ಆಂಧ್ರಪ್ರದೇಶ: ಸ್ಯಾಂಡಲ್ವುಡ್ ಬೆಡಗಿ ನಟಿ ಶ್ರೀಲೀಲಾ ಇದೀಗ ಟಾಲಿವುಡ್ ಅಂಗಳದಲ್ಲಿ ಮಿಂಚುತ್ತಿದ್ದು, ಅತ್ಯಂತ ಜನಪ್ರಿಯ ನಟಿಯರಲ್ಲಿ ಒಬ್ಬರಾಗಿದ್ದಾರೆ. ನಾಯಕಿಯಾಗಿ ಅಭಿನಯಿಸಿರುವ ‘ಸ್ಕಂದ’ ಚಿತ್ರದ ‘ನೀ ಚುಟ್ಟು ಚುಟ್ಟು’ ಸಾಂಗ್ ಪ್ರೋಮೋ ಇಂದು ರಿಲೀಸ್ ಆಗಿದ್ದು, ಹಾಡಿನಲ್ಲಿ ಜಬರ್ದಸ್ತ್ ಆಗಿ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ: ಶರಣ ಸಾಹಿತ್ಯದಿಂದ ಮೌಲ್ಯ ಹೆಚ್ಚಳ -ಶಿವಾನಂದ ಗುರೂಜಿ – ಡಾ.ಫ.ಗು.ಹಳಕಟ್ಟಿ ಜಯಂತ್ಯುತ್ಸವ
ಬೋಯಪತಿ ಶ್ರೀನು ನಿರ್ದೇಶಿಸಿದ ಸ್ಕಂದ ಚಿತ್ರದ ತಯಾರಕರು ಇಂದು ಸಿನಿಮಾದ ಫಸ್ಟ್ ಸಿಂಗಲ್, ನೀ ಚುಟ್ಟು ಚುಟ್ಟು ಹಾಡಿನ ಪ್ರೋಮೋವನ್ನು ಬಿಡುಗಡೆಗೊಳಿಸಿದ್ದಾರೆ. ಥಮನ್ ಅವರ ಸಂಯೋಜನೆಯಲ್ಲಿ ಮೂಡಿಬಂದಿರುವ ಈ ಹಾಡಿನ ಸಂಪೂರ್ಣ ವಿಡಿಯೋ ಇದೇ ಆಗಸ್ಟ್ 3ರ ಬೆಳಗ್ಗೆ 09:36ಕ್ಕೆ ರಿಲೀಸ್ ಆಗಲಿದೆ ಎಂದು ಚಿತ್ರತಂಡ ಮಾಹಿತಿ ನೀಡಿದೆ.
ಬಿಗ್ ಬಜೆಟ್ ಚಿತ್ರದಲ್ಲಿ, ಶ್ರೀಲೀಲಾ ಮತ್ತು ರಾಮ್ ಪೋತಿನೇನಿ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದು, ರೋಮ್ಯಾಂಟಿಕ್-ಡ್ರಾಮಾ ಜಾನರ್ ಚಿತ್ರ ಇದಾಗಿದೆ. ಈ ಚಿತ್ರವು ಸೆಪ್ಟೆಂಬರ್ 15, 2023 ರಂದು ಏಕಕಾಲಕ್ಕೆ ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ ಎಂದು ಸಿನಿ ವರದಿ ತಿಳಿಸಿದೆ,(ಏಜೆನ್ಸೀಸ್)