ: ಕಮಲ್​ ಹಾಸನ್​ ನಾಯಕತ್ವದ ‘ಇಂಡಿಯನ್​ 2’ ಶೂಟಿಂಗ್​ ಅವಘಡ; ಮೃತರ ಕುಟುಂಬಗಳಿಗೆ ತಲುಪಿದ ಮೊತ್ತವಿದು!

ಈ ಕುರಿತು ಟ್ವೀಟ್​ ಮಾಡಿರುವ ಅವರು, 'ಸಮರ ಸಾರಬೇಕಾಗಿರುವುದು ನೆಪೋಟಿಸಂ ವಿರುದ್ಧ ಅಲ್ಲ, ಅದಕ್ಕೂ ಭಯಂಕರವಾಗಿರುವ ಚಮಚಾಗಿರಿ ವಿರುದ್ಧ. ಅಲ್ಲೇ, ಈ ನೇಹಾ ಧೂಪಿಯಾ ಅಷ್ಟೊಂದು ಟಾಕ್​ ಶೋಗಳಲ್ಲಿ ಭಾಗವಹಿಸಿದ್ದು ಹೇಗೆ. ಆಕೆ ಮಿಸ್​ ಇಂಡಿಯಾ 2002 ಆಗಿದ್ದರು ಮತ್ತು ಕರಣ್​ ಜೋಹರ್​ ಅವರ ಬೆಸ್ಟ್​ ಫ್ರೆಂಡ್​ ಆಗಿರುವುದು ಬಿಟ್ಟರೆ, ಅವರಿಗೆ ಅಷ್ಟೊಂದು ಅವಕಾಶಗಳು ಹೇಗೆ ಸಿಗುತ್ತದೆ? ಅವರು ಯಾವ ದೊಡ್ಡ ಸ್ಟಾರ್​ನ ಮಗಳೂ ಅಲ್ಲ ಅಲ್ಲವೇ?' ಎಂದು ಪ್ರಶ್ನಿಸಿದ್ದಾರೆ.

ಈ ಮೂಲಕ, ಕರಣ್ ಜೋಹರ್​ಗೆ ಚಮಚಾಗಿರಿ ಮಾಡುವುದರಿಂದಲೇ ನೇಹಾಗೆ ಅಷ್ಟೊಂದು ಅವಕಾಶಗಳು ಸಿಗುತ್ತಿವೆ ಎಂದು ಆರೋಪಿಸಿದ್ದಾರೆ. ಸುಚಿತ್ರಾ ಹೇಳುವುದರಲ್ಲಿ ಪೂರ್ತಿ ತಪ್ಪೇನೂ ಇಲ್ಲ. ಮಿಸ್​ ಇಂಡಿಯಾ ಆಗಿದ್ದ ನೇಹಾ, ಆ ನಂತರ ಬಾಲಿವುಡ್​ ಚಿತ್ರಗಳಲ್ಲಿ ನಟಿಸಿದರು. ಅಷ್ಟೇನೂ ದೊಡ್ಡ ಹೆಸರು ಮಾಡದ ಅವರು, ಈ ಮಧ್ಯೆ ಮದುವೆಯಾದರು.

ಇದನ್ನೂ ಓದಿ: ರಿಯಾ ರಕ್ಷಣೆಗೆ ನಿಂತರೇ ಮುಂಬೈ ಪೊಲೀಸ್?; ಡಿಸಿಪಿ ಜತೆಗಿನ ಕಾಲ್​ ರೆಕಾರ್ಡ್ಸ್ ಬಹಿರಂಗ!

ಅಂಗದ್​ ಬೇಡಿ ಅವರನ್ನು ಮದುವೆಯಾಗಿದ್ದ ನೇಹಾ, ಇತ್ತೀಚಿನ ದಿನಗಳಲ್ಲಿ ಒಂದಿಷ್ಟು ರಿಯಾಲಿಟಿ ಮತ್ತು ಟಾಕ್​ ಶೋಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಕರಣ್ ಜೋಹರ್​ ಅವರಿಗೆ ಹತ್ತಿರವಾಗಿರುವುದರಿಂದಲೇ, ಆಕೆಗೆ ಅವಕಾಶಗಳು ಸಿಗುತ್ತಿವೆ ಎಂದು ಹೇಳಲಾಗುತ್ತಿದೆ.

ಇಷ್ಟಕ್ಕೂ ಸುಚಿತ್ರಾಗೆ ಯಾಕೆ ನೇಹಾ ಮೇಲೆ ಸಿಟ್ಟು? ಅವರ್ಯಾಕೆ ನೇಹಾ ಮೇಲೆ ಈ ಚಮಚಾಗಿರಿಯ ಆರೋಪ ಹೊರಿಸಿದ್ದಾರೆ ಎಂಬ ವಿಷಯ ಇನ್ನಷ್ಟೇ ಗೊತ್ತಾಗಬೇಕಿದೆ.

https://www.vijayavani.net/details-about-disha-salian-suicide-case/