ಕೋಟೇಶ್ವರದಲ್ಲಿ ಶ್ರೀಕೃಷ್ಣ ಲೀಲೋತ್ಸವ

ಕುಂದಾಪುರ: ಕೋಟೇಶ್ವರ ಶ್ರೀ ಪಟ್ಟಾಭಿ ರಾಮಚಂದ್ರ ದೇವಸ್ಥಾನದಲ್ಲಿ ನಡೆಯುತ್ತಿರುವ ಕಾಶೀ ಮಠಾಧೀಶ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮೀಜಿಯವರ ಚಾತುರ್ಮಾಸ್ಯ ಸಂದರ್ಭದಲ್ಲಿ ಶ್ರೀಕೃಷ್ಣ ಜನ್ಮಾಷ್ಟಮಿಯ ಪ್ರಯುಕ್ತ ವಿಶೇಷ ಕಾರ್ಯಕ್ರಮ ಶ್ರೀಕೃಷ್ಣ ಲೀಲೋತ್ಸವ ಪಟ್ಟಾಭಿ ರಾಮಚಂದ್ರ ಕಲ್ಯಾಣ ಮಂದಿರದಲ್ಲಿ ಭಾನುವಾರ ನಡೆಯಿತು.

ಆರು ತಿಂಗಳಿಂದ 3 ವರ್ಷ, 3 ವರ್ಷದಿಂದ 8 ವರ್ಷ, 8 ವರ್ಷದಿಂದ 12 ವರ್ಷ, 12 ವರ್ಷದಿಂದ 16 ವರ್ಷದವರೆಗಿನ ಮಕ್ಕಳಿಗೆ ನಡೆದ ಮುದ್ದು ಕೃಷ್ಣ- ಮುದ್ದು ರಾಧಾ ಸ್ಪರ್ಧೆಯಲ್ಲಿ ವಿಜೇತರಾದ ಮಕ್ಕಳಿಗೆ ಸ್ವಾಮೀಜಿ ಪ್ರಸಾದ ನೀಡಿ ಅನುಗ್ರಹಿಸಿದರು. ಸಮಾಜ ಬಾಂಧವರಿಂದ ‘ಕಂಸ ವಧೆ’ ಕಿರು ಪ್ರಹಸನ ಪ್ರದರ್ಶಶನಗೊಂಡಿತು. ವಿಟ್ಲಪಿಂಡಿ, ಮಲ್ಲ ಕಂಬ, ಮೊಸರು ಕುಡಿಕೆ ಹಾಗೂ ಮಾನವ ಪಿರಮಿಡ್ ರಚನೆ ಮೊದಲಾದ ಕಾರ್ಯಕ್ರಮಗಳು ನಡೆಯಿತು.

https://www.vijayavani.net/by-gods-grace-it-is-possible-to-participate-in-good-deeds

https://www.vijayavani.net/state-level-sports-ajjarakadu-udupi