ಕಳಪೆ ಹೆಲ್ಮೆಟ್ ಮಾರಿದರೆ ಕಠಿಣ ಕ್ರಮ

ನವದೆಹಲಿ: ಕಳಪೆ ಗುಣಮಟ್ಟದ ಹೆಲ್ಮೆಟ್​ಗಳ ತಯಾರಕರು ಮತ್ತು ಮಾರಾಟಗಾರರ ಮೇಲೆ ಕಠಿಣ ಕ್ರಮ ಜರುಗಿಸುವಂತೆ ರಾಜ್ಯ ಸರ್ಕಾರಗಳಿಗೆ ಕೇಂದ್ರ ಸರ್ಕಾರ ಸೂಚಿಸಿದೆ. ದೇಶದಲ್ಲಿ 21 ಕೋಟಿ ದ್ವಿಚಕ್ರವಾಹನಗಳಿದ್ದು, 1988ರ ಮೋಟಾರ್ ವಾಹನ ಕಾಯ್ದೆಯಡಿ ಹೆಲ್ಮೆಟ್ ಧರಿಸುವುದು ಕಡ್ಡಾಯ. ದ್ವಿಚಕ್ರವಾಹನ ಸವಾರರ ಸುರಕ್ಷತೆಗಾಗಿಯೂ ಈ ಕ್ರಮ ಅನಿವಾರ್ಯ ಎಂದು ಗ್ರಾಹಕರ ವ್ಯವಹಾರ ಇಲಾಖೆ ಮತ್ತು ಭಾರತೀಯ ಮಾನಕ, ಪ್ರಮಾಣೀಕರಣ ಕಚೇರಿ ಹೇಳಿಕೆಯಲ್ಲಿ ತಿಳಿಸಿವೆ. 2021ರಿಂದ ಗುಣಮಟ್ಟ ನಿಯಂತ್ರಣ ಆದೇಶ ಜಾರಿಯಲ್ಲಿದ್ದು, ಎಲ್ಲ ದ್ವಿಚಕ್ರವಾಹನ ಚಾಲಕರಿಗೆ ಬಿಐಎಸ್ ಮಾನದಂಡಗಳಡಿ ಬಿಐಎಸ್ ಚಿಹ್ನೆಯೊಂದಿಗೆ ಪ್ರಮಾಣೀಕರಣ ಪಡೆದ ಹೆಲ್ಮೆಟ್​ಗಳನ್ನು ಕಡ್ಡಾಯಗೊಳಿಸಲಾಗಿದೆ ಎಂದು ವಿವರಿಸಿವೆ.